طريقة الربح من السيارات

يا أخوااان ليش فيها نصب وحتيال هذي الشغله

خليك امين في كل تعاملاتك انا اعرف تجار سيرات والله يقلك كل عيوووب

السيارة ومشاء الله شوف الزباين كيف عندووو

واعرف وحد ثاني ما يرضى انك تشتري سياره من عندو الاذا فحصتها بالكبيوتر

والي يبغى النصب والاحتيال يدورلووو واي شغله في العالم فيها نصب وحتيال

(( ربنا لا تؤاخذنا بما عمل السفهاء منا ))

وتحياتي للجميع

.
.
.
يا شباب ارجو ان لا يخرج الموضوع لـ ابعاد اخرى بعيدة عن الهدف الاساسي من التساؤل
دعونا نتحاور بشكل واعي وجميل وحضاري ,,

نقبل النقد والحوار ,,, ونثري الموضوع بما في جعابنا

اغلب الشغل في بيع وشراء السيارة هو حرام لانه فيه نصب كثير


بس تدري بالنسبة للسيارات الجديدة

هم يشترونها من الوكالة بسعر مخفض كونهم يشترون بكميات كبيرة يعني مثلا سيارة قيمتها في السوق 100000 ريال ياخذونها من الوكالة بقيمة 90000 ويبيعونها لك بقيمة 95000 علشان كذا تلقاهم مخفضين اكثر من الوكالة

شريطي شريطي ما اعوفه بالحراج والمعارض يلهط فلوسك:eh_s1:


انحش وانا اخوك ابعد عن الشر وغنيله

اخي العزيز السبع اشكر لك ردك اللطيف ، بس على فكرة للتوضيح ردي ما كان بعصبية لكني صاحب مزاج حاد بعض الشيء واعرف بانه يلحظ من ردي الإنفعالية بعض الشيء، لكني لا احب تعتيم الموضوع بالدخول بمشابهات دينية او إجتماعية او مهما كانت وربطها في مجال او نحوه ، المقصد بانه خلقنا لكي نعبد الخالق ونمارس ما أملته علينا الحياة سواء كتجارة او نحوه ، فالعبد بالحياة يقضي يومه بما أملاه عليه خالقه وبينه له في كتابه الكريم وسنة المصطفى عليه أتم الصلاة والتسليم.

وأما في تجارة السيارات او اي تجارة أخرى فصاحب العمل مهما كانت ديانته عادة الضمير يكون محرك اساسي له وطبعا الضمير تغذيته معروف مصدرها ، بس مسألة مثلا باني احكم على تجارة كاملة فهذي بالنسبة لي غير مقبولة مهما كان نوعها ، لأنه بالأساس المحرك البشري بها هو من يقع على عاتقه عملية إدارتها وتشغيلها فبالطبع عمله وأداؤه سيكون محاكي لخلقه، ونقيس على هذا المعيار في أي عمل آخر.

أخي العزيز المهندس كما ذكرت قبلا اعرف بان ردي قد يكون حازماً بعض الشيء وتشوبه المبهمات، لكن لكل شخص طريقته في الرد او نحوه ، وبمجال التجارة والحكم بالشبهات بها فهي مسألة اعمق بكثير وبالطبع الكل لديه دراية بهذا الشيء، لكن باي حال في السيارات بالذات وبحكم انه اغلب الزبائن لا تتوفر لديهم الدراية الكافيه بالمركبة سواء كحالتها كميكانيكية او كهربائيه ونحوه، فهنا اغلب عمليات الغش تتم، طبعا غير مسألة الغش الداخلي وهذا عادة يتم بالهيكليات الكبرى كالمؤسسات والشركات وتكون بتحنك إداري مالي بحت، بحيث يصعب من الأساس كشفها، انا فقط أتمنى انه ما يكون حز بخاطرك شيء من ردي وانا والله لا قد حصل وقابلتك شخصيا لاجل اني احكم عليك، او اني لمست إساءة منك ، عموما اتمنى بانه لا اكون قد جرحت شخصك الكريم، واتمنى التوفيق للجميع


وبالفعل صاحب الموضوع وينه

تعال وين رايح ياويلك باقي أنا ماخلصت كلامي :emot171:



أمزح

هدئ أعصابك الموضوع أخذ وعطا وهذا منتدى والكل يبدي رأيه مافي داعي تترك منتدى بكبره من أجل
رد أخونا المهندس هذا ليس منطق لآنك أنت جبت الكلمة هذه بالبداية :smilie6:

على العموم كلامك واضح وانا الخصه بحديث الرسول عليه الصلاة والسلام
وحديث الرسول صلى الله عليه وسلم { الحلال بين والحرام بين وبينهما مشتبهات لا يعلمهن كثير من الناس فمن اتقى الشبهات , فقد استبرأ لدينه وعرضه , ومن وقع في الشبهات وقع في الحرام , كالراعي يرعى حول الحمى , يوشك أن يرتع فيه } الحديث

اخي المهندس كلام أخونا فورد واضح وانا فهمت وش يقصد مثل ماقال الشغلة حلال ومباحة لكن كل
ماتعمق فيها كما قال راح يعرف انه فيها الكثير من الغش والتدليس وهنا ضميره هو الذي سيحكم والامر متروك له والحديث السابق كلنا نعرف معناه .

تحياتي للجميع واتمنى نناقش الموضوع بدون تجريح ونحن في شهر فضيل وكل عام وانتم بخير

على فكرة وين صاحب الموضوع شافنا نتهاوش وحط رجله :smilie6:

اخوكم السبع

انشالله يكونون الاخوان افادوك

^
^

العصبية الدينية !!!!!!!!!!!
اترك الحكم للمشرفين والمسؤولين عن المنتدى اذا كلامي فيه عصبية دينية او خوف من الله

وفي النهاية
لكم دينكم ولي دين

مايكسب بالسيارات الا شخص كذاب!!!!!!

فورد للابد.....

اولا الواحد لازم يتصرف كمسلم ومايكون مسلم فقط بالاسم... واذا العالم عصت وكفرت او حتى ارتدت عن دينها هل معناته انك اتشوف عيشك وترتد معاهم؟ والله هذي صفة المنافقين....

ثانياً: الي ياكل من حرام الله مايبارك له لا في ماله ولا في عياله،، والنار اولى بجسده....... في ناس اتفكر في الدنيا وبس واتفكر ان مافي حياه من بعدها ،، وفي ناس اتفكر لدنياها واخرتها.... اتمنى تراجع حساباتك وانت اترد بهالكلام في شهر المفروض الواحد يتقرب من ربه ويخافه اكثر،، لو في غير رمضان كيف كان بيكون ردك؟

وانا ماقلت في كلامي ان مابتكسب من التجاره هذي الا اذا نصبت،، الي يتقي ربه الله بيرزقه، والانسان الامين والي سمعته طيبه بيسوي اسم اكبر من الانسان الي يتعامل بغش ودنائه.. لكن انا حبيت الفت انتباه اخونا صاحب الموضوع ان الوسط الي اختاره وسط قذر وغير نظيف، وماتقد انه بيتاقلم او بيحقق بنجاح بسهولة فيه من ما لمسته من كلامه، لان الرجال باين عليه انسان طيب وابن حلال وما يعرف في هالامور.

انصحك تفكر الف مرة قبل اي خطوة

وبالتوفيق

يعني يا عزيزي ان كان راح يشك في هالتجارة بانها فيها نصب واحتيال فكل شيء فيه نصب واحتيال يعني لاجل ابسطها اكثر مثل ما اقول لاي شخص انتا وضميرك ، وانتا بعد وضحت شغله حلوه وهي انه راح ينجرف شيئا فشيئا يعني كل ما تعمق كل ما عرف وساعتها اصلا راح يحكم ضميرة وكيف حاب بانه تكون رزقته سواء بالحلال او بالحرام ، واما الشريطية فانا معاليش لي مداخله ثانية ، بمقولة رزق الهبل على المجانين ، يعني الشريطي معروف عنه بشكل عام بانه نصاب ، بينما هو اساسا بروكر او وسيط وشغال بيع وشرى ، وطرق نصبهم معروفة ، لكن استمرارهم مقرون بجهل الزبائن وقيس على هالشي ، وفي اي تجارة ثانية جهل الزبون يعني إستمرارية النصّاب والمحتال، ( طبعاً الأغلبية العظمى ).

ولي توضيح اخر ، بانه اغلب الردود كانت تحليل او تحريم ، بينما لم يوضح باي رد دراسة جدوى او توضيح لنطاق هالتجارة وتفرعاتها وايش هو اساسا مقوماتها وعلى اي اساس تكتب استمراريتها لانه تجارة السيارات مصاحبة للزمن كل يوم عن يوم يفرق سواء بطرح الجديد او إستهلاكه او الإتجار بملحقاته او بمنافسة المنافسين اساسا ونحوه بينما الاخ صاحب الموضوع كان طارح سؤال بسيط في فحواه وعميق في الإجابة

عموما اخي السبع اشكر لك تنويهك وتقبل إجاباتي وجزاك الله كل خير

مع الإعتذار لصاب الموضوع...

العضو اللي مسمي نفسه فرقتنا مادري وشو غير صورتك الرمزية لو سمحت ماحنا ناقصين واتقي الله واطلب من ربك يتقبل صيامك ويجعلك من عتقائه بهذا الشهر

ما ادري يعني قصدك يغش في تجارة السيارات عادي لأن كل شيء فيه غش - هذا ماهو مبرر وماهو منطق أيضاً .
هي التجارة مباحة مافيها شيء لكن راح ينجرف شيء فشيئاً وراح يكون تعامله مثل الشريطية الذين لاهم لهم سوى الربح ولذلك أنصحه ان يبتعد عن هذه الشغلة .
قال تعالى (قُل لاَّ يَسْتَوِي الخَبِيثُ وَالطَّيِّبُ وَلَوْ أَعْجَبَكَ كَثْرَةُ الخَبِيثِ فَاتَّقُوا اللَّهَ يَا أُوْلِي الأَلْبَابِ لَعَلَّكُمْ تُفْلِحُون ) (المائدة : 100).

ولقد ورد عن النبى صلى الله عليه وسلم أنه قال: " إن العبد لقذف اللقمة من حرام فى جوفه, ما يتقبل الله منه عمل أربعين يوماً, وأيما عبد نيت لحمه من حرام فالنار أولى به " (البخارى).

اخوك السبع

ابتعد عن الشغله هاذي احسلك :emot171:

ما اقول الا الله يوفقك .. والتجارة شطااااااارة..

الاخ العزيز / فهد

بداية ماشالله شكلك خفت من الردود ، ههههههه عموما المسالة بالربح اولا معتمدة على نشاط المعرض عندك سواء انك تشتري وتبيع في السوق ، او انك تستورد او انك تستورد وتشتري وتبيع في السوق بنفس الوقت وطبعا لسا فيه مسائل ثانية زي انك تكون موزع محلي لاحد الشركات ونحوه يعني الانشطة متوفرة .
ثانياً لا بد من انك تعد دراسة جدوى عملية والأهم بان تحدد تكاليف تشغيلك بشكل دقيق وتحصرها كذلك بشكل يومي، طبعا غير التكاليف الأساسية كتجهيز وإيجار ورخص ونحوه وكيف عملية إستردادها عموما هذي راجعة لحسبتك ودراستك لمشروعك.
أما يا اخي العزيز بالنسبة إنك تشك بانه شغل السيارات فيه نصب واحتيال ، فياعزيزي السياسة بها نصب واحتيال ، اغلب رجال الاعمال شغالين نصب واحتيال وماصين خيرات المجتمع ، جهات كثيرة سواء كانت دينية او إجتماعية او تجارية ونحوه شغالة نصب واحتيال يعني راح توقف على تجارة السيارات، مادري بس مو منطق اساسا، عموما بمعنى ادق النصب والاحتيال بالسيارات يكون بعدة طرق، ونصيحة مني لو انك شخص ضعيف ومن البداية راح تحس بانك مو قد الشغل هذا ابعد عنه، لانه بالنهاية شغلة راجعة لضميرك هذي اول شغلة ، ثاني شغلة أنه اصلا راح تواجه زبائن نصابين فراح تشوف المسالة الآن معكوسة اصبحت وشف عاد كيف تحلها.
فنصيحتي لك لا تضيع وقتك بالتفكير بالنصب والاحتيال وماعرف ايش ، واشتغل صح وجهز دراساتك بشكل تام ودقيق خصوصا التكاليف التشغيلية المستمرة والتكاليف الثابتة سواء الإنشائية ونحوه.
وطرق الربح كثيرة ، لكن اهمها حركتك انت ، وعموما لو بغيت نصيحتي خلك راقي وفاهم راح تكسب زبائن ، السوق اغلبه عموما ما يحتاج اتكلم لكن أرذل انواع البشر شغالين فيه سواء مواطنين او مقيمين انت بس اختلف عنهم وريح حالك.
وبالتوفيق