مشكلة بسيارتي ما احد عرف يحلها
السلام عليكم ورحمة الله وبركاته
اسعد الله جميع اوقاتكم بكل خير
لا أحد يدقق في اسم عضويتي بس حبيت اخوفكم شوي ^_^ المهم موضوعي عندي موتري طوارق 2006 مكينة V6 فيه مشكلة ألا وهي اذا جيت اوقف قبل لا توقف السيارة بثانيه ينزل RPM تحت النص بشوي ويرجع بسرعه وطبيعي بيطلع صوت ( طرررررر ) بسبب نزول ضغط المكينة والشيء الثاني الصباح مايرتفع RPm من اشغلها ع طول تشتغل ويصير الضغط على 6500 دور بالدقيقة قبل كان يرتفع لين واحد ونص تقريبا دقيقه وينزل تدريجي الى 6500 دورة بالدقيقة
وللعلم مسوي له صيانه كاملة قبل اسبوعين
فلتر بنزين وكالة VW من ساماكو
فلتر هواء وكالة VW من ساماكو
حساس MAF وكالة VW من ساماكو
طبعا حساس maf حقه يجي 5 خطوط يعني حساس IAC مدمج مع حساس MAF
بواجي وكالة VW من ساماكو
طقم 6 كويلات وكالة VW من ساماكو
حساس قياس درجة حرارة الماء tbs
ونظفت ثلاجة المكينة ورجعت جديدة
و الثروتل بدي نظفته ورجع جديد
ونظفت بخاخات بالجهاز و وضعهم ممتاز
ديات الرصاص ممتازة
فحصت كمبيوتر طلع لي كودين اثنين
الكود الأول P0627 وقريت عنه يقولون طرمبة بنزين open رغم ان الطرمبة ممتازة قلت يمكن من فك البخاخات لكن مسحناه ورجع ع طول وضغط الطرمبة 53 وهو ضغط ممتاز حسب ماقريت عن طرمبة بنزين لهذا الموديل
الكود الثاني P0040
ويقولون عدم توافق اشارة حساس الاكسجين a1 مع B1
طيب المكينة صافيه ولله الحمد وامور الموتر تمام
بس ليش لمن اهدي قبل توقف السياره بثانيتين ينزل Rpm ويرجع ع طول فوق جنتتني هالنقطه مع النقطة الثانيه اللي هي ماعاد يرتفع الامبير نفس قبل لين 1 ونص لمن تكون باردة السيارة
اتمنى وضحت كل شيء وماطولت اسف جدًا
رد: مشكلة بسيارتي ما احد عرف يحلها
وعليكم السلام ورحمة الله وبركاته
هل سبق وان غيرت او نظفت حساسات الاكسجين رقم 1 ( ما قبل دبة التلوث ) او عملت صيانة لمنظومة الاقزوز ؟
كذلك ارجوا فحص الامور التالية :
1- تاكد من عدم وجود فاكيوم ليك ( تسرب للهواء الخارجي الى داخل المحرك ) من اماكن عديدة مثل وجيه الثلاجة - الثروتل بدي - ليات الهواء - لي الهواء الكبير الواصل ما بين الثروتل بدي وعلبة مصفي الهواء , مع فحص جميع هذه الليات فقد يكون فيها تشقق او تيبس او عدم احكام شدها .
2- فحص صلاحية حساس CTS ( حساس درجة حرارة ماء الرديتر ) وفحص فيشة الحساس واسلاكه
3- تاكد من قوة تاريض السيارة ولا بأس من اضافة سلك سميك ( كيبل ) لتقوية تأريض السيارة ,
رد لنا خبر
بالتوفيق
رد: مشكلة بسيارتي ما احد عرف يحلها
.الله يعطيك العافية اخوي فورملا ون
حساسات الاكسجين غيرته الاربعه تشليح و عطاني اكواد ان حساس 1 a و حساس 1B no active يعني غير شغالين
رحت نظفت الحساسات القديمة ورجع نفس الكود الاول P0040
حساس cts غيرته جديد وكالة
باقي الامور تاكدت منها ممتازة
رد: مشكلة بسيارتي ما احد عرف يحلها
الله يعافيك اخي الكريم
تاكد من نقطة مهمة وهي : قد يكون حصل التباس في تركيب فيش حساس الاكسجين , اي بمعنى ان فيشة الحساس جهة اليمين قد تم ربطها بالحساس جهة اليسار , وفيشة الحساس جهة اليسار قد تم ربطها بالحساس جهة اليمين , اي حصل تبادل في ربط فيش الحساسين .
حساس MAF ذو خمسة خطوط , اربعة منها خاصة بحساس MAF , والخط الخامس خاص بحساس IAT ( حساس درجة حرارة الهواء الداخل الى المحرك ) وليس خاص بصمام IAC , وعليه فاذا كان الثروتل بدي من النوع الكهربائي فانه قد يحتاج الى اعادة برمجة لان صمام او حساس IAC مدمج مع الاكجويتر المتصل بالثروتل بدي .
ولا بأس من فحص صلاحية وتنظيف حساس الكام شفت وفحص اسلاكه وفيشته
بالتوفيق
رد: مشكلة بسيارتي ما احد عرف يحلها
.معليش اخوي بنتعبك معنا الله يجعل ماتثدمه بالمنتدى في ميزان اعمالك
اليوم فتحت الكبوت الصباح وهي بارده وشغلت السيارة جلست اتلمس وصلات الهواء و الاسلاك و حركت اسلاك حساس MAF بقوة حركت الاسلاك مو الرأس وبعد اقل من 20 ثانية طلع دخان وريحة حريق من جهة تحت الثروتل بدي من الخلف وطفيت الموتر و فصلت فيشة حساس MAF لين هدأت الأمور بعدها ركبت الحساس وفحصتها كمبيوتر ( عندي جهاز صغير للفحص بالبيت اللي يجي سلك بشاشة صغيره فيها زرين فقط اسمه maxscan المهم طلع لي كود الطرمبة السابق اللي ذكرته لكم و كود جديد وهو P0113 وبحثت عنه طلع جهد مرتفع حساس MAF رغم ان الدخان طلع من جهة قريبة من الثروتل بدي وبلف ماعرف وش اسمه يشبه بلف EGR وهو مكيانيكي وليس كهربائي ( البلف فيه ماسورة رايحه لجهاز الهواء الثانوي ومن طرمبة الهواء الثانوية الى القربة اللي فيها فلتر الهواء ) ورايح منه البلق هوز ثاني صغير ورا المكينه مدري وين بالضبط بس ماعرفت وين بالضبط بحكم الثروتل يجي خلف المكينة من الخلف هو و البلف اللي يشبه EGR هل هذا يعني ممكن ان الدخان ذهب من الحساس داخل القربة و وصل للثروتل ودخل الثلاجة ووصل للبلف يعني عندي تهريب ممكن في تركيب البلف او ماسورته لانها انفكت لمن نظفت الثلاجة
رد: مشكلة بسيارتي ما احد عرف يحلها
حياك الله اخي الكريم
ممكن الحركة القوية للاسلاك ادت الى حصول قطع جزئي فيها او عدم تماس لحظي في فيشة الحساس , حيث ان الكود يشير الى ان اشارة حساس IAT عالية واعتقد هذا له صلة بتحريك الاسلاك
اذا ممكن ارسال صور واضحة للبلف ومكان اتصاله
تحياتي
رد: مشكلة بسيارتي ما احد عرف يحلها
هو مجرد شك اخوي مو متأكد 100٪ والبلف هذي صورته
الشيء الثاني عندي سؤال وش فائدة بلف بخار الوقود
evap valve solenoid
هل له علاقة بعداد RPM وارتفاعه مع بداية التشغيل ونزوله تدريجي ام لا
هذا البلف اللي اقصده بلف بخار الوقود
رد: مشكلة بسيارتي ما احد عرف يحلها
الصورة الاولى هي لبلف EGR , ولا ادري هل قمت بتنظيفه سابقا اثناء اجراء الصيانة وهل هو يعمل بشكل صحيح ؟
ارجوا مراجعة الرابط التالي لمزيد من الفائدة :
https://www.assayyarat.com/forums/t284367.html
اما بلف بخار الوقود فان له علاقة باهتزاز المحرك وتاثيره على RPM , وفائدة هذا الصمام هو لتصريف ابخرة الوقود المتجمعة في علبة الفحم لكي يتم الاقتصاد في صرف الوقود
ارجوا مراجعة الرابط التالي لمزيد من المعلومات حول البلف :
https://www.assayyarat.com/forums/t264099.html
بالتوفيق