ناوي على سيارة ومحتار مابين اليوكون دينالي ولا لاندكروزر 8VXR

[لحن المشاعر]

خذلك يوكن
الموتر ماعليه كلام
ديره وخطوط وبران يعطيك
لكن لو انت من النو الي راعي كشتات وتدخل بران وقطوع والدهنا
بالحاله ذي خذ لاند كروزر فهو الافضل من ناحيه انظمه الدفع الرباعي
غيره لاتقربه ..

[cover me]

ترا على فكره الدينالي سيارة بر من الدرجه الأولي على ماسمعت وفيه جميع انظمه الدفع الرباعي ؟

اخوي الدينالي الجيل الحالي رباعي مستمر الى 60 او 80 كيلو بعدها يفصل
و الغرض منه تحقيق ثبات عالي للسياره عند المنعفات او الانزلاق
من الصور للدينالي الجديد اضافو تحكم في الدبل وهذا شي ممتاز

اليوكن اوكي جيد جدا في البر بسبب نزول المقدمه و ليس مخصص للبر في الدرجه الاولى السياره سياره طرق و مدينه افضل من البر

عكس الاند كروزر مخصص للبر من الدرجه الاولى سياره رفيعه دبل فيه جميع الانظمه للطرق الوعره من صعود و نزول و غيرها
لكنه ليس مريح في السفر مثل اليوكن بسبب تعليقه او المساعدات للجيوب عامه تكون اقسى من السيارات العاديه
و الصراحه اللند مبالغ بسعره و بدا ينزل نزول غريب خاصه GXR الان يباع ب 215 الف 2014 فل مخمل يفرق الجلد ( مع ذالك مافي تحكم بالشاشه من الطاره !!) و السعر في نزول احد المعارض يقول بسبب نزول فيس لفت على السياره وراح توصل قريب و يحاولون يصرفون الي عندهم
لان الاقبال ضعيف جدا للشراء في الاونه الاخيره

اخوي انت وضح استخدامك للسياره هي السياره الوحيده الي راح تستعملها

هل دخلاتك للبر كثير و بتعمق و لك هنا الند افضل و اذا قليله و ماتبعد كثير خذ اليوكن << هذي باختصار و الباقي عليك

[LANCHER_Z71]

ترا على فكره الدينالي سيارة بر من الدرجه الأولي على ماسمعت وفيه جميع انظمه الدفع الرباعي ؟

بتكلم لك عن دينالي 2006 و 2004 هذا اللي عندي وياهم خبره من واقع تجربة

الدينالي حلو بالبر ممشاه ناعم و ما تحس انك تحتاج ترص على المكينة
أقصد إذا بتمشي بروقان

لكن حط في بالك الدينالي ما تصنعت للجلد بالبر
السيارة للكشخه و الراحة

الوالد الله يهدي جلد الإثنين 2004 و 2006 و ضرب علينا الدفرنش و صار يون بالذات 2006 ما قصر معاه !
السيارة نازلة و رايح يطعس فيها عند البحر الأصفر بالأحساء و اللي من الأحساء بيعرف كيف الرمل هناك ثقيل مثل الطين ما رجع البيت إلا الدفرنش يصيح

مع إني طعست بالإثنين 2004 و 2006 ما واجهتني أي مشاكل غير إني أنظف فلتر الهوا بس
لكن إذا إستلمهم الوالد إقرأ عليهم السلام


أرجع و أقول دفرنش ( الأمامي )الدينالي مو مهيأ للإستعمال الثقيل بالبر

[abutaleb]

سياره اعتماديه وتحمل وصيانه حلوه
خذ الاند
اما اذا تفكر بمظهر وكشخه ع حساب العمليه وراحه البال مع تويوتا
خذ اليوكن

[Rayan204]

فكر في الباترول مجددا صدقني ما راح تندم ابدا ابدا ابدا

[LANCHER_Z71]

اللي ينصحون بالباترول !

السيارة ممتازة و لكن وكيلها جديد و قطع غيارها مو متوفره بكل مكان
و كذا ما يصير تنافس في أسعار قطع الغيار

إنصحوا و نبهوا من الناحية الثانية
السيارة ما بتجي تشفع لك إذا دعا عليك

[رماد إنسان]

الفكسار يبدأ من 285.000 ريال وعلى حساب المواصفات يرتفع
أرخصهم معرض اليحيى

أنصحك بالفكسار وعن تجربة لن تندم , السيارة الوحيدة الي غيرت وجهة نظري وخلتني أعشق تويوتا بعد ما كنت أعشق الأمريكي

الصراحه لم اجربه ابدا .. موتر مافيه كلام بس شكله موعاجبني ..

[رماد إنسان]

خذلك يوكن
الموتر ماعليه كلام
ديره وخطوط وبران يعطيك
لكن لو انت من النو الي راعي كشتات وتدخل بران وقطوع والدهنا
بالحاله ذي خذ لاند كروزر فهو الافضل من ناحيه انظمه الدفع الرباعي
غيره لاتقربه ..

اليوكون الجديد بالمخيخ .. روعة من الداخل والخارج .. وروحاتي للبر موكثيره تجيني هبقات للبر ما تنرد وكان معي شيروكي اسوي فيه غزوات بريه كثيره .. بس الصراحه موتر 6 سلندر ما ينفع بالبر غير 8 للبر ما يصلح