بسم الله الرحمن الرحيم
كنا نسولف أنا وأخوي بلاحدود في أحد المواضيع وطرت على بالي فكرة إني أضع موضوع عن العيوب المصنعية للأزيرا
والمقصود بالعيوب المصنعية هي المشاكل المتكررة في نوع واحد من السيارات
وتكررت عند بعض الأعضاء وبما أني سيارتي تعتبر من أكثر السيارات اللي مشت كثير ( تقريبا 123000 كم ) فإن العيوب الثلاثة توافرت جميعها في سيارتي
العيوب 3 وهي كالتالي :
1 - عطل في الستارة الخلفية
السبب : التروس اللي تطلع الستارة وتنزلها مصنوعة من البلاستك ومن المعروف إن البلاستيك يتأثر بالحرارة والتروس موجودة في مكان يتعرض للحرارة بكثرة
الحل : تغيير التروس إلى نوع آخر إما نحاس وإما حديد
مصدر السبب : أحد مهندسين الوعلان ومدير ورشة الخبر المهندس صفوان
مصدر الحل : مركز الأقصى لتعديل السيارات في مدينة الرياض وعند إصلاح الستارة راح أوافيكم بموضوع
2 - صوت طقطقة في التكاية الوسطى وتظهر عند المطبات أو الطرق المعبدة نص تعبيدة
السبب : جودة المواد
الحل : عبي الدرج اللي فوق أغراض وماعاد يتحرك أمزح بس تراه حل حلو
الحل لم أجده حتى الآن لكن أكيد له حل وشكله راح يكون تغيير التكاية بالكامل أو تغيير القطعة البلاستيكية اللي تفتح التكاية
3 - صوت صرصرة في الجهة الخلفية ويظهر حتى سرعة 40 كم ويختفي ولا يظهر إلا بين فترة وفترة
السبب : تجمع الأوساخ على ماأظن
الحل : أحد الشباب حلها بوزن البريك وأنا حليتها بتنظيف البريك
والفحص كالتالي إذا ظهر الصوت أضغط (الجلنط) للآخر وارجع أفتحه ... 3 مرات ويختفي الصوت تقريبا إذا ماضبط تأكد أن سيارتك تحتاج إلى وزن البريك
واللي عنده إضافات أو تعليق أو تعديل لايحرمنا منها ولا أحد يتشمت ترى عندنا وعندك خير بس اللي عندك أكثر من اللي عندنا ( حتى الآن )
والسلام عليكم