طالب رأيكم في تريل بليزر .....

بالنسبه للبنزيم عندي يطلع 13.3 لكل 100 كيلو اول ماشريتها مع التمرين نزل ل12.6 عقب التمرين رجع ل13.3 وأوقات يرتفع ل13.4 اذا داعستله ويمشيني بالخط اذا ثبت على 120 اكثر من 550 كيلو بالراحة وتزيد وتنقص المعدل الصرفيه على حسب دعسه البنزيم بالنسبه لنظام الملاحه انا كنة قبل ناوي اشتري سياحي و اركبله بعدين نظام ملاحة للأني مكان عندي امل اصل ل ثلاث ارباع فل لكن الله رزق لكن قالولي الوكاله مانركب |10|

هذا الي عندي وشكرا|3|

السلام عليكم انا راعي اليوكن وانا اشهد على الكلام اللي قاله لكم صديقي اللي سارق اسمي
مريح جدا والفخامة لك عليها لكن مهوب شين والبنزين ما يصرف وشكرا|3|

بسم لله اول شي
انا شخص ابتكلم بسم راعي اليوكن لاني ماني مسجل بل المنتدى
انا معي بليزر 2006 LTفتحه دبل ماشريته الا عن قناعه بنسبه للمكيف ممتاز جدا فقط للألكتروني لان السياحي يجي فررات اما الالكتروني ممكن تتحكم بدرجة حرارته وبارد جدا بنسبه لسعر معك مايمسك سعره للي غير الدبل اما الدبل يمسك سعره وبقوه بعد وأمش بالمعارض وشف واسمع بعد بنسبه للنفود صراحه دخلتبه مره بس طولة امشي بالنفودصراحه يمشي وقوي بعد بس عيبه نازل لازم يبيله رفع قدام بنسبه للتنسيم صراحه اناراعي خطوط لذالك اسمع صوت الهوا قوي اذا وصلت 130 اول احسبه تنسيم لكن مهوب تنسيم صار لأنه مهوب تصفير ولا يدخل هو ا لكن الي يقول لانه عريض مع قدام ولي يقول المرايات كبار لكن مهوب تنسيم اما الفخامه مافيه فخام لكن المواصفات روعه مقارنه بالسيارات المنافسه
هذا الي لا حظته وشكرا|3|

انا كنت ناوي اشتري واحد وبعد كلامك هذا ابغير على الكراون فكتوريا وش الراي فيه بعد

السلام عليكم....................


هلا اخوي عزوز

يقولك المثل اسأل خبير ولا تسأل طبيب وهذا اللي انا ما سويته

انا معي بليزر 2004 ماشي 000 90

اول شي باقولك مميزات البليزر لأنها قليله

الشكل وهو اللي خلاني اشتريه خاصه بعد التظبيط :D
الراحه مريح جدا و خاصه بالخطوط تمشي فيه 200 كانك بسياره عاديه مو جيب
القوه كجيب انا اشوف انه قوي بس تراني ما جربته بالطعوس يعني اقصد القوه بالشارع
الرساوه راسي بالخط بشكل ما تتخيله( عن تجربه)

وعيوبه :(

الفخامه بصراحه مافيه فحامه ابد بس يمكن فيه مواصفات وانا هنا اقصد فخامة الديكور
قطع الغيار نااااااااااااار انا توني مسوي صيانه لسيارتي ومثال البوجي ب30 ريال وباللومينا ب9 ريال
الداخليه تبدا تتفكك بعد فتره وتطلع اصوات
ما يمسك سعره ابد
تنسيم هواء
المكيف لك عليه شوي (يعني بالظهر) مكيف اللومينا احسن بكثير
الضيييييييق ضيق مره خاصه المراتب اللي ورا
انا طبعا ااكدلك ان اي بليزر لازم يكون فيه عيب واللي يقولي البليزر حقه ما فيه عيب يجي وانا اطلعله اربع على الاقل
والوكيل توام النصابين العيسى والجميح صيانه بالاسابيع و اسعار دبل اللي بره انا سويت صيانه بالظبط بنص السعر اللي عطوني اياه







بالنسبه لصرف البنزين فالفل يمشي حول 450 كيلو والصرف بالخط يمكن اكثر اذا صرت راعي سرعه يمشي 400


اهم شي الاستخاره لا تنساها والله يكتب لك اللي فيه الخير

واي سؤال انا حاضر اخووك ليموووووووووونه...............................