مقهى ملاك نيسان إكستيرا

الله يقويكم

تمام التمام ..

وقت الطلعة والمكان ممتازة جداً ..

حتى لو بغينا نروح نتقهوى العصر في الخريم تكون قريبة منا ..

بالنسبة للأغراض أنا مستعد أجيب عزبتي الخاصة ( شاهي وقهوة وطبخ )

ومتوفر عندي فرشة ومركى وشوية حطب ( يمكن تكفينا )

وأقترح انك تنزل موضوع جديد ، يحتوي على :

1- تاريخ ومكان الطلعة .
2- توزيع الاغراض .
3- الموعد النهائي للاشتراك في الطلعة .

محبك ابن صقيه ..

الله محييك

خلاص نبي نصير أنا وأنت مشرفين الطلعة (المعازيب يعني)
وراح نطلع إن شاء الله يوم الخميس الموافق 1/1/2009
المكان النفود المقابل لمنتزه سعد على طريق الدمام(شرق المنتزه قطع الخط)

أما بالنسبة للأغراض راح أجيب أنا معاميل الطبخ كامله (مايكفي ل 6 أشخاص )
وبرظو راح أجيب عزبة قهوه وشاهي صغيره برظو تكفي 6 أشخاص

والباقي :
الحطب - الفرشات - المراكي - عزبة قهوه إضافيه

نبي نوزعها على باقي الشباب بالتساوي كل واحد يجيب غرض

حلو كذا ولا لك رأي اخر

الله يرفع مقدارك ..

والله انا اللي لي الشرف يا بعدي ..

وننتظر الطلعة على أحر من الدافور :ch9:

حياك الله أخوي ابن صقيه

يامرحبا يامرحبا بالرجال

أتشرف أخوي بمعرفتك

وبإذن الله سيكون لنا لقاء حتى الآن أنت ثاني واحد يشترك معانا

وأنا أبسوي بإذن الله دعوة عامه للشباب وراح أحطها بموضوع رئيسي الكل يقرءه

رقمك وصل وبإذن الله راح ننسق معاكم بس يكتمل العدد

تحياتي

وين اللي بيطلعون ياشباب

أغراضي وعزبتي والمه
وتوي جايب جنب هرفي لعيونكم بس أنتم اجزموا وارسلوا على ايميلي أرقامكم
[email]Ibrahimxerox@Gmail.com[/email]

الله محييك طال عمرك وهذا إذا قالو

رجال قول وفعل

خلينا نشحطك شوي علشان نشجع الباقين

أخوي هب الريح وينك عنا

ولازم الخل الوفي بعد تصيدوه ياشباب بالمنتدى نبيه يجي تكفون

انا اول وااااااااااااحد :) وبرسلك على ايميلك :)

موتري مظلل من ورا تظليل أسود ومن الجنب بعد وأتوقع لو كان مو مظلل كان ماكسرو القزاز لأنه راح يبين إن مافيه شي جوا

هاه.............. وين اللي بيطلعون!!!!!!!

ماجاني شي للحين

أكيد هونتو

صح

الحمدلله على السلامه لكن من الواضح ان موترك ماضلل من الخلف لذالك كانت الاغراض الى في الداخل مطمع لكل من شافها وفعلا الحين السرقه منتشره الله يكافيناشرهم

السلام عليكم ورحمة الله وبركاته
كل عام وانتم بخير يالإخوان
وااله اني توني جاي من القصيم معيد هناك بمزرعه للوالد في ديره اسمها البطين
وبعد العيد بيوم طلعنا لحايل ومن حايل لأم الشنان ومنها على أرينبة الحمرا ومنها على الشيحية وبعدين بريده وبعدين على الرياض

وكان فيه محاولة سرقه لموتري ببريده لأننا أمرحنا ليله هناك ولما طلعت الصبح حصلت الزجاج الخلفي مكسور وفيه بعض الأغراض مسروقه لكن الجيد في الأمر اني لما وصلنا بالليل فرغت الموتر بالكامل بالشقه اللي استاجرناها علشان بكرا الصبح أغسل الموتر وبعدين أحمل أغراضي بعد ماأغسلها بالشقه لكن صار اللي صار

ومشيت عليه بدون قزاز ولما وصلت الرياض رحت لورشة سمكرة وعدلت زاوية الإطار اللي تركب عليه القزازة لأنه من الواضح ان الأخ ظارب القزازة( بمسحاة) ومكمل على الباب

وبعده رحت لمركز السالم بعد مالفيت لفة طويلة بدون ماأحصل القزاز (طبعا مارحت للوكاله لأن وقت دوامهم متظارب مع وقت دوامي) حصلت عندهم القزاز الخلفي تماما نفس الأصلي بس صيني وركبوه لي ب 700 ريال
والسمكري أخذ 100 ريال على التعديل ( بس والله تعديله تمام بدون بويه حتى البويه القديمه ماخدشها)

أما بالنسبة للنسافات ياشباب أنا فاكهن الأربع من زمان ومخليه بدون نسافات وبالنسبه لي طلع شكله وحش وبين فيه الإرتفاع بقوة

أما بالنسبة للإخوان اللي يبون نجتمع ونطلع طلعة حلوه أنا ماعندي مانع وبالعكس أنا مستعد أتكفل بكل شي من الألف للياء أنتم بس اتفقوا على الطلعة واللي بيطلع منكم ويبي يحظر الإجتماع بغض النظر وش موتره يرسل اسمه ورقم جواله على ايميلي

[EMAIL="Ibrahimxerox@Gmail.com"]Ibrahimxerox@Gmail.com[/EMAIL]

ويكتب انه حابب يطلع معنا والتنسيق خلوه علي ومكان الطلعة راح يكون قريب جدا من الرياض بإذن الله ومدة الطلعة نص يوم

يبدأ التسجيل من اليوم وينتهي بعد اسبوع وكل واحد يرسل ايميل راح يجيه رد برقم جوالي واسمي ومكان وزمان الطلعة

سلامات عنايات لكل الفلتات

صباح الخير :) وماقصرت يابن صقيه :)

صناعية أم الحمام ..:emot119:

ماقصرت يالغالي :) انشالله بلحمها :) بس وين ؟؟اقرب شي لشمال الرياض ؟؟

اخوي mohammadobas بالإمكان انك تلحمها عند حقين الفيبر...

لكن نصيحتي لك حط لك ربل لين فوق قبل الرفرف بحيث يخلي النسافه لينه شوي وتجاوب معك في النفود او الاماكن الصخرية ..

الربل اللين يعمل مثل عمل الفصالات

السلام عليكم :) رجعنا الحمدلله خخخخخخ :) كل عام وانتم بخير وتقبل الله صالح اعمالكم :)
طبعا انواع الطلعات للبر والتطعيس والفله والموتر مايحتاج وحش:) النسفات الخلفية
تشققت من الرمل اساسا كنت سامع من الشباب ان نسافاته الخلفيه مبالغ فيها بالطول...
وش رايكم ينفع اروح لحقين الفيابر يلحمونها لي؟؟
وشكرا,,

الله لا يهينك ممكن صور للشعيب والاماكن اللي مربعه هناك ان كانك صورت شي لاني باذن الله جازم على رحله الى الشمال .وكل عام وانتم بخير

اذا تبي الثنتين خذ باثفندر نفس المحرك وقير تبرتونك ورفاهيه وراحه اكثر