من هو لاندكروزر

اسف على تدخلي اخوي ...



زين والله الاندكروز على راسي وعيني وانا ماقولك فيه شي يعيبه


بصراحه موتر معروف بالقوه ...بس يا قلبي عند الرنج روفر الرياضي ...


والله حلو يعني لو تقارنه بالاند يمكن فيه مواصفات اكثر من الاند ....


فعلا موتر قوي حيل وهم يعني الاند مافيه شي بس يتقارن معه الرنج روفر


مع التحيه اخوك777

كلام ممتاز وعين الصواب

الف شكر لك عزيزي

اول مره بحياتي احصل شخص مثقف في شراء سلعة ؟
لانك ذكرت اشياء مهمة لا يلقي لها اغلب المستهليكين السعوديين بال وهي عوامل السلامة وبعض التقنيات الاخرى التى تخص السلامة وغيرها فكما قلت عزيزي كل الي همهم الشكل الخارجي وقلة الاعطال ولم يفكروا بالاشياء الاهم فلو تلاحظ لو قارنا سيارة من تويوتا بسيارة من فولكس واجن في التصادم لشاهدنا الفرق ان التويوتا لا تتحمل الصدمة وتتهشم بشكل قوي بينما الفلوكس واجن تحمل هيكل صلب يحمي السائق والراكبين وهذة مثال لباقي السيارات الاوربية

مشكور على هذا الرد وكلامك منطقي ومنصف دون اي تعصب او ذم لشئ معين

كلام سليم أخوي (القمر المديني ) وسبق ذكرت أن بدي اللاندكروزر قرطاس للأسف وهذا سبب خفته كذلك لايوجد أمان بالسيارة وسرعة الإنقلاب سبق وجربته كما أسلفت في الربع التويوتا في التطعيص , لكن مشكلتنا الوعي لانريد سوى سيارة ماتخرب وطز بباقي المواصفات من أمان ورساوة وغيره .في السابق كنت ألوم الوكلاء لأنهم لايحضرون السيارات من فئة الفل كامل يعني يجيبون السيارات من الفئة السياحية وبالكثير النص فل و(لكن ) وجدت أنهم معذورين ليش لأن بعد ماواجهت أكثر من مدير مبيعات في أكثر من وكالة قالولي الناس هنا أذا السيارة قزاز كهرب قال مابغاها لأنه بيخرب ابغى قزاز عادي ,اذا قلت الفرامل abs قال لا صيانته مكلفة واذا قلت القير أتوماتيك يعني أفضل لك وللسيارة ولمكينتها قال لا أبغى قير عادي مايخرب واذا قلت أكياس هوائية برضو قال لا اذا حصل حادث وطلعت الأكياس الهوائية فصيانتها بتكلف .يعني الزبدة (الغالبية ) لا يهتم بسلامته ورفاهيته الشخصية بقدر اهتمامه بأن مايدفع ريال واحد في السيارة وشكرا.

الحقيقه اني شايف هذا الموضوع وكل ما اريد ارد عليه ما احصل فرصه كافيه لاني كنت ابغى ارد من قلي صراحه
المشكله الي لاحظتها اننا عندنا عصبيه سيارتيه كل واحد يرد على السياره الي يحبها ويبغض غيرها كانها من من الجماعه,,
يا اخوان مع الاسف احنا اخر ناس المفترض نتعصب لسياره او لاخرى على الاقل خلينا نصنع شئ في بلدنا الحبيبه لو على الاقل حتى الهايلكس الي صنعوه وقلدوه الصينيين والهنود وبعدين وقتها نتعصب لصناعتنا على الاقل نقول من صناعة ايدينا وطننا وانشاء الله قريب
اما بالنسبه لموضوع الاندكروزر احنا عندنا الاند قديم وجديد والجمس والاكسبدشن والباجيروا الباترول واقول لكم من واقع خبره وتجربه
الاندكروزر من افضل السيارات في التحمل وقلة الاعطال ما في شك في كذا والدليل على ذك كما قال الاخوان موديل 80 ما شي الي يومك هذا ولكنه مع ذلك ليس منزه يعني ممكن تجي بعض الخرابات ولكن ليس الشئ الي يوقف السياره وهو ليس الوحيد في ذلك يعني عندك الباجيروا عند عمي موديل 84 والله انكرف ما ادري هل لاند كروزر يتحمل ام لا والباترول والجمس كذلك وهذا ارد على من يقول انه الوحيد في التحمل الجمس الدليل عليه شوف تكاسي مكه جده جموس 79 الى الان ماسكه خط مكه جده الطائف مثل الحلاوه
والباترول مازلت ارى موديل 82 مع الناس ماشي حتى في اليمن موجود وشغال لكن لاندكروزر هو الافضل في التحمل ولكنه ليس الوحيد,,واهو ايضا ممتاز في الطرق الوعره الرمليه والجبيليه على سواء,,قطع الغيار ايضا ممتازه
لكن الحلوا ما يكمل لاند كروزر يفتقد الى شئ هام الكثير غافل عنه او لايهمه هو موضوع السلامه الي يقول قارن بين الاند والرانج في التحمل اقوله كمل المقارنه ليش وقفت قارن في الحوادث والاختبارات على السايرتين ترى الاند في الحوادث خطير جدا وهذا ليس سرا بل جميعا نعرف هذا الكلام ولكننا نخفيه عن انفسنا يا اخوان هل تعرفوا انه السقف تبع لاند خاصة الموديلات التسعينات عباره هن ديكور لا اكثر يعني لاقدر الله قلبه واحده وتلاقي السقف طبق على الركاب وهذا الشئ شهدته في حادث لنا س نعرفهم راح فيه 7 ركاب رحمهم الله تعالى وكما واحد زميل لنا اقلب به لكن ربنا نجاه السياره الطبق السقف عليها وغيره وغيره ما اقول لاتشتري لاند لكن عند القياده لازم تكون حريص جدا جدا وتعرف هذه المشكله الرانج شئ ثاني في هذه الامور انا شفت بعيني رانج يمكن امشي 140 وانحرف عن مساره ولف حول نفسه قلت خلاص انقلبت السياره وراح الي فيها وافاجئ رغم المنظر المريع يمين ويسار في النهايه وقفت السياره بدون ما اقلاب انعدمت السياره وراحت ملامحها لكن مقصورة الركاب ما جاها ولاشئ وطلع السائق منها ولا حتى نفض غبار ,,, اليس موضوع السلامه له تقييم واعتبار اليست حياة الراكب هي اهم من المركبه؟,,ادخلو في الانترنت وقارن الاختبارات السلامه في تويوتا كلها وفي شركة لاند روفر تحصل شئ عجيب لانه تويوتا اصلا ما عندها اختبارات لكن الاند روفر وجمس وفورد عندهم الشجاعه يقدموا سيارتهم لاختبارات سلامه ,,
عموما الي يشوف كلامي يقول عمره ماجرب تويوتا انا كان عندي كرسيدا 7 سنوات ثم لاند مو ديل 96 لمدة 4 سنوات وحاليا عندنا واحد في البيت موديل 94 واعرف تويوتا
مشاكل مافي
بيع نعم
بر ميه ميه
خط راسي قياده ما اقول لا
اما تقول سلامه في حوداث او رساوه حقيقه وقت الجد اقول ما عندك احد والسلامه بيد الله اولا واخير والله يسلم الجميع
خلاصة كلامي يعتمد على الشخص واهتماته ولوياته في المزايا والعيوب في السياره و الاند مثله مثل غيره مزايا وعيوب والرانج والجمس والفورد كذلك
واسف على الاطاله
وسلامتكم

عزيزي ...
انا معك في ان سعر اللاند غالي جدا .. ومبالغ فيه . لكن هل قارنت لاند كروزر موديل 95 مع رنج موديل 95 ؟
او هل قارنت لاندر كروزر موديل 80 مع رنج موديل 80 ؟

هذا مانسميه بالجوده ؟؟؟
لو اللاند كروزر تعبان ماكان شفناه الى الان يستخدم في اليمن وفي المناطق الجنوبيه من السعوديه وفي باقي دول العالم
تدري ليه ؟
لانها اكثر سياره تستطيع تحمل الصعاب وطلوع المرتفعات والطعوووووووس ..

دور رنج روفر موديل 80 او 90 وشغال من احسن مايكون ؟؟. ماراح تلقى ابدا الا القليل واكيد بتلقى ان حرارته ترتفع وعزمه تعبان وكل شوي طالع فيه خراب واسوء من هذا كله .. قطع غياره غاليه جدا ...


لاتقول باترول او جمس او رنج ... او تقول اكس 5 ؟؟ لانها سيارات حقت 5 سنوات وبالكثير 7 سنوات ..

عزيزي ادري انك معصب وقافله اخلاقك ,, بس قبل ماتفكر بشكل السياراه فكر بجودتها

الجمس حجمه كبير وثقيل جدا صحيح ان اليوكون سياره رائعه وسعرها منخفض بالنسبه للاندكروزر بس طالع بالجوده وطالع في باقي المواصفات ..
اللاند مايحتاج صيانه مجرد شغل وامشييييييييييييييييي وقطعه تلقاها بالبقاله او اي مكان


على العموم ان يبيلك تسأل واحد معه لاند كروزر موديل 80 وتسال واحد معه جمس وبرضو تشوف لك واحد لبناني معه رنج روفر لانهم يحبونه كثير ... وقارن بين اجوبتهم ولاتنسى ان ياخوي تفتح قناه اليمن وتلقى كل سيارتهم تويوتا لانها اكثر سياره تتحمل ..

تحياتي لك

dodge lover الله يبارك فيك و يحفظك للي تحب و للي يحبك|3|

أخوي (القديم مره ) اختلاف الرأي لا يفسد الود وأنت لم تغلط علي بالعكس لولا اختلاف الأذواق لبارت السلع ,لك كل الإحترام والتقدير .

السلام عليكم

اخي دوج لفر هذه هي المشكلة

ان بعض الاخوان عند امتداح سيارة معنية يعتبرها نقيصة لغيرها

يا خي العزيز السوق كبير والمستخدمين للسيارات ذات الدفع الرباعي كثر
وبأمكانهم استيعاب كل تلك السيارات بجميع فئاتها ومواصفاتها

تخيلووووووووووووووو

واحد حق مقناص وسيارته المايباخ على قووول الرجاااال ولا كاديلاك هههههههههههههههههههه
ولا راعي بل وحلال ودايم وهو يم حلاله ومعااااه جمس ولا الشروكي ولا اليوووكن هههههههههههههههههه

انا عن نفسي ومن غير ماقرى الردود

افضل الجموس بانواعها عن اللاندكروزر بانواعه للاسباب الاتية

الجمس يوفر لك :

1 الرحابة الداخلية وانظمة الترفيه الفخمة من دي في دي وملاحة وغيره مشاء الله كانك في طيارة وانا بصراحة احسد كل عايلة
راكبين جمس وفاتحين الشاشة ومتونسسسسين على الاخر مشاء الله .

2 القوة الهائلة مقارنة باللاندكروزر 0

3 السعر وهذا اهم شي يعني الدينالي فل اوبشن من دي في دي (ونظام ملاحة) وبسعر لايتعدى 144 الف فقط .

4 رخص قطع غياره .

ياخي في النهايه إحنا ناس هنا نحاول نثبت وجهة نظر فقط يعني الخلاف ( إن وجد ) فهو في الرأي فقط
كل اللي قلته انا و اللي كتبته و الأمثله اللي عطيتك إياها كلها صحيحه 100% ولا أحتاج للحلف لإثبات ذلك كما ان الإنترنيت ليس الوسيله الأمثل للتصديق. نعم الشيروكي قوي و الرانج قوي و لكن من وجهة نظري أن الياباني متفوق في الجوده و التحمل و حتى الجر و السحب . أنا ما أتكلم من فراغ خصوصا الشيروكي تراه سيارة ولد خالي يعني اللي حصل له الموقف هو ولد خالي و السياره معاه زي العسل بس في القوه(السحب, الفزعه) السراحه إنه مو حقها خصوصا التعليقات.
الله يبارك لكل واحد باللي عنده.........
ويا اخي الله يوفقك........ما عاد برد مره ثانيه لاني حسيت اني غلطت عليك و العذر و السموحه

أخواني وأحبابي أقدر وجهات النظر جميعها وعلى عيني وراسي والناس فيما تعشق مذاهب والاندكروزر سيارة محترمة و(لكن) لا يعني ياأخواني أن نهمش من سيارات الدفع الرباعي الأخرى ذات التاريخ العريق وابتكاراتها في في مجال الدفع الرباعي والمتفوقة في هذا على الاند كروزر ,أعيد وأكرر للمرة الألف أن مايساعد اللاند هو وكيله القوي مع بساطة تصنيعه وتأخره في مجال التقنيات وهذا مما يجعله مايطلب صيانة بكثرة لكن بالمقابل على الوكيل أن يضعه بسعر معقول وليس بسعر خيالي لايستحق حتى نصفه بل حتى بنصف سعر اللاند أستطيع شراء سيارة أفضل بكل شئ مثل اليوكون وكذلك التريل بليزر .والناس اللي تشتم على عماها في الرانج أو الشيروكي في قوة الجر أقول أن مايميز هذه السيارات هي قوة العزم والجر المعروفة واللي تستطيع جر عشر سيارات لاند كروزر مش بس لومينا في الهاف مون ,وهناك فئات للسيارات المذكورة حسب أحتياجك فمثلا في شركة لاندروفر اذا أردت سيارة صحراوية وجبلية خالصة فلك (الديفاندر) وأعرف طبيب سويدي في المستشفى التخصصي يسافر عليها ألى أوروبا ,أما اذا أردت الفخامة والترف والنعومة فلك الملك (الرانج روفر) أما الحل الوسط فهو الللاندروفر ديسكفري ,بالمثل شركة (jeep هناك الجراند شروكي الفخم والشروكي كلاسيك كحل وسط وهناك الرنجلر للأستخدام القاسي فلا نريد أن نخلط الأمور .بالنسبةللحرارة وقوة الصناعة فأعرف ناس كثر أصحاب لاند كروزر وباترول يستخدمون مراوح الجراند شروكي والسبب حسب قولهم أنها أقوى في التبريد والتحمل وحسب تجربتي في السيارات وجدت أن المكائن الأمريكية خصوصا الدوج والأوروبية اقوى تحمل للحرارة وأطول عمرا من الياباني .آسف جدا على الإطالة.

لا تعليق لا تعليق

يا ملك الدفع الرباعي انا في موضوع سابق صوت لسيارات الدفع الرباعي اليابانيه على أمريكيه و الآن حتى الأوروبيه وقلت إن أرامكو لمن راحت الشيبه ما بقت سياره إلا جربتها ومنها ملك الدفع الرباعي( الشيروكي) و فشلت السيارات الأمريكيه كلها لم ينجح منها إلا الجمس الحوض ال15 ولكن كان دايم يصخن و يبوش تخيل (ساعتين إلا ثلاث) تطعيس و مكيف وتعشيق من واحد إلا إثنين و العكس ومع إن الشركه ضد و أكرر ضد إستخدام السيارات اليابانيه إلا أنها إستسلمت للامر الواقع فذهب للاندكروزر الVX-r و الباترول وما خيبة الظن سيارات تمشي لساعات تحت الشمس و في نمر قويه و أوضاع صعبه ومكيف شغال و بارد ويثلجك و إلا الآن بعضها موديل 2002 ومع ذلك تقول وكاله
ملاحظه1- قلله اللاند و الباترول في الشركه هو بسبب الشروط التعسفيه في العقود التي تضمن إستبعاد هاتين السيارتين من المناقصات ولكنهم محتاجين إليها في الشيبه
2- الرانج يسوي كذا؟؟؟!!!!!!!!!!!!!!!!!!!!!!!!!!!!
3- يا راعي ملك الدفع الرباعي أقولك الشيروكي صخن في الليل في الربيع في الهافمون وهو يبغى يسحب اللومينا وما حركها .. وتقول لي إختبارات . تعال الجنوب وشوف الإختبارات
ياحبيبي أصلا الطرق اللي أقولك عليها لو أجيبك عندها تقول مافيه طريق أصلا أو تقول أصلا ما حد يفكر يجي منها يعني ما يحطونها في إختباراتهم
بعدين ياخي أنت شفت الكبسوله تنتف الهمر H2 في عكس إتجاهه و اهمر وزنه زي وزن 10 كبسوله
وين ملك الدفع الرباعي من هالكلام
إيه نعم مافيه ناس في العالم كله تتهور في طرق ماهي طرق زي مايسوي الناس في الجنوب (قال الصحرى)

اقول غثيتونا بذا الاند كروزر الله يرحم ايام اول ما كان احد معترف فيه كانو المقاولين حقين الخلطة يجرون به الخلاطات والحين صرتو تقارنونه بالرنج الله يالدنيا

[SIZE=5]تيوتا وبس لندكروزر وبس VXR ,,وبسس [/SIZE]
يكفي استهلاكها قليل وقطع غيرها فى بكل دليل لقوى وارخص
وعندى سوائل مممكن اجابه فراد اكسيبديشن ويكون كم صرفته ؟؟ اكيد رح نر ى الاجابه وسلام :cool:

يالغالي تعوذ من الشيطان,
الجراند حتى مع توفر الدعم ما راح يصير بمثل جودة وتحمل اللاند,
اخوي يدرس في كندا ومعه جراند شيروكي (ما اشتراه الا علشانه محتاجه في الثلوج)
وكيلهم هناك لا يقارن باللي عندك من ناحية الخدمات, معطيه ضمان 5 سنوات مفتوح الكيلوات
السيارة موديل 2000 او 2001 ما اذكر, وانتهى ضمانها الان وعدادها ما مشى ذاك الزود, 90 الف كيلو فقط ويدخلها الصيانة عند الوكيل بصفة منتظمة
ومع ذلك يوم سألته عنها قام يضحك ويقول: أمريكي وش تتوقع منه؟؟
قلت وش فيها؟
قال الاصوات من كل مكان, تلف الدركسون يطلع صوت, تركب السيارة تطلع اصوات, طقة مع القير,لمبة تولع بالطبلون وتروح, الانوار الامامية تجيها مشاكل كهربائية ,و خذ من هالعلوم
هذا وشوراعهم ممتازة جدا ولاهي فيها مطبات, ولا شي ممكن يخرب السيارة, واخوي استخدمه جدا نظيف لها,
طبعا هو يوديها للوكالة ويقولهم ن المشاكل وتنحل مؤقتا وتعاود,,
ومن ناحية فوز سيارة معينة بجائزة, فهذا ليست على كل المعايير,
يعني انا يهمني اني اشتري سيارة تخدمني ولا تدمن الورش,
الاختبارات تركز على القوة والاداء والثبات والمميزات والسعر النسبي ووو
لكن الميدان يا حميدان,
وصحراءنا ما يعرف لها الا الياباني
كلامي كله نظرة شخصية بحتة,
واللي يبي يشتري اي سيارة مالنا الا اننا ندعي له ان الله يهنيه فيها ويعيطه خيرها ويكفيه شرها
تحياتي للجميع

السلام عليكم

الاخ دوج لوفر

كون شركة تويوتا كانت شركة ملابس او بالاحرى مكاين خياطة حق ملابس وتمكنت خلال 50 عام ان تكون اكبر شركة يابانة لتصنيع السيارات وتنافس اقوى الشركات العالمية فهذا يعتبر انجاز كبير للشركة وليس العكس

مثلها مثل شركة نوكيا قبل ما تتوجة للجوالات كانت شركة ملابس

والوكيل اكيد له تأثير كبير على شهرة السيارة والناس هنا تقتنع بالي موجود قدامها ومجربته وشي مضمون
ليه يغامرون ويشترون سيارة قد تتعطل لمدة اسبوع او اكثر علشان توفير قطعة صغيرة غير موجودة لدى الوكيل
اتمنى اكون وصلت وجهة نتظري

اخوك
صالح