غـسـيل محـرك السيـارة .. ( للنقـاش )

اللي يقولون بأنه ممكن تصدي المكينة بسبب الماء ويخافون لهالسبب..

أقول لهم :: صباح الليل !! السيارة كلها من بدايتها لنهايتها من موديلات أقدم من 1970 جميع المعادن اللي فيها تكون إما مصنوعة من معادن مخلوطة لمنع الصدأ أو تكون مطلية بشكل كامل بطلاء مضاد للصدأ.. لذلك تطمنوا..

كما أن الكثير من السيارات الحديثة أصبحت محركاتها مصنوعة بالكامل من الألومنيوم وهو لا يمكن أن يصدأ أبداً، وبعض السيارات استبدلت المعادن فيها كلها تماماً بالألومنيوم يعني ما فيها ولا قطعة حديد، إلا المسامير وتكون من معادن مخلوطة مضادة للصدأ، ومثل هالسيارات سيارات أودي الألمانية..

الأخ هاوي ومحترف، طريقتك ممتازة جداً، لكن فيه نقطة نسينا نذكرها، وهي نظافة المحرك، لذلك سويت لكم الموضوع بهالترتيب :

== إذا كانت السيارة موديلها ما طلع بعده أكثر من موديلين، والمكينة نظيفة مرة ما عليها أي تهريبات من زيوت أو غيره، هذي ما تحتاج أي تنظيف لأنها نظيفة أصلاً، لكن لإزالة الغبار عنها تنفخ بالهواء وتمسح بقطعة قماش مبللة بالماء فقط..
= وإذا كان موديلها نفس السابقة لكن على المحرك بعض التهريبات من زيوت وغيره، فلا يمكن إزالتها إلا برشها بالديزل المضغوط بالهواء، ولكن يجب الحرص أن يكون الرش فقط على مكان الزيت ولا مكان غيره..

== وإذا كان موديلها راح عليه سنتين إلى 8 سنوات ومكينتها نظيفة مرة ما فيها أي تهريبات يعني فهذي تنظيفها بسيط، بالهواء وقطعة قماش مبللة بالماء قليلاً تنظف كلما اتسخت مع بعض الفرك البسيط جداً..
= أما لو كان عليها زيوت وتهريبات، فالوضع صعب، ترش المناطق المغطاة بالزيوت فقط بالديزل المضغوط مرة واحدة وتترك لمدة 10 دقائق، ثم ترش مرة ثانية بتركيز شديد على الزيوت أيضاً فقط ثم وتفرك بفرشاة متوسطة الخشونة ويكون بالإمكان إدخالها في المناطق الصعبة جداً لفركها، وترش مرة أخيرة وبإذن الله تزول الزيوت، ثم تنظف بالماء والصابون القوي جيداً، ثم ترش بالماء، ثم تنفخ بالهواء بشكل دقيـــــق جداً، وتترك بدون تشغيل لمدة 3 ساعات على الأقل.

== إذا كان راح عليها 8 موديلات وأكثر وهي نظيـــفة بدون أي تهريب، ولم تغسل سابقاً أبداً، فتنظيفها برش الديزل المضغوط جيداً جداً في كل أنحاء ما تحت غطاء المحرك ولمدة لا تقل عن 3 دقائق من الغسل، ثم تترك 10 دقائق، ثم تغسل بالماء والصابون جيداً، ثم ترش بالماء، ثم بالهواء جيداً وبدقة شديدة، وتترك 3 ساعات على الأقل قبل التشغيل..
= وإن كانت مغطاة بالزيوت والتهريبات، فكان الله في عونك، يلزمك وقت طويـــــل وجهد كبيـــــر من الرش والفرك والغسيل وربما تحتاج لمواد أخرى غير الديزل، مع اتباع نفس الطرق السابقة في النفخ والغسيل وعدم التشغيل 3 ساعات..

هذا والله أعلم إجتهاد شخصي مني، ولا أتحمل أي مسئولية أي واحد تتضرر سيارته من عمل ذلك..

أتمنى للجميع التوفيق

هذي أضمن طريقة لغسبل المكينة عن تجربة :emot171:
أولا : لازم يكون عندخ كمبروسور ل ضغط الهوا
__ إذا ماكان عندك روح المغسلة .
ثانيا :حط خرطوش الهوا على علبة ضخ يكون فيها ديزل و رش المكينة جيدا في كل مكان و بلا خوف
بعدين انتظر شوي ( حوالي 10 دقايق ) و غشل المكينة بالماء و الصابون زي ما تبي

و للفهم أوريكم إيش اللي بيحصل :
عندما ترش الماكينة بالديزل ( و هو أثقل من الموية طبعا ) ما راح يدخل في المسامات حق المكينة بل بالعكس راح يسدها و يمنع دخول الماء فيها لما تجي و تغسل بالماء .
ثانيا الديزل راح يحلل الزيوت اللي في المكينة و ما يحتاج تدخل يدك و تدعك ( لأن الدعك يمكن يخليك تفصل بعض السلوك ) كمان بالدعك ما تقدر توصل للأماكن البعيدة . المهم الديزل يقدر على كدة
لما تجي تغسل بالماء و الصابون ( لازم الصابون لأنه يزيل الديزل عن الماكينة ) ما راح يدخل الماء لكهربة السيارة أو محركها و تشوف اللمعان اللي يسرك إن شاء الله
بعديين للي يبي يجرب هذه الطريقة . .. لما تشغل المحرك مع السخانة خاصة اللي تكون في مخرج الشكمان راح يطلع دخان أبيض ( من الكبوت و ليس مع الشكمان ) و هذا نتيجة إحتراق بقية الديزل اللي باقي على الماكينة . فلااااااااااا تشيلو هم كلها مشوار واحد و يحترق كل الديزل و خلاص

النتيجة : لمعان يبهر و الماكينة مضمونة .
..................................................................قايلكم ( محترف !:eh_s1: )

انا ماانصح بغسيل المحرك بالمويه ( اللي) بس مثل فكرة اخوي الهامور هذي ممتازه

سيارتي ماخذها وكالة وخلال ثمان سنوات الى يومك ذا ما غسلت ماكينة سيارتي غييييير مرتين فققققققط المره الأوى بعد ما شريتها بـ4 سنوات والمره الثانية قبل شهرين تقربياً وطبعاً الغسيل كان
( ماء + صابون ) فقط .... وبعدها قوة نفخ بالهواء الى ان تأكد ان مافي أي أثر للماء على جميع الاسلاك والبخاخات والدنمو (المقانيت) والبطارية والديلكو ( كل أجزاء الماكينة )
بس نصيحة ابببببببعد عن الديزل لانه يقولون انه ينشف الاسلاك والليات الموجودة ...
وسلامتك...

فيه اشياء خاصة لتلميع المكينة عند حقين الزينة نفس اللي تستخدمها الصالات لتنظيف مكاين السيارات اللي تجي من امريكا واللي تستخدمها محلات تلميع السيارات .
او ودها لحقين التلميع يخلونها تلق لق وفك نفسك من الماء والصابون والديزل .

الياباني مايتضرر على حسب ماسمعت

انا افضل يا شباب اللي يغسل مكينه يوديها لناس مختصين

انا كانت عندي مكينة المونديو متررربه بشكل غير طبيعي ومعدومه

بس ما اهتميت الا لمن جيت اغير الكويلات

والله شفتلكم الميكانيكي ما شاء الله عليه زبطها ونظف المكينه من بره ومن جوة

بس ما سواها بالمويه والصابون

سواها تنظيف بالبخاخات من برره ومن جوة المكينه

وما شاء الله تبارك الله طلعت المكينه من عنده حتى الان صاااااافيه

تقريبا له 6 شهور هذا الكلام

والحمدلله كل شي تمام

انا في نظري المكينه بالمويه والصابون تصدي بعد فتره وتعمل مشاكل

^ ^ ^ ^
أحسنت بارك الله فيك أخي rashed55 ..
لكن ما هو هذا البخاخ الذي تتكلم عنه ؟؟ ما اسمه بالضبط وأين يباع وكم سعره ؟؟؟

بصراحة موضوع ممتاز بارك الله فيكم

وليش امتعبين نفسكم بالمويه واللي وبعدين

تحاول تشغل السيارة وماتشتغل لأن الموية دخلت

على البواجي او الكمبيوتر او الكويل وهذي الحوسه

الحل عندي

يوجد بالأسواق ماده بخاخ يتم رشها على المكينه وبعد

دقيقه ذابت الزيوت وما عليك الا تمسح وتلمع في نفس الوقت

وبعدين شوف مكينتك زي المرايه نظيفه ( أأأأي )

طلع سوداني الرجال همهمهمهمهمه

ترى الماي يلعب بالمكينه وفيه أماكن حول المكينه اذا دخلها الماي

تخلي السيارة تقطع كهرب ولو يجي أكبر كهربائي او ميكانيكي

ما يعرف الخلل ولو تركب الماكينه على سيارة ثانيه تشتغل زي الساعة

لأن الخلل ماهو بالمكينه ولكن بأماكن خارج وحول المكينه

ولو ركبت مكينه جديده بقراطيسها تجدها تقطع لأن الماء ما زال

لم ينشف لأنه حتى ينشف يبيله اسبوع وهي على هذه الحاله

وبعدين تصفى واسئل مجرب أكل الطعم وتورط ولكن كل دقة بتعليمه

مشكورين

اخوي غسل ولا يهمك وابعد عن اماكن الكمبيوتر والضفيرة الكهربائية

يعني انت غسل الماكينة بس وماتقرب الموية على الاشياء الكهربائية ..وانا اغسلها بنفسي وماابي المغاسل يلعبون فيها تنشط واغسل سيارتك وتوكل على الله

الغسيل بشكل خفيف وتغطيه بعض الاشياء المهمه والحساسه .. ما مشكلة

بس في الشهرين مرتين او مره

وبعدين ماي خالي كافي ما يحتاج صابون !!

سيارتي فلكس واجن

مره غسلت المكينه

بعدها بيومين انحرق على دينمو الكهرباء وعينك ما تشوف الا1200 ريال تصليح

بعدها حرمت اغسل المكينه ولو اشوف عليها جبال غبار

كفو يالتعزيز خخ :D

ممكن كلامك صحيح لكن سياره تفرق عن سياره

لكن لا اعتقد ان الماء يسبب ضرر كبير لهذه الدرجه

يعني الضرر اللي ممكن يصير دخول ماء في البواجي

وعلى هالاساس السيارة يمكن ماتشتغل فـ لازم تتركها كم يوم

ياليت والله لو فيه صورة ،، وابد خذها مني دامها سوسو غرق ابوها ماتقول شيء :D

توكل على الله واغسلها
قسم ما يجيهى شي

غسيل الماتور يضر باجزاءه خاصه الاجزاء الالكترونيه ممكن يتلفها تماما
تنضيف الماتور عن طريق البخار او مواد تنضيف خاصه باستخدام اسفنج وليس الرش
او استخدم الديزل واسفنجه وافرك الاجزاء دون ما تكثر ديزل

اذا تبيها ابشر والله اصورها ..:smilie6:

وانا ترا ماغطيت شي ابد .. غرقتها وبس