غسيل المكينه بالديزل

أكورد فضي @user_16822 · 24-02-2006

كيف حالكم ياجماعه؟؟ انشالله بخير...

انا كل مارحت مغسله اغسل سيارتي نط لي العامل وقال لي نغسل المكينه بالديزل؟؟ انا بصراحه شي مااعرف فيه ماارضى اني اجربه على سيارتي وطبعا اسأله وش فايدته لكن حتى هو الظاهر مايعرف وش فايدة الي يسويه اذا كان له فايده طبعا.......نبيكم تنورونا ياجماعه وتقولون لنا وش الغرض بالضبط من غسيل المكينه بالديزل وهل له فايده؟؟؟؟

مشكورين ياجماعه

اخوكم
اكورد فضي

ahmed1420 @user_5410 · 29-05-2006

ما انصحك ابدأ تغسل سيارتك بديزل اغلب المغاسل الحين لا تستخدم الديزل لأنه ينشف الربلات والليات والقطع البلاستيكية .
ونصيحتي لك كل 6 شهور اعمل غسيل بالماء والصابون للمحرك وارضية السيارة اذا انت ملاحظ اتربة كثيرة واما اذا المسألة اتربة خفيفه فيكفي الهواء والتلميع بالقماش . واذا جيتنا يوم للرياض مر على محطة العربة بالتحلية واغسل السيارة غسيل كامل وإن شاء الله تكون مبسوط.

اما من ناحية الصدأ فما عندي أي فكرة عن الحل.

تحياتي |3|

الملهوف @user_5304 · 26-05-2006

يا جماعه المغاسل الحين طايحين بالصابون....

يعني يغسلون المكينة وأسفل السيارة بماء وصابون ...

وانا اشوف انه ينظف وبنفس الوقت يحافظ على الربلات

noorh999 @user_13624 · 24-05-2006

ابعد عن الديزل يخربلك شغلات بالسيارات خصوصاً اذا كانت جديدة اقل شىء يخليها تفتف

غسلها بمويه ولا تمشور فيها حتى تنشف المويه كليلاً ورشها من تحت بزيت شغلت المغاسل وقله ينتبه لا يطلع الزيت على المكينه

من واقع تجربه

سلام

أكورد فضي @user_16822 صاحب الموضوع · 02-03-2006

طيب ياجماعه بالنسبه لغسيل السياره من تحت هل المقصود فيه البستم؟؟ وش انواع الزيت الي ممكن اغسل فيها السياره من تحت بحيث انها تزيل الطين والاتربه وتمنع الصدأ؟؟؟

سعادة الدكتور @user_11863 · 01-03-2006

ب

بلا حدود

ما انصحك تغسل ديزل الا من تحت وبس للظروره يعني اذا كان فيه طين من تحت

انا غسلت ديزل من تحت مرتين ونشف لي ربلات العكوس وطلع الشحم برا وراحت العكوس

الحين اغسل مويه بس وبعد ارش شوي زيت من تحت اما بالنسبه للمكينه لا تغسل ديزل روح لأي محل تلميع وقول له لمع المكينه وشوف كيف تطلع جديده

تحياتي

عين العقل

ممكن تستبدل الديزل بـ فيري او شامبو

محرقاويـ777ـي @user_27689 · 01-03-2006

معروف ان الديزل يضعف من قوة الربلات وتتآكل
جرب غسل المكينه فقط بضغط البخار
والسياره ببخار الماء فقط

بلا حدود @user_24628 · 01-03-2006

لا شكر على واجب اخوي

اذا تبي الربلات ما تخرب لا تغسل من تحت ديزل

غسل بمويه وبعدين رشها بزيت

تحياتي

أكورد فضي @user_16822 صاحب الموضوع · 01-03-2006

مشكوريييييييييييييييييين ياجماعه وماقصرتوا على الردود الشافييه بس بغيت اعرف بالنسبه حق غسيل السياره من تحت وش احسن شي اسويه لان من تحت سيارتي احس ان فيه بايبات مصديه

ومشكورين مره ثانيه

need_for_speed @user_24217 · 27-02-2006

تنظيف الديزل يعطي لمعه ويزيل الزيوت العالقه و الشحم و يعطي طبقه ضد الغبار

بس اكبر عيب انه يساعد على تشقق الخراطيم بعد فتره انا انصحك بانك تكتفي بالهوا

بلا حدود @user_24628 · 27-02-2006

ما انصحك تغسل ديزل الا من تحت وبس للظروره يعني اذا كان فيه طين من تحت

انا غسلت ديزل من تحت مرتين ونشف لي ربلات العكوس وطلع الشحم برا وراحت العكوس

الحين اغسل مويه بس وبعد ارش شوي زيت من تحت اما بالنسبه للمكينه لا تغسل ديزل روح لأي محل تلميع وقول له لمع المكينه وشوف كيف تطلع جديده

تحياتي

لا تسألوني ! @user_27466 · 27-02-2006

اذا تبغى تلمع المكينة بنفسك سوي الاتي:
1 لا تلمع السيارة (ولاتغسلها اجمالا) في الحر اغسلها ولمعها والدنيا براد ...يعني من بعد العصر
2 انفخ المكينة بمسدس هوا
3 امسح المكينة بخرقه فيها شوية مويه
4 رش الملمع بشكل عشوائي...بس لاتكثر:@
5 امسح المكان الي رشيت عليه بخرقه ثانيه تكون ناشفه ونظيفه ويفضل تكون اسفنج.

لا تسألوني ! @user_27466 · 27-02-2006

نصيحة اخوية لاتغسل بديزل... صحيح انه يعطيك منظر موب صاحي للمكينة... بس يعدم عليك الربلات والليات كلها مع التراب والهوا والحرارة ... نصيحتي انك تستخدم الملمع المعروف (STP) حق الطبلون بس احسن شي ان انت الي تلمع المكينة .. هذي نصيحة مجرب والله يعطيك خير الاكورد ويكفيك شره :)

فيصل بن محمد @user_24620 · 25-02-2006

للسيارات الجديده مالها داعي ابداً لإنه ينشف الليات اللي بالمكينه ويخلي السيارة تقطع في حالة دخوله الى الديلكو ويالله علو الوكالة تصفيه وانا انصح بعدم غسل المكينه واذا بغيت تغسلها اغسلها بالماء فقط بالضغط العالي اما بالنسبة للسيارات القديمة فهوا يزيل بقع الزيت المندية في المكينه لااكثر ولا اقل

ford_t.bird @user_9525 · 25-02-2006

انا اذا اروح المغسله اقوله يغسل المكينه بديزل وسياره من تحت بعد
اهو نوع من التشحيم ومنع الصدا

mohamed_geda18 @user_25765 · 24-02-2006

السلام عليكم
عندنا فى مصر غسيل الموتور يعنى غسيل بالهواء و بعدين غسيل بالماء مخلوط بالجاز(ديزل) ويكون الماء فى هيئه رذاذ كثير
وشكرا

دكتور / مجنون @user_18878 · 24-02-2006

لاتغسل بالديزل... يعدم الدنيا عليك