تعالوا نعدد أصناف السائقين . . ( هل انت منهم )

just Peugeot @user_23758 Peugeot consultant · 25-11-2006

السلام عليكم ورحمة الله وبركاته

-
-
-
-

هاذي اصناف للسائقين
ومن جد
ماتعرف ايش ودك تسوي فيهم
يعني بعضهم ( حرام ) فيهم الضرب

وانا راح اضرب أمثلة منهم
والباقي عليكم انتم

;)
الصنف الاول
- يكون سائق المركبة ماسك الخط الايسر وماشي ( 90 )
ياخي استحي على وجهك
تعطل كل الخط عشان خاطر عيونك
يعني اموت اعرف
هو
( عبط ولا غشامة )
المشكلة تحصل انه معطي الدنيا طنااااااش
ومو معبر لأي احــد
روح ياعمي امسك المسار الايمن وامشي 20 والله ماحد يقولك شي
بس اترك الانانية الزايده

الصنف الثاني
- يلحم فيك من ورى وشغال يكبس بالنور
:eek:
وخاصة لمن يكون الخط زحمة وماتقدر تلف يمين او تبعد عنه
المشكلة انه شايف انك ماتقدر تزحف له
ليش العبط و التلحيم و التكبيس بالنور
والزحمة الفاضية
يعني وين اروح ( [COLOR=darkred]اطيـــــــــــــــــر ) :mad: [/COLOR]

الصنف الثالث
- يكون ماشي صح ( 120 )
وكل شي زي الحلاوه
وانت بعده وماشي بنفس السرعه ( 120 )
وفجأة وبدون مقدمات يهدي الى 90 او 100 وبشكل مفاجئ
ليش ؟ ؟
عشان سيارة ( امن الطرق )
طيب ليش تهدي وانت ماشي صح
والله النوعية هاذي ( تفقع مرارتي )
ليش كل هذا الخوف
وانت ماشي صـــــــــــــــــــــح

الصنف الرابع
- هاذي النوعية تطلب حرش
ماني عارف ايش القصد منها
تكون في حالك وفي امان الله
ويجيك واحد ماشي ضعف سرعتك اللي ماشي عليها
ويتجاوزك
بس لاحظ لمن يتجاوزك
يلصق فيك مع الجنب
يسمونها ( شطف )
طيب ليش الغلط ( سويت لك شي انا )
ولا تعلمني انه سيارتك سريعة و تتحداني في المطارحة

وراح تحصل انوااااااع كثيـــر
بس نبغى نتفاعل ونشوف الانواع الاخرى اللي ( تفقع مرارتكم )
:D

اخوكم
بيجو وبس

AL RAIG @user_25909 · 25-12-2006

هههههههههههههههه

انا معك في كل الي قلته .. لكن وش نسوي

مالك الا تطنش .. والا اذا كنت بتضرب لهذا وتكبس لهذا ما راح توصل

بيتك الا وامبييييييييييييرك على الاتش ..:D

يعني وسع صدرك ..

أبو راشد @user_31621 RiYaDh 4X4 GrOuP · 23-12-2006

انا الحمد لله اشمي بطريقي

مشكلتي سيارتي ما لها هيبه و اللي يسوقونها غالبا بارديييين

انا معي الالنترا 2006 اوتو 2.0
وغالبا يفيدني عزمها وخفتها

لكن اذا واحد غلط علي ارجعله ولو الجزء من الغلط مثل :
اذا الشارع زحمه و هو يكبس افتحله الخط و ارجع وراه وشبه الحم فيه واحط الانوار على العالي و اذا في النهار اعلق على البوري

واذا كنت عند اشارة اول واحد وجا واحد ودخل قدامي اول ما تفتحه الاشارة تكبيس وبواري وطبعا اقوم عليه واطلع

وشكرا

Director @user_40184 · 21-12-2006

الله يعطيكـ العافية أخي المحترم بيجو وبس

و اسمح لي أن أضيف صنف آخر من السائقين ، وهم الذين يمشون في وسط الشارع ،
يعني لا يمين ولا يسار ،، يتمخترون بالوسط فلا تقدر تتجاوزه يمين ولا يسار حتى...

شكرا جزيلا لك اخي المحترم مرة اخرى

خميسان @user_39796 · 19-12-2006

السلام عليكم
ههههههههههههه والله موضوع ظريف وجاد في نفس الوقت
واللي يرفع ظغطي انواع كثيرة من المتخلفين اذكر منها على سبيل المثال لا الحصر
اللي يشوف الاشارة امامه حمراء ويدق بوري مثل قولة استعد تراها بتخضر طبعا النوعية ذي من المخلوقات اخذ وقتي الكامل معها ولا احرك السيارة شبر حتى تخضر ولا بلكاعه حتى افقع مرارته مثل ما فقع مرارتي
النوعية الثانية من المخلوقات اللي ترفع الظغط المخلوق اللي يقطع الاشارة وهو بامكانه يهدي فهذا المخلوق لو كنت امامه عز الله لتشوف الموت لا نه ممكن يدعمك من وراك
النوعية الثالثة من المخلوقات العجيبة اللي يمشي بين المسارين مثلا تلقاه لاهو في المسار الايمن ولاهو في المسار الاوسط ونفس الحالة ذي عند الاشارة في وضع الوقوف مايقف داخل المسار الحدد له ويسبب لخبطه مالها داعي والله يشباب لو تشوفون كيف تقف السيارت في البلدان المتقدمة انك تتعجب يعني تشوف السيارات مرصوصة رص ورا بعض

وبعد عرض بعضا من المخلوقات اللي ترفع الضغط اشير الى اني من النوع اللي اصبر الى حد معين وبعدها ابأ اخربها

AL-YOUSEF @user_31255 · 03-12-2006

شكرا لك اخوي
اولا هذي الاصناف قد تشترك بشخص واحد زي انا مثلا:D
يعني على حسب المزاج ولا وش رايكم

JO0ORY @user_33618 · 01-12-2006

انا ما يعجبني السائق اللي يقعد يطالع على البنت اللي قاعده تسوق في السيارة اللي يمه على الاشارة
الصراحة يقهروني حيل

JO0ORY @user_33618 · 01-12-2006

انا ما يعجبني السائق اللي يقعد يطالع على البنت اللي قاعده تشوق في السيارة اللي يمه على الاشارة
الصراحة يقهروني حيل

^ملغم محترف^ @user_38940 · 30-11-2006

ههههههههه انا الصنف الثاني وفخوووور بذالك...لكني اكبس مرتين وبس وفي الهايواي

الرويس العتيبي @user_39218 · 30-11-2006

اتجاهله؟؟؟ والله لاوقفه واقطم صبعه بالزراديه الي بشطنة العدة
نديم الطيف ياخي انت كذا |1|

بصراحـه انا مايقهـرني إلا اللي إذا اقبلت عليه بالخط وهو واقف ينتظركـ إلين ماتقربه ويطلع في وجهكـ ياخي اطلع من اولها وفكني من شركـ ......اقسم بالله يربك ابوكـ................!
وفيـه نوع التكبيس هذا اللي وراكـ ويبيكـ تفتح الخط يعطيك خمسية كبسه.... ياخي كبسة وحده ونفتح لك الخط .......ياشيخ والله هذا ما افتح له الخط لو يموت

نديم الطيف @user_29894 · 28-11-2006

j

jnn

يسوي حركة الإصبع , و يهج !!

على اية حال , الحل هو تجاهلهم ! فقط لا غير , إلا إذا طفح الكيل !!!

اتجاهله؟؟؟ والله لاوقفه واقطم صبعه بالزراديه الي بشطنة العدة |337|

ابو سطام 2005 @user_22940 · 27-11-2006

السلام عليكم

مشكور اخوي بيجو

بصراحه انا كنت من النوع الي يشطف قبل كذا سنه لاكن الحمد لله بطلة تهور

وبقولكم سالفه مختصره

واحد من الشباب سواقته الله لا يوريك

اركب معه وانا على اعصابي سرعه وتخيط وتحدي ويويل الي مايفتحله الخط

والمشكله ولي يفقع مرارتي اذا كان مو مسرع و شطفه احد خطر يستنزل ( خوي دوسري )
يلحقه ويحده ومشاكل معه يقول ليش يشطفني الله ....... الطريق ملك ابوك على كيفي بمشي .

المشكله يقولها بكل ثقه الطريق ملك ابوك ( مايشوف نفسه الضاهر )

$المهندس$ @user_18058 · 27-11-2006

المشكله فيه الناس الي ما تحترم نفسها ...

و الي يقهرني الباصات و الشاحنات الاكبيره ؟؟؟ يمكسك اقصي اليسار و يمشي 80 ؟؟

لا تقولي شاحنه ادش تحته و بوري و اكبسله و ما اخليه لمن يلف و بعدين اتمشي جمبه :)

و النوع الثاني الي يقهرني عند الاشاره تكون حمره نوقف اول ما تصير خضراء توها ما مداها ما صار 5 ثواني شابه

ما يمديك تحطه D او تركبه واحد و تهد الكلتش الي و 20 الف واحد يطق بوري و يزعجك و اخر شي يتمشي ؟؟؟

مستشار @user_35902 · 27-11-2006

أخوي بيجو بس أنا قلتها حكمه عطانيه الوالد جزاه الله خير ــــــوهي

(( جميع الي يسوقون { مـــــجـــــــا نـــــــيــــــن } أنت فقط العاقل

ساطع @user_23773 · 27-11-2006

مشكلة كثير من الآباء انه يعلم ولده السواقة شوي في الأماكن الفاضية

وبعدين يفلته في الشوارع ولما يشعر انه يعرف يسوق يروح ويطلعله رخصة قيادة

وفي هذه الحالة أكيد ماراح يتعلم أنظمة المرور السليمة ولا عجب من ظهور الفنون التي نشاهدها يومياً في الطرقات

فالكل يعتقد أنه هو اللي ماشي صح

والمختصر المفيد [SIZE=5][COLOR=red]( ما بُني على باطل فهو باطل )[/COLOR][/SIZE]

لكن لو كان هناك دراسة تطبيقية إجبارية لأنظمة المرور لكل من يريد الحصول على رخصة القيادة والتعريف بفوائد تطبيقها ومخاطر عدم الانضباط بها باستخدام وسائل تعليمية وتقنيات حديثة تجذب الناس لمتابعتها ستقل هذه الظاهرة بكل تأكيد

وتصورا أن الكثير من الناس يعتقد حتى الآن أن حزام الأمان ضرره أكثر من فائدته لأنه في حالة إنقلاب السيارة سيظل الانسان بداخلها ويتعرض للموت [COLOR=green]( أمر عجيب أن يفكر الشخص في إحتمال انقلاب السيارة قبل أن يفكر في إحتمال إصطدامها !!!! )[/COLOR]

شاكر لك أخي العزيز بيجو وبس على موضوعك المهم جداً

alprof 2007 @user_31671 · 26-11-2006

ن

نديم الطيف

يارجال ناس ماتفهم

يجيك واحد من ورا على بعد 3 كيلو ويكبس ويعميك بالنور وهو يمشي 120 وانت تمشي 100 مثلاً...متى بيوصلك بالله؟؟ وانت عاد تسوي عاقل وتبعد عنه وتقول الطريق له..اذا مسكت الوسط مايتجاوزك لا...يحشرك على السيارة الي قدامك ويهدي :D اقسم بالله نفسك تدوحه بالارض الين ينطحن الحب الي براسه :D

والا اذا جيت للتقاطع مسرع..وواحد مطلع وجهية السيارة بيديور وتكبس له عشان يوقف....يوقف الين تقرب واذا قربت طلع بوجهك :D

والا اذا جيت مطبات بالشارع يجي وراك ويفرمل بقوووووة متعمد وانت تسمع صوت الفرامل وتدعس وتاكل المطب عشان ماتنصدم من ورا....ويجي هو ياكل المطب وهو يمشي 5 ويجي جنبك ويطالع فيك ويضحك عليك....هذا علاجه قارورة طيب فاضية :D

والا الي يفرمل بوجهك...هذي انا لو يسويها بوجهي واحد والله ثم والله لاوقفه واتوطا ببطنه لو يوصل الدم للركب لانها حركة وصخة بجد وانا حاقد على الي يسوونها

شعب سعودي متخلف ولاراح يتعدل ابد الا لو انتشرت الكاميرات بكل حارة وصار النظام مطبق صح

عدا ذلك انا قلتها لكم سابقاً ومازلت اقولها...لاتنتظر شرطة وبطيخ اي مشكلة تصير خذ حقك بيدك لان النظام داخله فيه الواسطة والمحسوبية وبدل ماتصير صاحب حق ممكن تصير محقوق

مع التحية،،،

هههههههه

واللــــــــــه صدقت أخــــــوي ردك في مـــــــــكانه ......

jnn @user_19003 · 26-11-2006

أذكر مره واحد راعي (Hyundai H1) , كنت انا ماشي على خريص الفله:D , و ما ادري إلا و الحبيب يخش علي !!
ضربت فرامل خفيف !!!

عطيته كبسة نور !! (يعني انا غير راضي عما فعلت!) , و يطفي النور , و يشغل الفلاشر .. و يستقعد لي ..
و مافتح الخط لي إلا بعد طلعة الروح !!!

هذا بدل ما يعتذر !!!!

و نوعية اخرى , و هي اللي يقعد "يحملق" فيك !!! قمة الإزعاج !!!
و نوعية أسوأ , و هي و للأسف الل يسوي بيده حركة نابية (حركة الإصبع!)

اذكر مره طالع من الوعلان , سائق كامري شباب , في مقتبل عمره كان خلفي ..

انا وقفت لكي يفضى الشارع تماماً , مع ان كان فيه مجال ان اخش , بس ماحبيت !!
يوم خشيت على الشارع , يجي راعي الكامري , و يسوي حركة الإصبع , و يهج !!

على اية حال , الحل هو تجاهلهم ! فقط لا غير , إلا إذا طفح الكيل !!!

و شكراً

Ferrari430 @user_38998 · 26-11-2006

اللي يرفع ضغطي لما يجيك واحد من اخر الدنيا ويزعجك تكبيس بالأنوار عشان يعدي
مدري هو حمار وما يعرف ان كبسة وحده او كبستين كافية !!
شخصياً اروح اعانده واخليه "يذلف من اليسار" او اوخر عنه لما يصير قدامي واحد ماشي -0 واجلس جمب اللي ماشي -0 واخلي ابو انوار يجلس "يتنقع" !

Ghonaim.a @user_5082 · 26-11-2006

مشكور اخوي
بيجو وبس

اما عن الاصناف اللي ذكرتهم ،،،،، فالنقاش منتهي معهم

وعندي صنف جديد ويرفع الضغط

انت موقف عند الاشاره في المسار الاوسط تمام
وجنبك واحد موقف في المسار الايمن وما يبي يلف يمين ومعطل العالم وراه ( اوكيه هذا غلطان ما قلنا شيء )
بس تدري وش المشكله ان اللي وراه قاعد يكبس له ويضرب بواري ومزعج الخلق عند الاشاره وينافخ ويطلع يده من الدريشه ومسوي هيط

واول ما تفتح الاشاره يطلع سيده ( قدام ) |10| وش تسوي فيه ذا
طيب ليش تربش الخلق معك :mad:

GHONAME.A

نديم الطيف @user_29894 · 26-11-2006

ا

العاشق الحزين

اذا لقيته لحاله يمشي بحترام

واذا جوه اخوياه ينجن ..., كأن جني يركبه على راسه

وين الذوق الي كنت تسويه مافيه ليش لان يوري اخوياه انه قوي

كذا واحد اعرفه شخصيا ما عليه اذا ركبو معه ناس ينهبل ويلحم ويكبس

قصدك هو رخمه اصلاً واذا كان لحاله يخاف مايقدر يسوي شي ويقمط العافيه..بس اذا ركبوا معه اخوياه يسترجل ويستعز فيهم :D هذولا اعرف لي كم واحد منهم ومسميهم (اخوياء النقص :D ) لانه ياخذك معه ويضرك ماينفعك ويجيب لك المشاكل وانت تنزل تضارب وهو رخمه جالس بالسارة ماينزل :D