مقهى ملاك نيسان إكستيرا

بلاك والله من الفجر اللي هو شافه بأم حزم

السيارة توها مكمله 5000 تقولي كلتش؟؟ شلون تجي؟؟؟؟
ولو ان الصوت طبيعي ليه ماكان موجود؟؟؟
الصوت رافع ضغطي :(

الصوت 200 % من الكلتش ..

أيام الكراسيدا كان يطلع عندي نفس الصوت ..

وراح الصوت يوم غيرت الكلتش ..

وعموما الصوت طبيعي جدا إذا السيارة باردة ..

الصوت اللي أنت تقول عليه طلع عندي فترة وخليته وراح من حاله
أنا سمعته بموترك يوم شغلته الصبح ، وغالبا هو صوت وحده من الثنتين
1- رمان الكلتش وماله أي تأثير ويطلع ويروح حسب كرفك للموتر مع الوقت هو الصوت اللي إذا ضغطت الكاتش راح لأن الجزء الموصل فيه يوقف مع ضغط الكلش
2- صوت طرمبة زيت المكينه (يمكن الزيت خربان أو نوعيته وسط) فلذلك إذا احتر الموتر راح الصوت

والله أعلم

والله يالصورة دلع وقويه بنفس الوقت

السلااااااام عليكم.......
سؤال لاصحاب الاكستيرا واشدد الاكستيرا فقط (يعني ابن صقيه لااااا) خخخخخخخخخخخخ:)
امس رجعنا بالسلامة ولله الحمد في صوت (ونه) واذا مافهمتوا ونه ..صوت تصفيره خفيفه...
..صوت (حنه) فالموتر ولا ضغط الكلتش راح الصوت ولا ومشيت راحت مب لامشيت على طول
اقصد لامشيت فتره واحتما الموتر..... وشو الصوت هذا؟؟؟ وش الحل؟؟؟؟

والله أكون شاكر لك لو ترسل لي رقم هالسوداني واسمه إن حصل

واللي في القصيم أنا ماخذ عنهم فكرة انهم خرطي بسبب مشكلتهم مع أخوي بالباترول الى يومك وعداده ومثبت السرعة ماقدروا يصلحونهن
والفرع اللي أنت تتكلم عنه هو فرع عنيزه اللي قبال الفحص الدوري

أذكرهم زين وآخر مرة جيتهم أول ماطلع الباترول ال 98 فكيت من عندهم واحد جديد ولين بعته وهو مايحتاج

لكن رحم الله زمان أول

أخوي جرب تروح لورشة نيسان في القصيم اللي بين عنيزة وبريدة ما عندهم احد وحبيبين ولا يحتاج تحجز ولا شي ....

واحد راح لهم قبل يومين وسوو له فحص كمبيوتر 3 مرات وربطوا له مسامير الكراتير وعبوا له زيت القير وشيكوا على سيارته...

وفي النهاية...

ببلاش ... يقول رفيجي<<على قولة اهل قطر ... قلت للسوداني خذ على الاقل اي شي قال ابداً ما اخذ شي يقول والله ومشيت وانا اتشكر له.

^^^

الله يعينك ..

والله لو اني معك كان انفقع بلفي وتوطيت ببطن آبو آبوهم ..

والله يابوعزيز الظاهر انهم هاكين عليك وفكو من موترك التراكشن قبل يبيعونه عليك

رحت قبل شوي لوكالة الحمراني وطلعت موتري من عندهم وبرظو هكو علي وقالو لي للمرة الثانية إنهم صلحو صوت الطقطقة اللي في الدفرنس الخلفي وفحصوا الموتر ومامشيت 2 كيلو إلا والصوت طالع

وهاذي اسامي مهندسين الإستلام النصابين والفروع اللي هم يشتغلون فيها
1- سالم أمين ..............فرع خريص (الصيانة السريعة) دفعني 830 ريال والموتر زي ماسلمته إياه اللهم صلح لي المروحة الفارطة وكسر لي كلبسات السلك وفارط سنة المسامير
الصوت ما إتصلح والتربيط دفعت قيمته 250 وما إنعمل لأن من ضمن التربيط تبديل مواقع الكفرات وأنا كنت معلمها وما إتعمل وبرضو صوت الدفرنس ماإتصلح
جلس عنده الموتر يومين

2- عبدالمجيد المسلم .........................فرع خريص الرئيسي
رحت لمه عشان الصوت وقال لي بكل ثبات إن الصوت إتصلح لكن طلع خرااااااط وكذاب
وفوق هذا دفعني قيمة وشغل يد لقطعة غيار (جلبة عصى القير) غير مذكورة في دليل المستخدم على إنها غير شامله للظمان

المشكلة مو في الوكالة المشكلة في الناس اللي يشتغلون فيها حراميه وإدارة الصيانة الدعى فيها ترعى

بعد طلع مافيه تركشن خخخخخخخخخخخخخخخخخخخ اجل من جد يايات وشاشه وضحكوا عليك :)
الله يعينك بس :)

أهم شيء ان فيه باث فيه تراكشن .. أمريكي بنقالي فنزولي أهم شيء انه باث >>> أمزح


بالنسبة للباث السعودي فيه تراكشن إذا شغلت الدبل على كلام أخونا العضو massairi

ألحين أنت وش دخلك بالإكستيرا قاعدن تتفلسف فيه >>>>> انطلق البلف :a120(82):

معلومات عامة عن الإكستيرا

بالنسبة للإي بي إس موجود بالإكستيرا كل الفئات

وبالنسبة للتراكشن موجود بالباث الفل كامل الأمريكي >>>> باث أبن صقية مافيه تراكشن!!!

أما السعودي الفل كامل ماأدري هل هو فيه أم لأ

والدليل طلعتنا الماضيه أبوعبدالعزيز كانت تفر معه الكفرات بدون انتظام لما كان يمشي بدون دبل

إلا في حالة إنه موجود ويشتغل مع الدبل بس

أما الإكستيرا مافيه تراكشن لا السعودي ولا الأمريكي لأنه سست بالخلف والسيارة مصصممة لتحميل أوزان زائدة يعني لو حطو تراكشن راح يخرب مع الوزن الزائد والله أعلم

أبو خزيم وش تحس به ..
الاكستيرا ما فيه تراكشن كنترول ولا بواسطة .. :a120(1):
اي بي اس وتخب ..


لو هو باثفندر كان لقيت اي بي اس وتراكشن وابو التراكشن ..







أبو فهد .. أنتبه لا ينطلق البلف .. الله يستر ..




محبكم : ابن صقيه ..

ياجماعة الاكستيرا مافيه تركشن كنترول حسب علمي هل كلام صحيح؟؟؟
انا متاكد ان مافيه بس ابي اتاكد اكثر؟؟؟
abs هذا اكيد وانا احس فيه .......

الله ياخذ ابليسك يااخ محمد اجل قمت تحكك هههههههههه
مااضن الاكستيرا يحتاج تزويد انا الى معاي قير اوتو وممتاز بالتطعيس والمراقي عزمه حلو امس العصر جاي من المخيم حق العائله ومعي سبعه اشخاص غيري وشفت ذاك النفيد الحليل قل ابسايف وماشاء الله سايفت والكفرات بها عشرين وبدون دبل وكانت الوالده الله يجزاها خير منزله نص الدريشه الخلفيه وامتلت علباتي والمراتب تراب
لكن ياجماعه انا ودي اركب دعامه حديد في وجهية الموتر وش رايكم ووين ممكن احصلهن لاني دورت بالقصيم عندنا وماحصلت شي يركب له

اما بخصوص بنزين 95 فعلا يعطي السياره قوه ومحافظه على العزم وانا اخوياي معهم شروكيات وعليهن تعديل واذا صارو يبي يراقون يعبون 95
وانا جربت 95 و 91 لكن على ددسن موديل 1993 طلعت من القصيم لرياض على سرعه 140 150 وصلت حي العزيزيه وباقي ربع التانكي
وجربت 91 نفس المشوار ويالله وصلني للمحطه الى بعد تفتيش صلبوخ على اليمين الى عندها صرافه الاهلي وممشاي بعد التفتيش كان مابين 80و60 وغير كذا كان الموتر يطيح عزمه عند الطلعات الخفيفه

ابو فهد ماجاوبتني على فرق العزم بين ال91 و95 وفرت الكفر؟؟؟؟؟؟؟؟او بتجربها؟؟؟؟؟؟؟
البرمجه هذي ماراح تنقص شي من قوة السيارة الاساسية لان الفرق راح يكون بجزيئ البنزين و13 جزء هواء اثناء الانفجار (تقريبا)ولا دعست الدعسه كامله راح تزيد نسبة دخول الهواء ويزيد عدد الجزيئات وبالتالي الانفجار يصير اقوى وهالكمبيوتر مجرب يابو فهد على الباث القديم والكل يمدح فيه.

أخوي هب الريح

شف الإكستيرا الإستاندر 2008 بالكويت عليه عرض ب 75 ألف ريال تقريبا

هذا نفس نظام الباترول الجديد لما تدعس الدعسة الثانية تحس كأنه اشتغل شيء بالمكينة واعطاك قوة جبارة تصل الى ظعف القوة الأولى تقريبا

بالنسبة للحركة اللي يبي يسويها لك هي إعادة وزن الدعسة بحيث إنك لما تدعس الدعسة الأولى يعطيك قوة مطروحة منها ال 25 حصان ولما تدعس الدعسة كاملة (العسة الثانية) يعطيك القوة الناقصة ومضاف لها ال 25 حصان اللي هو سرقها من الدعسة الأولى علشان أنت يوصل لك الإحساس اللي يثبت لك إن الدعسة الثانية قوة الموتر فيها عالية جدا بينما هي نفس القوة الأولى قبل تغيير برنامج الدعسة!!!

من الآخر يبي ينصب عليك

يوم السبت كنت فورشة فمخرج 18 حقت تزويد وبلاوي خخخخ:)شفت سيارات انواع القوة واصواتها تروع المهم سالت المهندس قلتله ابي ازود الاكستيرا شي خفيف قالي برمجة كمبيوتر فالبداية قلت
بلا برمجه بلا هم بس قال مستحيل يضر السياره لان ماراح يزود اكثر من 15-20 حصان
(قمت اتحكك وقلت يارجال برمج عشان تنتف ابو فهد خخخخ)قلتله طيب قالي بعد اسوبعين قلت ليش مب برمجه الحين قال لا الاكستيرا ماعندي برنامج له بطلب كمبيوتر (هنا حسيت ان الموضوع تفركش )قال لازم اجيب كمبيوتر عليه البرنامج وانقله لكمبيوتر السيارة ويصير الكمبيوتر الي جبناه فاضي ولا جيت تبيع السيارة نرجع البرنامج للكمبيوتر وتبيعه (تحككت مره ثانيه خخخخ)قلت ياولد لاتسوي فيها كاش واساله عن السعر قالي بحدود 1500-2000 قلتله فامان الله خخخخخخخخخ
عشان 15-20 حصان ادفع هل مبلغ لاوالله اركب جنوط الفل اصرف :)
عاد البرنامج هذا مايشتغل الا اذا دعست الدعسه كامله غير كذا ماله تاثير ولا يبين في الوكاله عشان الضمان :)