.
.
.
السلام عليكم ورحمة الله وبركاته
صباح / ظهر / عصر / ليل ,, الخير ع الجميع :D
يآخوان ,,,, قررت اني اشتري سيارة لاخوي ,,,, قلت له آمر تدلل وش تبي !!
قال : ياخوي ماودي في حاجة غير انها تكون " تماتيك "
والخيار مفتوح قدامك ,,, من " يآرس " لـ " بي إم "
:D
قلت : أجل يمدحون " السيفيك " هوندا / ياباني / تماتيك / حلوة / عصرية / سعرها زوين !!
قال : انت تفصل وانا ألبس
الوالد : يا ولدي خذلك كورولا احسن ,,, تويوتا وقير عادي احسن لك من الهوندا كلها !!!
قال : لا يابوي التماتيك اصبح من ضروريات العصر !!
قلت : يابوي , نآخذله سيفيك أصرف !! وغير كذا ملفي " أبيض " في الهوندا وفوق ذا كله عندي " خصم انتظام السداد " << من ايام الاكورد :D
يعني اسمي خاضع للشروط والاحكام عندهم
قال والله ماادري عنكم ,,, انا اشوف التويوتا احسن !!
قلت ,, ابوي السيفيك انا اضمن لك 5 سنوات قدآم ماتفك كبوتها الا ماندر !!
قال: بس التويوتا !!
المهم ,,, مالكم بـ الطويلة !!!
وش رأيكم في تمسكي بـ السيفيك ,,, هل هي احسن من الكورولا !!!
صراحة لو مسكت في رأس الوالد ناخذ تويوتا ,,, بـ آخذله " يارس " اصرف
اولا انا مو مقتنع بالشكل الجديد للكورولا ولا السعر
فـ وش يكون شوركم علي لا هنتوا !!!
لاحد يقول هيونداي ولا غيرها !!
لاني مقتنع تمام الاقتناع بـ عدم استمراريتها سنوات للامام في ظل اسلوب اخوي |11|
والشكر مقدما !!
