ناوي على سيارة ومحتار مابين اليوكون دينالي ولا لاندكروزر 8VXR

انا اشوف مايبي لها اي حيره اكيد لاند
الا اذا تبي راحه نقول يوكون

هلا اخوي

ههههههههههههه بصراحة ماتنحسد على حيرتك لان الاغلبية نفس الشيء وانا واحد منهم

مشغول بالي بسيارة عائلية


لكن عموما التجارة والتسويق للشركات تختلف وتعطيك في نوع مواصفات وتستبدلها في شركه ثانية بمواصفات مختلفة

يعني الاند كروزر غني عن التعريف بقوة التحمل وقطع الغيار والصيانه والوكيل وسعر بعد البيع

اما اليوكن قوة في المكينة لكن تحمل وقطع ووكيل وصيانة وسعر بعد البيع يجي بعد الكروزر

بالنسبة للخطوط اليوكن اريح من الكروزر وهذا مايقلل من الكروزر لكن اليوكن افضل

اما من ناحية البر اكيد الكروزر افضل


انا اصوت لصالح الكروزر اذا كان الكلام على موديل 2014
لان اليوكن الجديد 2015 ماادري عنه

بدون تفكير لكروزر خيار افضل

بما انه راعي المعرض يبي يصرف و وكاله حسن جميل كذا لك فا اعتقد راح يكون على مديل 2014 لكن اي دفعه مادري

انا قلبت النت ادور حاجه تثبت كلام الي قاله راعي المعرض ما حصلت حاجه يالت لو احد حصل هذي المعلومه يخبرنا
لان صاحبي برضو يفكر يشتريها و لما قاله هذا الكلام قال راح ينتظر شوي

مدامك اغلب استخدامك للمدينه اقولك الافضل انتظر اليوكن الجديد افضل و اكشخ و شكل جديد تتهنى فيه 7 سنوات:ch19:

ما فهمت كلمة فيس لفت رحت ودورت عليها :smilie16:


يعني الفيس لفت هل تتوقعه في موديلات vxr 2015 ؟؟ استخدامي بشكل عام للمدينة واسره متوسطه ولاكن تفي لكل الأغراض ؟ بس ولله محرك اليوكون مره معجبني 450 حصان :a120(128)::a120(128): وعزمه 660 نيوتن :eek: ياشيخ يرقى نخله

فكر في الباترول مجددا صدقني ما راح تندم ابدا ابدا ابدا

سياره اعتماديه وتحمل وصيانه حلوه
خذ الاند
اما اذا تفكر بمظهر وكشخه ع حساب العمليه وراحه البال مع تويوتا
خذ اليوكن

اخوي الدينالي الجيل الحالي رباعي مستمر الى 60 او 80 كيلو بعدها يفصل
و الغرض منه تحقيق ثبات عالي للسياره عند المنعفات او الانزلاق
من الصور للدينالي الجديد اضافو تحكم في الدبل وهذا شي ممتاز

اليوكن اوكي جيد جدا في البر بسبب نزول المقدمه و ليس مخصص للبر في الدرجه الاولى السياره سياره طرق و مدينه افضل من البر

عكس الاند كروزر مخصص للبر من الدرجه الاولى سياره رفيعه دبل فيه جميع الانظمه للطرق الوعره من صعود و نزول و غيرها
لكنه ليس مريح في السفر مثل اليوكن بسبب تعليقه او المساعدات للجيوب عامه تكون اقسى من السيارات العاديه
و الصراحه اللند مبالغ بسعره و بدا ينزل نزول غريب خاصه GXR الان يباع ب 215 الف 2014 فل مخمل يفرق الجلد ( مع ذالك مافي تحكم بالشاشه من الطاره !!) و السعر في نزول احد المعارض يقول بسبب نزول فيس لفت على السياره وراح توصل قريب و يحاولون يصرفون الي عندهم
لان الاقبال ضعيف جدا للشراء في الاونه الاخيره

اخوي انت وضح استخدامك للسياره هي السياره الوحيده الي راح تستعملها

هل دخلاتك للبر كثير و بتعمق و لك هنا الند افضل و اذا قليله و ماتبعد كثير خذ اليوكن << هذي باختصار و الباقي عليك

الفيس لفت او Automotive Facelift هو عبارة عن مصطلح يطلق على عملية تجميل السيارات (تحديدا السيارات في منتصف الجيل) حيث يتم عمل تغييرات على تصميم السيارة أثناء دورة انتاجها (مثلا البرادو يتم تغيير شكلها عادة كل 6-7 سنوات وبالتالي فان الفيس ليفت للبرادو يكون عادة خلال هذه السنوات السبع) - في كثير من الأحيان يكون التغيير في انسيابية الشكل الخارجي او في اضافات او تغييرات بسيطة في التصميم الداخلي ولكن التغييرات تكون جدا محدودة في ميكانيكية السيارة ومحركها. هذي الحركة تستخدمها شركات السيارات كدفعة تسويقية من اجل تنشيط المبيعات واعادة تقديم السيارة للمشترين بدون عمل إعادة تصميم كاملة.