الأحد 19 أبريل 2026
عاجل

مثبت السرعه-قراند ماركيز

ورشة السيارات
18 رد 4,654 مشاهدة 11 مشارك الأقدم أولاً
M
Majed20 @user_107494 · 14-07-2008
بسم الله الرحمن الرحيم
اخواني اعضاء المنتدى المحترمين اخياركم انشاءالله تمام
العلم سلامتكم :)
عندي ماركيز 2004 فل المثبت حق السرعه شغال زي الحلاوه
بس سبحان الله الزين مايكمل شحنتها على البسامي ولا اشتغل من يومها!!!!
الماركيز استعمال امريكي,,,,الحقيقه ودي اعرف وش العله من ايش
وانتم عارفين الورشات عندنا يتعلمون على السياره واذا عرفوا العله
صلخوك بالدراهم=غلو عليك السعر
اللي يعرف حل المشكله لايبخل علينا لاهنتوا
:)


ر
ريسان @user_88585 · 07-08-2008
روح أخوي لترايستار في الخضرية الفحص ب 150
وفيه ورشة شالنجر عندهم لبناني أو سوري مره فهيم
أو روح الدولية للسيارات وانتبه لاغراض السيارة في الدولية حتى معدات البنشر تأكد من وجودها عند استلامك للسيارة الفحص عندهم ب00 1
ع
عشقتكـ ياماركيز @user_71958 · 06-08-2008
عزيزي يوجد قطعه سودا تحت المقود مغطأه بالديكور لايمكن أن تراها إلا بفك الديكور ,وهي المسؤوله عن تنظيم الأناره والزمور ومثبت السرعه أيضا..أتمنى أن تفحصها أولا

عشقتكـ ياماركيز
m
mno @user_1375 · 24-07-2008
السلام عليكم

أسف على التأخير بالرد.
بالنسبة للمحل إللي بالخضرية ما أعرف أسمة ..لاكن إذا ودك بوصف الورشة تراها ماتضيع.

طريق الملك سعود
تترك محل V COOL على يمينك وراح تجيك أشارة بعد الإشارة واصل وراح تشوف محل العثيم لقطع غيار الفورد بعد العثيم أول طريق على يمينك أدخل فيه ...واصل طريقك المحل قبل أخر محل على اليسار ..عليه شعار فورد .

اخوي ماجد لو المشكلة بالأزرار ترى سعرها رخيص في حدود 150 - 200 ريال ومايحتاج تشتري لك دركسون جديد.لان الأزرار تباع لوحدها.

أتمنى اكون جاوبت على استفساراتك.
r
rahall @user_52502 · 24-07-2008
اغلب مشاكل المثبت من الازارير في الطاره وحلها
غير الطاره تشليح تلقاها 100 ريال بس تاكد اول روح لكهربائي خليه يفك الطاره
ويشوف الازره شغاله ولا لا
ا
ابو مرجي @user_108455 · 24-07-2008
طيب انا عندي مو شغال وعادي
بس يمكن من الحساس حق المثبت شيك عليه بس يقولو انه غالي 500ريال
والله اعلم
a
al7eran @user_44331 · 22-07-2008
نفس مشكلتك
مثبت السرعه كان شغال
وجربته اكثر من مره في السفرات الاخيره
مايشتغل
(
(فيزا) @user_96624 · 22-07-2008
الله لا يهينك
اعرف واحد نفس المشكلة

عمل اعادة برمجة للسيارة يعني مثل السعودي ورجع اشتغل المثبت بالصدفة وهو كان ما يشتغل من اول

السالفة برمجة

الله لايهينك رح الوكالة وسوي كشف عند الجزيرة 130 ريال ويعلمونك العلة
M
Majed20 @user_107494 صاحب الموضوع · 22-07-2008
الله لايسفهنا
ياشباب اللي عنده حل
وياليت مجرب
M
Majed20 @user_107494 صاحب الموضوع · 21-07-2008
m
mno
السلام عليكم
نصيحتي بعد ما تفحص الفيوزات وتتأكد منهم .تتأكد من أزرار المثبت إللي بالدركسون لان أكثر أعطال المثبت تكون من الأزرار..

على كل حال حاول تفحص الأزرار عند أي محل الكترونيات بالخضرية للتأكد

الخضريه واجد المحلات اروح لأي محل,,,,,يس وشلون يشيكها
لاتقول يفك الدركسون!!!
M
Majed20 @user_107494 صاحب الموضوع · 21-07-2008
ش
شـرق
عفوا اخوي نسيت موضوع الفيوزات لا تنسى تشيك عليها

شيكت على الفيوزات كلها تمام ولله الحمد شاكر لك اهتمامك
m
mno @user_1375 · 20-07-2008
السلام عليكم
نصيحتي بعد ما تفحص الفيوزات وتتأكد منهم .تتأكد من أزرار المثبت إللي بالدركسون لان أكثر أعطال المثبت تكون من الأزرار..

على كل حال حاول تفحص الأزرار عند أي محل الكترونيات بالخضرية للتأكد
ش
شـرق @user_108178 · 20-07-2008
عفوا اخوي نسيت موضوع الفيوزات لا تنسى تشيك عليها
ش
شـرق @user_108178 · 20-07-2008
غريبه
بس جرب افصل البطاريه شوي وارجع اشبكها من جديد
يمكن يبغالها عمليه ريست

تحياتي
شرق
M
Majed20 @user_107494 صاحب الموضوع · 20-07-2008
نسيت اقولكم ياليت في الخبر <<< طرار ويبي ثوب كبك خخخخخخخخخخخخ
بس اهم شيء لاتقولون الملحم لأنه مع احترمي نصاب ):
M
Majed20 @user_107494 صاحب الموضوع · 20-07-2008
يالربع مالقيت الا ورشتين يفحصون اللي هم لبيان في حي الملك فهد
وورشه اسمها الجابري في الصناعيه القديمه!!!!
كلهم قالوا من 300 الى 350 بدون قطع الغيار
الحقيقه السعر غالي واللي قاهرني انهم قالوا ان عندنا زحمه لا تجي الا يوم السبت!!!
انا اشتغل في الشرقيه يعني مايمديني احد يعرف ورشات في الشرقيه لايبخل علينا
ونبي السعر يكون رحيص لأن غير معقول 300 عشان فحص وهو مايستاهل
الدعوى احتكار نبي حل تكفون يالنشامااا
ا
الــزعــ7ــيــم @user_49869 · 14-07-2008
فحص كمبيوتر عند محل ممتاز بدال ماتلف على الكهربائيين وتخسر قيمة فحص كمبيوتر
M
Majed20 @user_107494 صاحب الموضوع · 14-07-2008
وش صار يا أخوان
أ
أنـــــس @user_34305 · 14-07-2008
ينقل لقسم الورشة
سجّل دخول للرد...