ما الذى يجعل سيارات Super Cars سوبر

الي ذكرتهم اتوقع ليسوا سوبر سيارات رياضيه فقط

^^^^^

ليس بشرط. الفرارى 612 و599 كمثال محركاتهم أمامية وليس بالوسط

شيء واحد يعرف السوبر رياضيه
هو ان الماكينه بالوسط mid engine car

سامي اقسم بالله ماقصدي ازعلك

pnrb هذا الي ابي اوصل له انا من اخر فقره في كلامك يعني معلوماتي صحيحه بأن من الممكن ان نزود اس اس ويتفوق على السيارات السوبر في التساااااااارع فقط ماقلت شي ثاني التسارع بس

الله يسامحك

انتهى النقاش

ماشاء الله

أشكر الشباب على إحياء الموضوع وإثرائه

أخى ss2000ss

السيارات السوبر لاتتعلق بالسرعة فقط. الموضوع يتعدى السرعة وهو كما اراه تكامل كل العناصر بالسيارة لتكون تحفة فنية وهندسية

التكامل الهندسى يكون بالمكونات المستخدمة لتصنيع السيارة مثل احدث المركبات لتصنيع البودى (كاربون فايبر وغيرها) والإهتمام بكل التفاصيل الهندسية (كل برغى بالسيارة مدروس ومصمم بشكل خاص للسيارة) ومحرك مصنوع باليد ويمر بإختبارات مضنية قبل ان يركب على السيارة وغيرها من الانظمة والأمور الهندسية

التكامل الفنى يكون بالتصميم الجميل المتكامل العناصر وكل خط وزاوية بالسيارة مصممة لتكون تحفة فنية تخدم الجمال العام للسيارة والصبغ الخارجى يتم بطريقة فنية هندسية تمنع اى عيب ويبرز الجمال الكلى للسيارة

نعم،بإمكانك ان تأخذ سيارة رياضية وتعدل عليها قدر ماتشاء وتجعلها أسرع من سيارات السوبر ولكنها ستضل سيارة رياضية معدلة ولكنها لن تكون سيارة سوبر. خذلك شفر SS وعدل عليه لين تخليه يجيب سرعات تتحدى السيارات السوبر واخر المطاف اى واحد يشوف السيارة شراح يقول؟ شفر معدل وليس سيارة سوبر

ارجو ان اكون شرحت وجهة نظرى

انا ماقلت ان الاس اس سوبر انا قلت بعد التزويد بامكانه التفوق في التسارع على تسارع السيارات السوبر لاحظ في التسارع فقط
يعني مسار طوله 3 كيلو بامكان الاس اس المزود قطعه المسافه باسرع من السوبر لان التسارع بيكون اسرع ومايمدي السياره السوبر تجيب 300 تجيب 200 وينتهي المسار
وانت شكلك متعصب للسوبر ياسامي
وسامحني اذا ازعجتك

^^^^

شوف لو تزود سفك اربع سلندر 1.8 و طلعت منها 500 حصان يمديك تقوم على سيارة سوبر بس في الخط ما راح يمديك و اقرب لفه السيارة تنقلب عموما عزيزي انا عندي بعض المشاغل و ما اقدر اناقش الموضوع اكثر السالفه و بما فيها اس اس مهي سوبر و لو طلعت السماء و رحعت ما تصير سوبر و في الحقيقة لا تنافس و هذا راي الخاص تحياتي لك وشكرا لك على النقاش

انا ابي اوصل الي انه لو نزود الاس اس بيتفوق على بعض السيارات السوبر لفتره زمنيه قصيره
يعني مثلا بيجيب ال 260 او 280 قبل ماتجيبها السياره السوبر بفارق ثواني ومن ثم تتفوق السوبر لانها بتجيب 300
ولا الثبات وووووو هذي ما اختلف معك فيها انا بس قصدي على التسارع

طيب اش فايدة التسارع بدون ثبات اوكي اجيب اس اس و ازودها و بعدين اش استفدة دام السيارة مهي ثابته يا اخي الفاضل الاس اس حتى لو زودتها استحال تاخذ لفه على 180 بدون ما يصير شيء عكس السوبر كارز الا يمكن تجلس تخمس على 180 و السيارة زي المسمار في الارض

ايضا لو انك من متابعين توب قير تعرف سبب عدم تنافس السيارات المزودة للسيارات السوبر كار احد الاسباب بدي السيارة المزودة ما تتحمل السرعات العاليه تتفكك السيارة لو تمشي فترة بسيطة فوق ال 260 اما فرضا بورش تيربو امشي عليها لمدة ساعة بسرعة 300 و السيارة ما يصير فيها شيء

ادري ياسامي بس انا اقصد في التسارع

عزيزي الفاضل السوبر كار ليس مركز فقط على الاداء تركز على جودة التصنيع و التصميم المبدع وووووو اشياء مرة كثيرة

يعني اخذ لي سياره رياضيه واعدلها وتصير قريبه من السوبر واوفور على نفسي فلوس السياره السوبر

طيب ياسامي يعني اذا السياره الرياضيه مزوده بتنافس السوبر الستوك صح ولالا

انت قلتها بنفسك ( مزودة)

و القانون المعروف المزود لا يقارن بالستوك

المقطع الي حطيته انت ماتلاحظ ان بعد 240 صار التسارع بطيئ
اللومينا الي حطيت لك مقطعها ترى 2006 ولو تلاحظ انه بعد ماوصلت 260 توها تعشق للنمره الاخير يعني بامكانها الاستمرار في تزايد السرعه
ولو انها من النوع الجديد الي طبلونه 280 وبعد ماتجيب 280 فيه مجال انها تزيد السرعه يعني بامكانها تقريبا وصول 290 يعني ممكن انها تسبق الفراري وبعدين بعد ماتجيب الفراري 300 تسبقها والفراري بعد ماوصلت 310 الضغط عند 9 مدري شلون بتجيب طبلونها تمنيت المقطع يستمر

سامي النقاش معك ماينمل ووالله يعطيك العافيه

المقطع الي حطيت لك تقول ايش المطلوب منه انا بس ابي رايك باتسارع
ويمكن انها تجيب 260 بوقت اقل من وقت بعض السيارات السوبر
يعني لاتقارن باسرعه القصوى ادري ان السيارات السوبر سرعتها 300 وفوق بس انا اقصد مثلا من 100 الي 260 او 200 بتكون بعض السيارات المزوده تجيب 200 اسرع من السيارات السوبر
مثل المقطع الي حطيت لك وفيه كثير غيره يمكن اسرع منه بعد
اتمنى انك فهمت مقصدي

هذا مقطع فيراري اف 430 تسارع من 0-300 خلال 32 ثانية

[YOUTUBE]U5NlOUizI8Y[/YOUTUBE]

و ايضا هذا رابط موقع معروف بالتسارعات

http://www.fastestlaps.com/car4571bf8c098af.html

يوجد سيارة تجيب ال 300 كم خلال 16 ثانية
اقوى فيراري خلال 26 ثانية لل300
اقوى بورش خلال 33 ثانية