نجي عاد ياحبايبي الى عيوب السيارة وهي بالطبع تختلف بإختلاف نظرة الشخص للسيارة من حيث طريقة الإستعمال ومتطلباته
فيمكن حصر العيوب كالتالي:
1- في الفل كامل شكل الشبك العلوي بالنسبه لي أنا ماعجبني وهو اللي خلاني أترك الفل كامل لأني عرفت إن من الصعب إزالته وبرظو إن الفل كامل مايجي قير عادي وهو ماأحتاجه أنا
2- الستره السفلية للمحرك سماكة معدنها خفيف وتنعفط بسرعة وأنا راح أفكها وأفصل بدالها سماكة 2 ملم وهي الي يفك من خلالها فلتر الزيت ونفسها في الباث
3- عمود الدركسون يطلع أصوات قرقعه بعض الأحيان ونفس الشي في الباث
4- الديكورات الخلفية الجانبيه سهلة الخدش وننصح بتفصيل تنزاني للخلفية لحمايتها
5- النسافات طويلة زياده عن اللزوم تحك في كل رصيف وإذا غطس الموتر بالطين راحن تحت وبالرمل برظو لذلك يستحسن فكهن وبرظو يطلع شكل الموتر بنظري أنا أحاى بدونهن
أما الميزات ويتم حصرها كالتالي:
1- السيارة لها قوة غير اعتيادية في تجاوز الطيييييين اللي مايفلت منه جيب وهذا بتجربه مني انا ففي يوم الخميس الماطر قبل أسبوع كنت على أحد الطرق الفرعية ونزلت من الخط أبغى أوقف أتفرج على المطر ومناقع المي والخباري وفيه ناس كثيره واقفه تتفرج ( أثاريهم غاطسين بالطين وأنا مالاحظت إلا يوم صرت بينهم)
الوارد قبل يوقف ,,,,, دبل خفيف ورديته لواحد وأعطيته النار..... والنتيجة.......!!!!
طلع خلال 3 ثواني فقط من المنطقة الطينية كلها بس الموتر قعد يلف فيني على شكل دوائر والناس إندفنت سياراتهم بالطين المندفع من الكفرات ، بس أحسن شي إن أكثرهم مو قادر ينزل من السياره لأن الطين واصل لحد الباب فكانو يلوحون لي بإيدهم وأكثرهم كان يقول وش هالخبل هذا
2- الخفة في الحركة والسرعة في وصول السرعة المطلوبة بدون جهد كبير
3- الإقتصادية في البنزين معاي يمشي 550 الى 600 كيلو
4- في القير العادي على الطرق السريعة المحرك شبه نائم بفضل الله ثم النمره السادسه يوصل مؤشر الضغط عندي 3 على سرعة 170 كلم /س
5- العزل والأصوات على الخطوط ممتازه جدا
6- البساطه مع القوة في التصميم
سلامات عنايات لكل الفلتات
