السلام عليكم ورحمة الله وبركاته
موضوووع انا من عشاقه بصراحه .....
وابحاول ابذل معاكم مجهود ومعلومات للتوليف يمكن تفيدكم على حسب خبرتي وانا اخوكم :
1- اللي يملك فور فكتوريا او ماركيز ويعاني من مشكلة تهريب غاز الفريون ودائما يطلبون منه اصلاح كمبروسر انصحه باصلاح كمبروسر هونداي قيمته اغلى بعشره ريال تقريبا لكن حطه وانسى طول عمرك التهريب .
2- القزاز الجانبي للفورد معروف عنه كثرة خراباته واستغرب ان الي اليوم الكل يغيرها كامله وبعد فتره تخرب عليه
الحل انك تروح لواحد فاهم بعد ما يفتح مكينة القزاز راح تلاحظ ان سلك الدينمو اللي يحرك القزازه مفلوت والسبب انه مربوط ببكرة اللف بقطعه بلاستك صغيره تنكسر مع الوقت وقوة تحريك القزازه خله يكبس عليه قطع نحاس على نهاية سلك اللف ويرجع يركبه بالبكره والوعد بينك وبين هالمشكله 10 سنوات واكثر لو تبي .
3- ملاحظه مهمه لكم .....
تلاحظون دائما ان كل دوله منتجه للسيارات لا يكون بمقدورها تبديل شكل السياره نهائيا كل سنه بل تعمل على تغير بعض الامور وتحسين الديكورات او بقوى المكينه فقط .....والسبب ان اي تغير يكلفهم الكثير من تعديل خط سير المصنع للشكل الجديد وتغيير كافة طرق التصنيع وهذا مكلف جدا جدا وش نستفيد من هالكلام ؟؟
اولا ان جميع السيارات تقريبا وانا اقول تقريبا بنسبة 70% والتي تصنع من نفس الشركه تكون ذات تركيبه داخليه واحده سواء من قطع داخليه ولا يختلف فيها الا الشكل الخارجي ومثال لى ذلك ..
لو جينا على حسب ما جربت للجمس كان عندي موديل 84 طفشت من شكل عداداته وحبيت اسويله عدادات بشكل رياضي لكن قيمتها غاليه كثير قد تصل الى 3 الاف تقريبا
رحت وجبت عدادات بيوك نفس الموديل جبت حق بنزين وحراره وعداد كيلومترات بشكلهم الدائري الروعه لانها تشتغل بنفس الطريق اللي تشتغل فيها عدادات الجمس لانها من نفس الشركه جي ام
طبعا بعد ما صبغتهم بالشكل اللي انا ابيه وركبت لهم ديكور بتفصيل على كيفي صار الكل يسال من وين مستوردهم خخخخخ
كثير منكم لو يروح للتشليح ويتامل شوي بالسيارات اللي تصنع من نفس الشركه وبنفس الموديل تقريبا او بفارق موديلين قبل او بعد لوجد ان حتى قطع المكانيكا واحد ولا تختلف ابدا وحتى اجزاء كثيره من المكينه وان تغير عليك حجمها او شكلها ...
4- لعشاق ترفيع السياره بهدروليك وليس لديهم هدروليك وقيمته غاليه
رح للتشاليح وجيبلك هيدرولكات البيوك القديم اللي تعمل بالكهرباء ان طارت بتلاقي قيمتها حول 50 ريال وركبها على سيارتك وبمساعدة كهرباي صغيرون يوصلك فيش داخلي حتى تتحكم برفع موترك وتنزيله وانت بداخل السياره .
5- دائما انصح الجميع بالبحث عن كتالوجات السيارات التي تهمهم او تكون من نفس سنة صنع سياراتهم ومن نفس الشركه او اي نوع من السيرارت وهي تقوم بتريحيك كثير جدا جدا لانك بس تشوف القطع مصوره في كل سياره وتحدد السياره اللي فيها نفس قطعة سيارتك ونفس وضيفتها وبكذا توفر مجهود ( صديق عندك شي مثل هذا .... يهز راسه ويقولك ايش سياره ايش موديل ... اي سياره يهز راسه من العجز يقولك لا ..)
6- لعشاق سيارات الكلاسيك
الجمس عموما وما يحمل اسم GMC ونيتات او النقل الكبير
الموديلات التي تحمل نفس قطع المكانيكا وما عليك من كلام حتى الوكاله اللي تقولك ما تركب طبعا هذا رابط كتالوجاتها
1947-59 GMC Truck Parts
1960-66 GMC Truck Parts
1967-72 GMC Truck Parts
1973-87 GMC Truck Parts
1988-98 GMC Truck Parts
1999-06 GMC Truck Parts
1973-91 GMC Jimmy Parts
1992-99 GMC Yukon Parts
2000-06 GMC Yukon Parts
1973-91 GMC Suburban Parts
1992-99 GMC Suburban Parts
2000-06 GMC Yukon XL Parts
1982-04 S15, Sonoma, Jimmy
- ملاك ملاك ونيتات او النقل الكبير الفورد
1948-56 Ford Truck Parts
1957-72 Ford Truck Parts
1973-79 Ford Truck Parts
1980-96 Ford Truck Parts
1997-08 Ford Truck Parts
1966-77 Ford Bronco Parts
1978-79 Ford Bronco Parts
1980-96 Ford Bronco Parts
1983-05 Ford Ranger and Bronco II
1991-94 Ford Explorer Parts
1995-05 Ford Explorer Parts
1997-06 Ford Expedition Parts
2000-05 Ford Excursion Parts
- ملاك ونيتات او النقل الكبير الشفر ( مع العلم انها نفس قطع غيار الجمس ) .
1947-59 Chevy Truck Parts
1960-66 Chevy Truck Parts
1967-72 Chevy Truck and Blazer
1973-87 Chevy Truck Parts
1988-98 Chevy Truck Parts
1999-06 Chevy Truck Parts
1973-91 Chevy Blazer Parts
1992-99 Chevy Blazer and Tahoe
2000-06 Chevy Tahoe Parts
1973-91 Chevy Suburban Parts
1992-99 Chevy Suburban Parts
2000-06 Chevy Suburban Parts
1982-04 S10 and S10 Blazer
طبعا القطع تشمل بعض القطع اللي يمكن وضعها او اخذها من السيارات الصغيره من نفس موديل وسنة تصنيع السياره
واعذروني على التقصير بس تاخر الوقت وانا ما نمت زين لكن اوعدكم بموضوع مفصل
واي استفسار انا حاضر يرسلي رساله خاصه ويبشر لكن يصبر علي شوي لاني قليل دخولي على النت
