السلام عليكم ورحمة الله وبركاته
اخواني احب انقل لكم قصتنا الحزينه مع ددسنا المقروده
هذا ياطويل العمر رحنا مسيار لاقربائنا بالرياض ومعنا سيارتين الاول جيب باترول والثانيه ددسن 2005 جينا اول يوم والامور ماشيه ووناسه وفله ثاني يوم جين بنطلع الثمامه وتفاجأنا ان السياره مسروقه ونروح نبلغ ونسوي زحمه وثاني يوم نحصل السياره موجوده باحد الحواري جنبنا الوكاد رحنا واشترينا جهاز انذار وقفل للدركسون علشان ماتنسرق لكن عقب يومين برضو مانفع انسرقت صرنا نوقف الجيب وراها والجمس قدامها كل مابغينا ننام وبكذا مايقدر يسرقها وكل يوم على هالحاله يوم شاف الحرامي ماله امل تدرون وش سوا ؟؟؟
سرق الكفرات وخلها على البلك واقفه يعني مسرووقه مسروقه مالك امل
القصه الثانيه ياطويلين العمر والسلامه هذا واحد يشتغل جندي بالرصد الجوي ميسور الحال قرر انه يشتري سياره ومشكلته عليه ديون ومتبهذل قرر انه اول الامر يشتري 200 ال القديمه ذي اول ماشتراها المكيف خربان مافيها مسجل سياره بس تمشي توديه وتجيبه اول اسبوع من شريتها انسرقت والرجال استحى لايبلغ خصوصا ان السياره ماتسوا قرر انه ينام وقال الصبح يحلها ربي يوم صحى الصبح لقى السياره فول بانزين استانس قال والله انه حرامي محترم
ثاني يوم ترك المفتاح بالسياره وراح نام استانس على السالفه انسرقت ورجعهوا مصلحين المكييييف
ثالث يوم سرقوها وركبو له مسجل لزوم الزحف هههه وهو على هالحاله بس للاسف يوم قرر يراقبهم مدري وين راحو افتقدهم المسكين
وسلامتكم
