شنو ملاحظاتكم على البنزين الجديد 91

WaLd_AlShArQiA @user_11589 · 02-01-2007

السلام عليكم ورحمة الله وبركاتة ..

كيف حالكم ياشباب ...

حبين كل واحد يكتب عن تجربته مع البنزين الجديد ونوع سيارتة وموديلها وكم سلندر ..

يلا نبداء ...

بالنسبة لي ..

سيارتي .. اوبل اوميجا موديل 2001 6سلندر 3.0

البنزين يطييييير ... ماادري يمكن انه خفيف طلعت فيها مشاوير خفيفه وشفت المؤشر حق البنزين نزل مع انه اذا عبيت قبل بنزين 95 ونفس المشاوير ماينزل بهالسرعه ...

هذا اللي لاحظته اليوم ... بس

انا عن نفسي ودي ارجع على بنزين 95

وننتظر باقي الشباب ....

ولكم تحياتي :)

RR1000 @user_16244 · 21-01-2007

طبعا انا استخدم 95 لسيارتي بيجو 407 موديل 2006

عبيتها فل بـ 36 ريال ومشيت عليها 618 كيلو متر واتوقع تمشي الين 640 تقريبا بس لمبة البنزيل تخوف ههههه

طبعا محرك السيارة صغير نسبيا 2.0 فقط اوتوما تك ما كنت اسرع اكثر من 140 وغالبا ثابت على الـ 120

[]=[]خالد[]=[] @user_17786 · 14-01-2007

انا عبيت 91 ممتاز جدا اقتصادي على فورد كراون فكتوريا وكامري

WaLd_AlShArQiA @user_11589 صاحب الموضوع · 14-01-2007

هلا فيكم اخواني الغالين ...
الله يعطيكم العافية ... وماشاءالله تجاوبكم في الموضوع :)

وفي انتظار باقي الاخوان ونشوف تجاربهم عشان الكل يستفيد

لكم تحياتي :)

ساطع @user_23773 · 13-01-2007

تم استخدام البنزين 91 على عدة سيارات

سيارتي :

[COLOR=darkgreen]شيروكي 2004 : تحسن ملحوظ في عزم السيارة وانخفاض في استهلاك الوقود وتشغيل أفضل للمحرك في الصباح الباكر[/COLOR]

سيارات أصدقائي :

[COLOR=darkgreen]باث فايندر 2000 : تحسن ملحوظ في عزم السيارة وانخفاض في استهلاك الوقود [/COLOR]

[COLOR=darkgreen]باترول 2002 : تحسن ملحوظ في عزم السيارة وانخفاض في استهلاك الوقود واختفاء الرعشة اللي كانت في المحرك[/COLOR]

[COLOR=darkgreen]ماكسيما 2003 : استهلاك عالي جداً في الوقود[/COLOR]

شكرا جزيلا على الموضوع وتحياتي للجميع

Mr. mOOn @user_26719 · 13-01-2007

طبعا انا اعبي من ابو 95 على مرسيدس بو عيون

عبيت فل بـ 30 ريال ومشاني 520 كيلو بالضبط بعدين ولعت اللمبه

مع العلم اني كنت طالع من الدمام على بقيق وماشي 200

ولما اخفف تعشيقاتي كلها بالقير لان في راعي لكزس يشجع بالطريق خخخ فـ احلو التحدي

-------

وفي واحد من الربع عندهم رينو سيارة الشركه يقول عبوا 91 والسياره مخصص لها 95 واخربت السياره

ودوها الوكاله قالوا من البنزين اللي حطيتوه .. فـ لا تستهين

اذا قالوا لك سيارتك ابو 95 لا تعبي بو 91

WaLd_AlShArQiA @user_11589 صاحب الموضوع · 12-01-2007

هلا فيكم يالغالين ....

تسلمووون لتجاوبكم مع الموضوع وعرض تجاربكم ...

وانا بالنسبه لي رجعت على بنزين 95 والصراحه حسيت بفرق في عزم السياره مع بنزين 95

وفي انتظار اخوانا اللي للحين ماعرضووو تجاربهم ..

تحياتي لكم

كبرس @user_13476 · 12-01-2007

أبشركم الحمد لله كله تمام مع 91

عبيت مرتين نص تانكي ب15 ريال للماركيز 2003

نفس وضعي نص تانكي كل يومين

بس فيه شباب يشتكون ونيت هايلكس 97والثاني كابرس صابونه 92

ورجعوا للـ95 ومشى الحال

حبيبتي نجد @user_36160 · 12-01-2007

السلام عليكم
انا سيارتي قراند ماركيز 2003 عبيت من الجديد 91 ب 28 والمؤشر تحت الربع بشوي ووصل فوق خط الفل ومشيت فيه على طريق سريع وقطعت مسافة 320 كلم بالضبط ولما وقفت والمؤشر صار على النص مع العلم اني سرعتي بين 150 الى 170 كلم على الخط والعزم مشاء الله تبارك الله ماتغير بل بالعكس احس انه المحرك صار هادي مجرد احساس..
حبيت انقل تجربتي بكل صدق وامانه لكن مايندرى عن تاثيره على المحرك في الايام الجايه..

تحاياي وودي

MAG230 @user_19383 · 12-01-2007

والله يا شباب اخوي معه كامري 2001 وحس بفرق في الاداء وصاحبي معه باجيرو وحس بفرق في اداء سيارته بعد !!

الفرق ما يبان الا اذا دعست للسياره وقتها بتحس انه الموتر فرق عن الاول ..

salehhd @user_17805 · 11-01-2007

السلام عليكم

اليوم خلص التانكي وعبيت مرة ثانة ولا لااحظت في الفترة الماضية فرق في استخدام 91 عن 95 سواء الصرفية او العزم

كاسبر2 @user_41046 · 11-01-2007

والله نخااف نعبي 91
ونرووح فيهاااااااااا؟؟؟؟؟؟؟
ويش تنصحونة شباب مكوب سيارتي 91
اعبي 91 والله 95؟؟؟؟؟؟؟؟؟؟؟

s20007 @user_40917 · 11-01-2007

عندي باجيرو2003وعبيت فل ب32 ريال وصفر العداد ومشاني 520 كم وماحسيت فرق

كابـــSSـــرس @user_6060 · 09-01-2007

انا عبيت فل وكان على اخر خط للاحمر

69 لتر ب29 ريال

والصراحه ما اشوف فيه فرق بس انا راح ارجع ل95 والسبب حسب ماسمعت ان 91 يضر السياره على المدى البعيد

just Peugeot @user_23758 Peugeot consultant · 09-01-2007

لاحظت نعومه في السياره اكثر
انخفاض صوت المحرك
نعومه في تغير النمر

وهذه حقيقة احسست بها

شكراً لك اخي على هذا الموضوع الرائع

اخوك
بيجو وبس

يوكون @user_17933 · 08-01-2007

معلومات مفيدة الله يبارك فيكم

انا سيارتي يوكن 2004 اعبي 91 والحمد لله ما فيه مشاكل وممتاز ولسه ما بعد خلص التانكي علشان احسب كم يمشي

KSA_Matrix @user_37505 · 08-01-2007

السلام عليكم

يا شباب اللي عنده الصرفية اختلفت او اختلف عزم السيارة ببنزين 91 (ولا قرقعت المكينة)

نصيحة مني له

راجع الوكيل

لان فيه سيارات تشغل بنزين 91 لكن الافضل لها 95

مثل ما ذكرت بردي الاول الكاديلاك والكابريس الجدد (الهولدن)
وهذا على سبييل المثال لا الحصر

تقبلو تحياتي

دحــــــوم @user_38521 · 08-01-2007

السلام عليكم ورحمة الله وبركاتة
شلونكم عساكم بخير.
البنزين 91 يقولون مب زين للمكين يخربها

والسلام عليكم

WaLd_AlShArQiA @user_11589 صاحب الموضوع · 08-01-2007

الله يعطيييييييكم العافية ياشباب ...

ومشكورين على تفاعلكم مع الموضوع :)

وانشاءالله نشوف تجارب اخوانا الاعضاء مع سيارتهم ... عشان ناخذ فكره عن اغلب السيارات مع البنزين الجديد :)

ولكم تحياتي

M O A Y A D @user_15565 · 08-01-2007

مافرق عن الـ 95

نفس الاداء للسياراه ....