الكراون فكتوريا حقنا ....... شيء يرفع الضغط ؟

|1|

معاي ميركوري جراند ماركيز وعمر الحراره ما تعدت النص

موضوع الحراره في الفورد منسي ولانفكر فيه لدرجه اني مافحص مويه الرديتر الا نادر جدا وبالصدفه لاني ضامن بعد الله انه لامويته تنقص ولايرتفع حرارته ماشاء الله عليه يعني مايشكي حراره نهائيا نهائيااااااااا ويمكن اشيك عليه من باب الفضاوه بعض الاحيان لااكثر..وطبيعي اني اشيك قبل السفر او المشي الكثير او الخط الطويل.
بس اهم شيء الثلاجه اذا فايبر غلاس غيرها لمعدن وفيه بلوف مويه تفتح بسرعه هذي تريح المكينه
لاكن حتى الفورد الستوك اللي ماعليه اضافات مايعرف شيء اسمه حراره خير شر الله لايضرها الفوردات
والله كان معي شفر واحس الحراره ترتفع شوي شي بسيط والفورد على النص فيه شتاء ولاصيف نهار ولا ليل بس انا اذا كنت بانام في السياره لساعات طويله يعني 3 او حتى 6 ساعات افتح الكبوت واسدح المرتبه واخمها نومه ولافيه شر ان شاء الله حتى مره كنت نايم من 8 الصبح لما 12 تقريبا لما اذن الظهر وكانت الدنيا شمس بس والله صحيت ونا اقول في نفسي بس خلاص المكينه انفجرت... والله ماصار شيء نهائيا لاارتفعت الحراره وبراد المكيف ممتاز ماعليه كلام وكلشيء طبيعي ..انتم عارفين والسياره واقفه مافيه هوا يدخل مع الشبك ويصطدم بالرديتر ويسحبه الفلتر بس هوا بسيط ومو بارد زي وهي تمشي يعني من المروحه تدخله من الجو المحيط عشان كذا افتح الكبوت ...
ولااللي يقول ان الفورد يسخن ويشتكي حراره ..هذا كلام غير صحيح نهائيا حتى الفوردات القديمه
لاكن
انت شيك على كل انظمه الماء والليات (البيبات) والمراوح والفيوز وكهربا المراوح وحساساتها واكيد الرديتور اذا فيه شيء ضبطه يعني المساله مو اكثر من شق او صدع ماله اي دخل في تصنيع السياره..وياما مشينا بها في عز الظهاري وفي عز الشمس اللي تصفق حرارتها فوق الخمسين بالراحه ولااشتكت اللهم لك الحمد....

معاي ماركيز 97 فل كامل ماشي 290000 خمس سنين من الكرف والمشاوير مع إني أخذته ماشي 95000

والله عمري ماأشتكيت من الحرارة أبد ولا أي مشكلة ميكانيكية ماعدا العضلات الأستهلاكية

واحد من الشباب معاه ماركيز 98 قفل على مفتاح سيارتة الساعة 11 الصباح والسيارة شغالة والمكيف أيضاً وكان لسة

مايعرف الرقم السري لأنة كان يبغالة برمجة المهم مافتح السيارة إلا الساعة 1 ظهراً والحرارة كما هي

موضوع الحرارة في الفورد منسي لدى أصحاب الفوردات من حكم تجربة للجميع أنواع الفورد فكتوريا 95 وماركيز 97

وتاون كار 2000 وماركيز 98|3|

أكيد فيه مشكلة
لا يا غالي مو شئ عادي بالفورد الفورد ما ترتفع حرارتها دائماً النصف سواءاً بالصيف أو بالشتاء الحراره ثابته النصف وانصحك وديها ورشة أهم شئ تثق بشغلهم أو وديها الوكاله أضمن لك وأحسن
انا معي فورد 99 والحمدلله روحات مشاوير سفرات توصل إلا 6 ساعات متواصلة والحراره النصف لا تنزل ولا ترتفع
ولو وقفت برضو ثابتة

وبالتوفيق

ــــــــــــــــــــــــ
انا ناوي اشتري فكتوريا لكن كثير ناس ما نصحوني فيه قالوا ما يمسك السعر ؟؟

بالنسبة للسعر أنا معاك ينزل كثير لكن بالتحمل خذ كلام اكيد بتنبسط منها وياخي بعدين أغلب السيارات ينزل سعرها اليوكن وهو مرغوووب جداً ينزل سعره كثير وهذا كلام واحد مشتريه توه 2005 مشتريه 96 ألف وكاله
وقال عارف لو بنزله يجيب لي حدود 70 وهو توه ماشي 25 كليو

شوف كيف طااح السعر

ــــــــــــــــــــــــــــــــــــــــــــــ
وبعدين الديكور الداخلي والخارجي يتفكك في اسابيع معدودة
ويطلع اصوات خصوصا بالمطبات ؟؟

هذي حسب الاسخدام إذا الشخص بيطيح بكل حفره أو مايشوف المطبات أو مايفرمل عند الحفر ولا يزحف عنها يطلع اصوات بالديكور الداخلي وانا مجرب بأكثر من فورد
وهذا شئ أكيد لو كانت هايلوكس بيطلع اصوات
وتعرف انت شوارعنا والله يا فيها حفر يا رجل لو طريق ممهد أحسن من اللي يسمونه سفلت

ـــــــــــــــــــــــــــــــــــــــ


هذي احدى عيب السيارات الامريكيه ... في الصيف .. مشاكلها تنسيك حرارة الجو...وبالذات الفورد والله؟؟؟؟

أنا عندي فوردأعرف ناس كثير معاهم فوردات وما عمره حد أشتكى من الحراره غير شخص راح عنده رأس المكينة وسيارته قديمه 96

أخوي كان عنده ماركيز 2001 وعمره ما اشتكى من الحرارة

عموماً أخوي تأكد من مراوح الكهربا احتمال فيهم عطل .

هذي احدى عيب السيارات الامريكيه ... في الصيف .. مشاكلها تنسيك حرارة الجو...وبالذات الفورد والله

نعم اخوي نفس المشكلة حصلت مع واحد من اخوياي ..
كنا موقفين بالظهر ومشغلين المكيف وبعد اقل من ربع ساعة شاف امبير الحرارة ارتفع شوي ..
لكن انصحك توديها وكالتها لان الارتفاع اللي عندك كان كثير واجد ..

اخوي شيك على قربة المويه
احتمال انها تهرب

من الافضل اخي دورفتو ان توديها اقرب محل حق صيانه ممكن فيه خلل في نقل الماء او غيره

والكراون فيكتوريا معروفه انها ما ترفع حراره لو توقف 24 ساعه

ثاني شيء قسم بالله من حق الكراون فيكتوريا ان يتفكك الديكور حقها من حلاوة ونظافة شوارعنا المعبددددددده