شباب ناوي اركب زينون على سوناتا 2003

ليش الزينون ما يستحمل :)

اخوي اذا انك راعي تكبيس لا تركب

اذكر بالسوناتا واحد كان بيدخل بشارع وعميته بالزينون لدرجة انه غمض عيونه وماصار يشوف الطريق

والله وبدون مبالغة سويت حادث بعدها بخمس دقايق (ومتأكد 200% ان الرجال دعا علي)

اكيد صاير لك موقف مع الزينون:D

تكفووووووون لاتركبون زينون

قسم بالله انعمينا من كثر الى يركبون زينون..

ياخوي مافي مثل الزينون الطبيعي الى يجي مع السيارة من المصنع..

طيب الاحين الاسعار هل هي غاليه ؟

وبعدين تراني راعي تكبيس 24 ساعة كل دقيقه اكبس<<ما صار انسان صار اله هههههههه

يعني يستحمل؟

ولا لا وشكرا

ماشاء الله تبارك الله


اخوي انا بعت السوناتا علشاني اشتريت ازيرا 2006|1|

والهيلا هذا جهاز الزينون وهو طبعا الماني وعلبته لونها اصفر وسعره وصل اللحين 650 ريال بالشرقية

ومادري والله عن الرياض


طيب ليه ما تتفضى لك يوم وتروح الغرابي وتفره من اوله لآخره وشوف الاسعار وردلي خبر


ولا يمكن شباب الرياض اللي بالمنتدى مايقصرون معك

وبالنسبة للكهرباء ابغى اعطيك معلومه......

ترى كهربة السوناتا ممتازة لابعد الحدود بتقولي ليش؟؟؟:rolleyes:

يالحبيب انا سيارتي السوناتا كنت مركب زينون عالي وواطي وكنت مغير البوري ومركب بوري فورد

وغيرت المسجل وغيرت السماعات وركبت طبلة ومضخم 1500 واط!!!!!!!:eek: :eek:

وغيرت الكشافات وركبت كشافات قوية

يعني بالعربي لعبت بكهربتها لعب والحمد لله مثل ماهي وبعتها برضو مثل ماهي

واللي اشتراها اعرفه مستانس بالحوسة اللي ركبتها انا وماغير فيها ولا شي

وبرضو الازيرا اللي معي اللحين مركب بها زينون عالي وواطي


بس انتبه لا تزعج خلق الله بالزينون يمكن يجيك شايب يدعي عليك ذيك الدعوه اللي ماتدري وش تاليها


وبالتوفيق اخوي

وبعدين يصلح اركب عليها عالي واطي ؟

هل توئر هل كهرب السياره او يحصل فيها تغير؟