إخواني , ركبت الإصدار الجديد من كلتش المروحة اللي يتحكم في عدد لفات ودوران المروحة وفقاً لدرجة الحرارة بتحكم إلكتروني وكهربائي
الرقم الجديد تنبيه يا إخوان هو
25790869
قالي الفلبيني انه بينزل حرارة السيارة ويتحكم فيها احسن ويزيد من كفاءة وتبريد المكيف وهذا اللي لفتني
ولاحظت بعد التركيب صحة كلام الرجل فحرارة السيارة ظهرت منتظمة أكثر وبالإضافة إلى الصوت تغير جداً وتبريد المكيف افضل من أول بالذات في حالة الوقوف ( وقوف السيارة ) أو المشي البطيء
هذي المميزات الجديدة حبيت أشارككم فيها لأن المعروف عن كلتش البليزر والإنفوي ان مشكلة كلتش المروحة مشكلة تصنيعية ومعروفة
على طاري المروحة أذكر لكم موقف طريف أكلنا من وراه تيوس مندي لمدة أسبوع :smilie6:
أول ماخربت معي المروحة كانت تشتغل في بداية تشغيل الموتر , ولو أخليه واقف نص ساعة ماتطفي... إلين أحرك السيارة وادعلس أو اشغل المكيف تروح تطفي المروحة وتضوي لمبات بالطبلون وترتفع الحرارة
مرو علي الشباب وشرحت المشكلة , المهم رحنا لم العلماء وقاموا كل واحد يقول لك علم
المهم اتصلت على واحد وقالي لي انتبه ترى يبيلها برمجة بعد التركيب ؟!!
قاموا الشباب يسخرون ويتهزون وصار التحدي على تيس مندي
يقولون ماصارت أبد ان مروحة تشتغل على سير ويجيها اسلاك كهربائية وكيف تدور المروحة وفيها اسلاك ووووو والف علم وعلم
وأروح طال عمرك لأوتو ستار وأطلب القطعة وافتح الكرتون اثر فيه فعلا اسلاك خخخخخخخخخخخخ
صوووووووور وارسل وسائط
المهم اسبوع كامل على كيف كيفك :emot96:
قلت ايه علشان لا تسوون فيها علماء وما وراكم سالفة
تحياتي للجميع
