أعبي ب85 ريال بانزين ويمشيني 350 كيلو بس

c3221011381928 @user_3471 · 20-01-2003

يا شباب عندي مشكله عويصه
عندي باترول ربع أقل نوع موديل 99 ذابحني صرف أعبيه ب85ريال بانزين ويمشيني 350كيلو بس وش الحل تكفون خاصة إني طالب والمكافأه يالله حق الكتب أسعفوني مع إني ركبتله فرارات أوفصالات تفصل الدبل عشان تقلل الصرف ولا فاد:confused::confused:

هاوي الجمس @user_2176 · 09-02-2003

السلام للجميع بالنسبه للنيسان والكربريتر وصرفيته بسيطه وهي ان الأبر الاولي بحجم142 وهذي لاتقربها والثانيه بحجم 220 وهذا مربط الفرس بدلها بحجم 180 وشوف وإذا انت مستغي عن السرعه تقدر تصغر ابار الهوا ويكون من الاحسن لو تفك الكربريتر تحت عينك عند اي ميكانيكي - تراه سهل - وبعد ماتعرف مكوناته تختار علي كيفك السرعه مع الصرفيه او الوسط او تفارقهن كلهن السرعه والصرفيه................واتمني منك المحاوله............تحياتي

c3221011381928 @user_3471 صاحب الموضوع · 09-02-2003

ألف ألف شكر لك يا أخي الفني والله يقدرني على رد جمايلك

الفني @user_742 · 08-02-2003

السلام عليكم :

بالله عليك.. كيف سرعتي في إجابة الأسئلة ... مو معقولة مو ...:D
يعني لو واحد مقطوع بآخر الدنيا كان مات الآن ...ههههههههههه.

على كل حال .. أنا جاي إشكيلك ... جيت تبكيلي..!!؟؟
أنا الجراند شروكي تبعي أعبيه ب82 ريال .. ويمشي 230كم .
الله وكيلك بلاعة بنزين..

سيبك مني .
الحل :
أنا لا أعرف ماهية صرفية البنزين في الباترول .. ولكن لي صديق عنده واحد بخاخ وهو يصرف بنفس المبلغ حوالي 400 بس هداك بخاخ .

أولا عليك بالنظر الى شكمان السيارة بعد مشوار ..هل الشكمان أسود ؟؟
إن كان أسود فنعم يوجد عندك مشكلة في صرف البنزين .. وهذا يعني أن المحرك يرمي بقايا البنزين الغير محترك دون الفائدة منها ..
إن كان رمادي على مبيض .. فهذا يعني أن صرفية البنزين له طبيعية .. والسيارة تقوم بحرق حاجتها تماما ..

بالنسبة لتغيير الجتات والإبر .. صح ممكن تفيد .. ولكن العزم أيضا عليه السلام ..

أظن الحل كما قال أخونا (( ليش ما تاخد سوزوكي ))... :D

فتي @user_2753 · 21-01-2003

امررررررر وش بغااايت

c3221011381928 @user_3471 صاحب الموضوع · 21-01-2003

مشكورين يا شباب على التفاعل مع الموضوع لكن نبي حل تكفون مو سزوكي!!!!!! :p :p

يا فني أسعفني يررحم والديك ووالدا والديك :cool:

TORNADO_SS @user_2641 · 20-01-2003

انا قبل سنتين كان معي باترول وصرفيته عاديه موديله 90

HONDA 4 EVER @user_1081 · 20-01-2003

كاتب الرسالة الأصلية lumss
لي صديق عنده نيسان باترول موديل 94 ويشتكي من نفس الموضوع
لكن المشكلة الأكبر
إن هذا هو الإستهلاك الطبيعي للنيسان باترول
يعني أحسن حل ، إنك تبيعه وتاخذ سوزوكي :)

فتي @user_2753 · 20-01-2003

لو تحط ديزل زيلكك عرف منوحد حط ديزل

traveller @user_2048 · 20-01-2003

بعد السلام والتحيه بالنسبه لصرفية البنزين في السفاري انا سمعت من شباب ان في واحد عنده سفاري موديل 93 اعتقد ركب ابر كبريتر حق التيما على كبريتر سفاري وقلة الصرفيه بنسبة معقوله بس المشكله حتى العزم قل اشوي والسالفه سامعها من زمان وننتظر التعليق من الفني لانه هو اخبر في الشغلات هذي ,دعواتكم لاتنسونا منها اخوكم traveller.

Bader-M @user_3304 · 20-01-2003

ههههههههههههههههههه
حلوه خذ سوزوكي

هذا الباترول وانا خوك

تقبل تحياتي

Ali_UAE @user_1910 · 20-01-2003

لي صديق عنده نيسان باترول موديل 94 ويشتكي من نفس الموضوع
لكن المشكلة الأكبر
إن هذا هو الإستهلاك الطبيعي للنيسان باترول
يعني أحسن حل ، إنك تبيعه وتاخذ سوزوكي :)