هل المشكلة في كراسي المكينة؟؟؟

انا مغير كراسي المكينه لسيارتي في ساعه وهي مو محتاجه وقت بس يرفع السياره على الرافعه ويحط العفريته تحت المكينه ويرفعها شوي ويفك الكرسي ويركب الجديد وكذا مع الكرسي الثاني

ممكن تكون حساسات ا لهواء او كراسي الماكينه

خوي انت غلطان كرسي المكينة لازم تشيل المكينة وبعدين تشيل الكرسي القديم وتركب الجديد

يبيله شغل على الاقل ساعتين مع وجود رافعة وكل شي

تحياتي،،،

شوف حساس الهوا او ان السيارة محتاجه تبديل فلتر الهواء او تنظيفة و الله اعلم

حياك الله اخي انا كان عندي التيما 2006 وكنت اشد عليها وطلع نفس المشكله ولما رحت الوكاله طلع كرسي المكينه اليمين مكسور وبدو تغيير بالنسبة للتكلفه ما اعرف كم يكلف وبعدين تقدر تشيك على السياره بنفسك يعين تقدر تتأكد اذا الكرسي مكسور ولا لا

ما ادري بالنسبه للرجفه ما توقع ان الكراسي لها دور كبير لاني سيارتي قد صار فيها رجه وغيرت كراسي المكينه وماتغير شي لكن كان المشكله من حساس الهوا وهو غالي تقريبا سعره بسعر كراسي المكينه الأثنين
يعني كراسي المكينه خذيت الأثنين بحدود الـ 900 ريال
وحساس الهوا قطعه صغيره بحدود 850 ريال

اما بالنسبه لوقت تركيب كراسي المكينه فهي ما تاخذ اكثر من ساعه لان شغلتها سهله جدا

اخوي احنا عندنا كورلا فيها رجفة ولكن حتى تتأكد سوي طريقة

اذا كانت سيارتك كير اوتوماتيك دوس بريك على الاخير ودوس بنزين بس ارفع الدوسه شوي

وشوف انت او خلي احد يسويلك الحركة وانت شوف المكينة اذا المكينة تطلع من مكانها بشكل ملحوظ معناها ان الكراسي يبغالها تغيير واذا لا والمكين ثابتة او تحرك بسيط جدا معناها ما فيها شي وبهذه الحالة جيك شي ثاني


هذي طريقة اكيدة
واللحين سيارتنا في الوكالة لتغيير كراسي المكينة + بعض القطع

تحياتي،،،