تكفووووون تريل بليزر أهلكني أبغى حل

في حالة ازالة دبة التلوث او تفريغها مع عدم فصل الحساسين فلا توجد مشكلة سوى اضاءة لمبة التحذير ولكن بالطبع هذا الاجراء سوف يزيد من تلوث البيئة .اما اذا تم فصل الحساس رقم 1 < ما قبل الدبة > فان الاعراض سوف تكون على شكل صرف زائد للوقود ودخان اسود من العادم وعدم صفاوة المحرك لان كمبيوتر السيارة سوف يزيد من نسبة الوقود على حساب نسبة الهواء نتيجة فقد المعطيات القادمة من حساس O2 ما قبل الدبة .
تحياتي

ماهي الأعراض او المشاكل التي تجي للسيارة غير لمبة المكينة في الطبلون ؟؟؟؟

الله يجزاك خير يا ماجلان وبيض الله وجهك
الجابري - الصناعية القديمه كلمتهم يقولون الاحد الجاي يجينا جهاز البرمجه
امره اذا الله مد في العمر
وان شاء الله خير

أنا اللي أقصد الحساس السفلي ...
أنت باين المعرض اللي ماخذ منه البليزر مفرغ الدبة ...
والحساس بعد الدبة ، ليه !!؟؟
تصور لو كانت فيه الدبة او يسمونها بعضهم الشخالات وش راح يصير
راح تقوم بترشيح وفلترة الكربون ، لأنها ماراح يطلع إلا كربون قليل ، وبالتالي الحساس راح يقرأ إن معدل الإنبعاثات قليل ..
لكن مادام مافي شيء يحجز الكربون فراح يضرب بالحساس على طول وبالتالي راح تطلع لك check engine ..
طبعا لما تركب الفلتر ..راح يكون بمثابة الفلتر شد بلاده ، لكن ميزة الفتر السعودي مسامات أكبر وبالتالي راح يقوم بعمل فلتر الوكالة ...
لكن أنا أنصحك تحول برمجة الموتر معك إلا برمجة مطابقة للمواصفات الخليجية أريح لك من فكرة شيل وحط وفك وتركيب ،وراح تنحذف المشكلة لو برمجته

الله يوفقك أخي مجلان على التوضيح المصور
الن عندي استفسار اخر يالحبيب
(نصيحتي لك إنك تركب فلتر سعودي قبل الحساس عند محل الشكمانات)

وشو الفلتر اللي تقول وعندي اكثر من حساس الحساس اللي عند القزوز ( العلوي) او الحساس السفلي اللي واضح في ردك بالصوره
ولك مني وللاخوه تحياتي

يا أخي الكريم في المواصفات السعودية والخليجية بشكل عام لايوجد فيها حساس بالشكمان
أنا معي مثل موترك 2006 مواصفات سعودية ، ولايوجد فيه حساسات بالأسفل ..
وهذه الحساسات تسمى بحساسات الأوكسجين ويرمز لها O2 ،،،
طبعا بما أنها مواصفات أمريكية فإن إشتراطات البيئة عندهم قاسية فلذلك يتم وضعها ، وهي كما قالوا الأخوان تقوم بقراءة الإنبعاثات فإذا زادت فإنها تعطي قراءة للكمبيوتر وتجي عندك في الطبلون صورة المكينة أو check engine أو service engine soon والسبب
أنه عند إستقدام السيارة يتم تفريغ دبة التلوث هنا بالخليج حتى ترتاج السيارة وتفرغ الكربون بدون عوازل ..
والدبة عبارة عن كتلة ثخينة من الرصاص يوجد فيها مسامات يخرج منها الكربون ...
نصيحتي لك إنك تركب فلتر سعودي قبل الحساس عند محل الشكمانات
أو الأفضل إنك تبرمجه وتلغي قرائته من الكمبيوتر بمعنى تعطيله

الشكر لكما اخواي الكريمان
اهلا اهلا
فني السيارات
على الرد
المشكلة ان حتى تغيير الحساسات متخوفين منه اكثر الكهربائيين
يعني لازم يغيرون حساساتهم اولا :a120(89):!!!!!!!!
السبب البليزر مشاكله كثيير على حسب كلامهم
عندي يا شباب سؤال مهم من يستطيع من الورش الكبار الكشف على الحساسات الثلاث للشكمان وتحديد ايها يتم تغييره؟
شاكرا تفاعلكم

لااعتقد انك تقدر تعيد البرمجة بدون الحساسات لانها تعطي قراءة لنسبة الانبعاث وبناء عليه تعطي دفع اللبنزين للسيارة ولو صار ماصار ستزيد نسبة صرفية البنزين

وعليك بتباع ما قاله لك الاخ اهلا اهلا