هلا وغلا اختي الكوين صحيح كلامج بس الحمدلله انا صار لي سنتين من اخذت الليسن ولا تخافين علي طقطقت في سياره مستعمله وشدخت فيها شدختين هههههههه والحين عاد خلاص تمكنت وبإذن الله ناويه على المرسيدس لاني خاطري فيها وعلى فكره صاجه والله احنا البنات يهمنا الشكل وايد ونحافظ على سياييرنا مثل مجوهراتنا :)
هلا اختي سيارة حلو بالنسبة لي انا امتلك اكورد 2006 اوكي واخترت هالسيارة لاني اول مرة اسوق فحطيت براسي اني ما راح اخذ سيارة كشخة بزيادة الا لما استوفي امرين الاول(1) اتمكن من سواقة السيارة والبارك مضبوط (2) اعرف الطرق مضبوط
واضفت امر ثالث (3) عشان الاوضاع صعبة في الدوحة من ناحية الطرق مافي طريق الا ومحفرين فية 3 -4 امتار وتحويلات ما تنتهي طبعا لية هذا كلة عشان ما يعورني قلبي على الموتر اذا كان مرسيدس والا كاين واذا ستوفيت هالامور ان شاءللة باخذلي مرسيدس يارب
وعقب هالسالفة انصحج اذا كنتي اول مرة تسوقين غضي النظر عن هالسيارتين وخذيلك ياباني لان سعرة فية واذا مشت امورك بيعيها وزيديها وخذي افخم انواع المرسيدس هذا رائيي
والكاين سيارة شكلها الخارجي حلو مرة ورهيبة بعد طبعا ما اعرف مميازات عنها كني اياج:) لكن احنا النساء نحب الشكل ولا نهتم بأمور المكينة زود لان ما نسرع ولا نفحط ولا نطعس لوووووول المواتر عندنا مثل الذهب والمجوهرات والا ايش رايج؟ بس انا فعلا اشوف المرسيدس على اسمها جمييييييييييييييلة وراقية بكل المعاني
المرسيدس طبعا هذي حلمي وبشوف بحاول اخذ ال6 سلندر بس المشكله لانها ب21 الف وال4 سلندر ب16 الف
اللنكلن رحت وشفتها بس اولا احسها تناسب لدريول اكثر ثانيا مابي اخذ فورد ابوي تغربل مع الفورد و(قيره)
اما اللكزس فزوجي مااااااااااااايداني شي اسمه ياباني
بالنسبه للأجياب الكاديلاك ماحب شكله كأنه ستيشن ويجن رفيع(طبعا انتي تقصد الجيب الصغير مو الكبير لان الكبير وايد دفش على ريال فما بالك ابنيه)
الطوارق كان من أول خياراتي بس مامدحوه لي وقالو ان بس بادي حلو اما المكينه ففيها وايد خرابات وماتناسب جونا
البي ام مااااااا احبه
طيب ليش ما قلت شي عن الكاييين خصوصا ان زوجي هو اللي متشجع يطلعه لي لان خاطره فيه وبعدين هو يعرف مدير المبيعات واحتمال يعطيه سعر زين يمكن 18 الف او اقل (اليوم بيردون عليه)
مشكور اخوي على الرد انا بعد اقول ان المرسيدس شيخة البنات بس لأن الكايين جديد وهابيين فيه وكفايه انه بورش لأن لو بورش عاديه جان مستحيل زوجي يخليني اسوقها بس الجيب عادي
يا هلا ويا مرحبا فيك اختي العزيزة بالمنتدى اولاً وثانياً انا عن نفسي اشوف انه الفرق شاسع بين سيارة صالون وسيارة دفع رباعي ولكن اذا تبين نصيحتي خذي لك مرسيدس E 200 لانه انسب لكم اما الجيب فأعتقد انه كبير نوعاً ما ومايناسب البنات ,,, مع فائق التحية ,,, بو حميد
