السلام عليكم ورحمة الله وبركاته
في اطار العناء والبحث عن سيارة دفع رباعى مناسبة مريت تويوتا وسالت قال نزل قبل اسبوعين جي اكس ار 4 وثبت شرعا انه لن يتغير 2007 هذا كلام الموظف
طبعا عند ابو جميل هالكلام.
ومريت لمستوبيشي بعد نصائح الاخوان لانى نفسي بجي اكس ار 2
ولقيت الباجيرو 120 الف ريال لكن من الداخل غير وسيع وهذا الى زعلنى لانى من الوزن الثقيل فصرفت النظر
ومريت لنيسان حسب نصائح الاخوان وشفت البانك بانثر ماادرى باندبثر المهم ماعلينا
لقيته 124 الف ريال وبصراحة ماينفع مره وخسارة فيه هالمبلغ
وجنب المدعو سابقا لقيت الارمادا 138الف ريال ماشاء الله من الداخل شي مو طبيعي
حتى اخذت غفوة وانا اتفرج من الداخل رووووووووعة
طبعا انا مقاطع البضائع الامريكية المهم مريت الجميح وقالو اليوكن مخلص وماحد عطانى وجه والبلاط مخلع كل شوي بطيح هناك المهم فزاد كرهى للامريكي عموما
تاريخ الرحلة السبت 21 __6__1427
ومازال العقل حيران بين المدعو جي اكس ار 2 الى قيمته بالمعارض 148 الف ريال وبالوكاله 153 الف ريال
وعلى فكرة مافيه بلتوث مثل ماقريت باحدى الكاتلوجات حق ابو جميل لكن كانك حاط فلوسك بالبنك مو شارى سيارة غير خلفيته الى شبه الكزس وعاجبتني كثير
وبين الطياره الارمادا الى اعجبنى فيه يذكرنى بغرفة النوم والشور يارجاجيل دارى بهذلتكم لكن هذى $$$$$$$$$ خطوة مصيريه بالنسبة لى وتحياتي لكم يااخوان|3|
