هل تمتلك سيارة دفع رباعي ؟ مانوعها؟ وماهو انطباع عنها؟ دعوة للمشاركة

salehhd · 2007-01-06T17:52:17+03:00

السلام عليكم ورحمة الله وبركاته وكل عام وانتم بخير هذه دعوة لكل ملاك سيارات الدفع الرباعي او ما يسمى بالسيارات الرياضية ذات الاستخدامات المتعددة لذكر سياراتهم التي يمتلكونها او امتلكوها سابقاً وما هو انطباعهم عنها من خلال فترة استخدامها وعند ادائها واسعار قطع الغيار والصيانة وذلك لكي يستفيد كل من ير

salehhd @user_17805 صاحب الموضوع · 26-04-2011

السلام عليكم

حياكم الله جميعاً واشكركم على مشاركاتكم وطرح تجاربكم

والله يبارك لكم في سياراتكم ويعطيكم العافيه

f150 ford @user_258544 · 24-04-2011

السيارة فورد اكسبلور
وهي سياره جدا عملية في المدينة و ايضا عملية في طرق السفر ولاكن يظهر عليها بعض الملاحظات في السفر لمسافات طويلة
وهي سيارة ذات دفع رباعي ممتاز

خلاصة السيارة عملية في المدينة وتصلح للسفر
وكفائتها ممتازه في الطرق الوعرة

ابو تميم CR-V @user_257765 · 08-04-2011

السلام عليكم
انا جديد في المنتدى
والله فكره حلوه
وان شالله انزل موضوعي قريب
موفقين

بوشافي @user_75200 · 19-03-2011

^
^

ابغى من الدنيا ثلاثين مليار
كود انها توفي حقوق الديايين
وابغى بعد خمسين لضيف والجار
واللي لفوني من بعيد وعانين
وابغى بعد عشرين للصاحب البار
عشره مع تركي وعشره ؟؟؟؟؟

ابومشعل الغامدي @user_213511 · 19-03-2011

السلام عليكم ورحمة الله وبركاتة
اماك جيب شاص موديل 77 المواصفات
1-مكيف مركزي
2-فتحة في السقف
3-هزاز
4- ونش(مكرة)
5- مقاعد متحركة
7-لون بنفسجي
8-مثبت سرعه+متبة انزلق
9-هدروليك
10-جنوط كروم
11-قوة مليون جمال
12-تمتيك وعايدي
ملحوظة ليس للبيع

بوشافي @user_75200 · 19-03-2011

X5 2007 ومكينته 8 سلندر

بالاضافه الى قراند شروكي 2000 6 سلندر للوالد وله معي 3 سنوات

القراند مايبيله شهاده

والاكس فايف ماشريته للبر طبعا لاكن يشهد الله علي اكتشفت ان فيه قوه غير طبيعيه

وراح اجربه اكثر عن قريب لاني حسيت انه ينفض عمره نفض

وهو دفع رباعي مستمر بدون تحكم من السائق

لاكن الالمان مايصنعون الشي للعبث وهم من اسس صناعة السيارات

س م @user_256177 · 17-03-2011

اول مشاركة لي معكم في هذا المنتدى العريق

لدي سيارة من نوع / تويوتا فوتشنر 2011

إنطباعي العام عن السيارة ...
سيارة روعة وتحطها على الجرح ويبرى
وتقضي حاجتك وحاجة العائلة
رساوة وثبات على الطرقات وحتى في البراري

لكن لدي بعض الملاحظات عليها

صغر الاسيات الأمامية
ضيق الكابينة
استهلاك سريع للبنزين

هذا بشكل سريع رأيي في السيارة
واتمنى إن اكون افدتكم

basil almaymani @user_65374 · 28-02-2011

احب اشارك في الموضوع

نوع السيارة : شفروليه بليزر 2006 دفع رباعي

الممشى : 85000 الف تقريبا

الانطباع العام عن السيارة

السيارة ماشاء الله مريح جدا

وقيادة السيارة ممتعمة

وركنها سهل

لكن فيها كم مشكلة

1- عزلها ضعيف شوي

2- السيارة ثقيلة شوي يعني تسارعها من 0 - 100 في 10 ثوان

3- بعض قطع الغيار غالية شوي

4 - الوكيل زفت

والسيارة في البر ما جربتها الا كم مرة وانا اصلا مو حق طعوس

لكن دبلها طيب و يؤدي الغرض

والسيارة ما شاء الله مريحة خاصة في الخطوط والكلام هذا

مع العلم البليزر الي عندي طويل فل كامل شاشة وتنده

D3booooS @user_250256 · 27-02-2011

Patrol 2010 LE3 Advance

الموتر الآن له شهرين معي مشيت عليه حول 8 تخللتها 3 رحلات بريه
والموتر ما شاء الله رائع جدا في النفود ويميزه قوته ورفعه عن الارض

فخامته الداخليه راهيه جدا .. مواصفاته كثيره واغلبها راح تستفيد منها

صراحة ً لا استغرب هذي الضجه اللي صايره عليه حاليا لانه حقيقة يستاهل

walb @user_190220 · 10-02-2011

جربت يوكن 1995 لمدة 7 سنوات ومن اروع السيارات الي استخدمتها

والان معي باترول 2010 ماشي 10 الاف والي الان ممتاز ماشاء الله مريح وراسي ونشيط

m7bcom @user_252685 · 10-02-2011

عابر سبيل وعذرا على الخروج عن صلب الموضع

ولكن حبيت اسال عن الاكسبلور 2010

وش هو من سيارة

اشتري وإلا فيه خير منه

$ملك الفكتوريا$ @user_27725 · 08-02-2011

1999 GMC YUKON GT

باختصار شديد:

حطه على يمناك!!

أبوسهر @user_80020 · 07-02-2011

سيكويا ... 4x4

ماشاء الله احلى موتر سقته ....

نمرر @user_252090 · 07-02-2011

السلام عليكم ورحمة الله وبركاته
تحياتي ياشباب
طبعا التجربه هي التي توضح جودة السياره من عدمها
والدفع الرباعي يختلف من نوع لآخر واستخدام المدينه طبعا يختلف اذا مااستخدمته في الطعوس، وقوة المحرك ليست مقياس اوحد بل كل السياره ينبغي ان تتكامل ولا يوجد سياره غير معدله تعطي هذا الكمال مع احترامي لاراء الجميع.
تحياتي:c0214:

@أبو سجى @ @user_252260 · 06-02-2011

تاهو lt 2011 دبل

متعه في القياده ورزه

الله يعطينا خير

شكـــ ك ــــراً

khalid206 @user_230629 · 06-02-2011

جيب شيروكي ليبرتي وخاصة 2006

أقسم بالله العظيم موتر مجنوووووووووووووووووووووووون

وصدق من قال

لاجيب إلا جيب

من يبي الطرب بالمدينة يلقاه وبالبر يلقاه وبالخط يلقاه

حقيقة موتر ماودك تنزل منه ماشاء الله

وجربت كل أنواع الجيوب ومثل الشيروكي الليبرتي مالقيت بالأماكن المذكورة

وللمعلومية بالبر يدز وبالمدينة بأي زاوية وقفه وإن مسكت فيه خط اعرف إن ظهرك مرتاااااااااااااااااااااح ، حتى العائلة ماتشكي منه وارتفاعه معقول جداً

واذكروا الله ياجماعة ، وان شاء الله بأبيع الليبرتي وباخذ بداله جديد

وخلك مع المثل اللي يقول:

لاجيب إلا جيب
وأما الباقي فهي بأسمائها مع احترامي الشديد لملاكها

سلام

FireBox @user_233434 · 03-02-2011

السلام عليكم ورحمة الله

بالنسبة لسيارتي .....

فورد ايدج 2011 ليمتد

انطباعي عن السيارة :
مشاالله تبارك الرحمن السيارة صار لها معي اسبوع والحمدالله الى الحين ماحس اني ندمت لما دفعت قيمتها والصراحة السيارة فيها ميزات كثيرة وقوية والعزل فيها جيد على سرعات عالية والى الحين مارحت اطعس فيها بحكم انها جديدة ..

رجل طامح @user_244935 · 03-02-2011

ماشاء الله تبارك الله
موضوع قمت الروعه
شكراً لكم

الوحش الأسود @user_253016 · 02-02-2011

بالبداية اود شكر العضو القائم على هذا الموضوع بحيث انه يتيح معرفة من هم الاعضاء الذين يمتكلون سيارات ذات الدفع الرباعي .

معلومات سيارتي

الشركة :
فورد

السيارة :
اكسبلورر

موديل : 2006

الفئة :

لميتد / إستخدام امريكي

انطباعي عن السيارة :

بصراحة ماشاء الله تبارك الرحمن السيارة مررره رائعة خاصة وانها استخدام مواصفتها كثيرة ومن جد خاينتني الكلمات وماني قادر اعبر لكن الي اقدر اقوله ان السيارة جدا رائعة واشكر كل من نصحني بها .

gab182 @user_252309 · 24-01-2011

أنا تجربتي مع سيارتين مع جمس 1999 مقاس 2500 المكينه والجربكس مشاء الله وحش لاكن رساوه في الخط الهواء كان يلعبه لعب توديه يمين يردك يسار توديه يسار يردك يمين كان يوجع الراس في الخط وبنزين مشاء الله شفاط . وكان دفرنس واحد

والثانيه هي فورد إكسكيرجن لمتيد 4X4 6.8L V10 مشاء الله علىه مافي كلمه توصفه
قوه , عزم مافي مثله
فخامه جدا فخم
راحه جدا مريح ماينقز مثل الجموس
خرابت مشاء الله جدا بسيطه التذكر
صرفية بنزين أفضل من الجمس مليون مره
حجم أسد مشاء الله والأسود قليله وروسها شامخه
بر ما خيب ظني فيه أبد
تكيف ثلج مشاء الله
قوة الفرامل أفضل من الجمس بعد
والمميزات ماتخلص حنقعد لبوكره نتكلم عليها
يوقولو الناس السيارة تخوف نوقلهم إلي مايعرف الصقر يشويه
ودومتم سالمين