من هو لاندكروزر

اخوي عبدالعزيز, حياك الله
المسأله مو بس في القوه, اليوكون مشهود له بالقوة وهو اقوى حتى يمكن من VX-R (في الازفلت)
لكن الصحراء شي ثاني
يعني ولد عمي يوم شتغل في الشيبة, كانو يطلعون على الـGX-R في عز الظهر ويشغلون المكيف في النفود!!!
يعني ممكن تتخيل العبئ اللي على السيارة (حرارة + تشغيل مكيف + تطعيس مرهق جدا)
ومع ذلك يتحمل,, انا متأكد ان اليوكون والجمس بترتفع حرارتهم حتى بدون تشغيل مكيف..,
ويعلم الله اني لست من مشجعين ذلك النادي ولا ذاك,, ولكن كلمة حق
حتى ممكن تشوف ردودي على اللي يفكر يشتري GX-R بتشوفني اقول له هذي سيارة بـ160 الف بدون مثبت سرعة!!
تحياتي القلبية لك,

السلام عليكم


يا شباب لو قارنا اللاند بالf16 لقلتوا إنه يتفوق عليها


والسلام مسك الختام

اخوي Night Hawk

حرام عليك الجمس فاشل هذه قويه

بعدين

ارامكو ماتستخدم جي اكس ار لان ماتعترف بالست سلندر وهي تاخذ VXR

السيارات الي تسخدمه ارامكو يوكون وسييرا بجميع احجامه وسوبربان 2500 هذا اكثر شئ

ثم الباترول ثم الاندكروزر vxr قليل

واقوى سيارات ارامكو سييرا قطعه عشره غماره قير عادي دفرنسين وقطعه 15 غماره

بسبب قوتهم وخفتهم

اما عن اليوكون والسوبربان

عمي وهو احد موظفين ارامكو وهو شغلة تكون وسط الطعوس بعض الاحيان

يقول اليوكون اقوى من الاند والباترول في المكينه في الخط بكثير

بس الاند والباترول اقوى في النفوذ بنسبة 5%

والسبب لأن الاند والباترول قير عادي + دبل يدوي

اما اليوكون قير اتوماتيك + دبل الكتورني

يعني لو يجي اليوكون قير عادي ودبل يدوي

كان غطى على الاند والباترول بالراحه

وانا بعطيكم رابط J.D.Power العالمي لتقييم السيارات

http://consumercenter.jdpower.com/cc/rd/cc/auto/compare.asp?activeList=JDPlistSub

حصل اليوكون على 4 من 5 ولو زادة نقطه من نقاط المواصفات ياخذ خمسه من خمسه

والاندكروزر 3 من 5

الرنج روفر 3 من 5

وفي موقع edmunds

اليوكون 10 من 10

http://www.edmunds.com/new/2007/gmc/yukon/index.html?

الاندكروزر 8,8 من 10

http://www.edmunds.com/new/2006/toyota/landcruiser/index.html?

الرنج روفر 8,9 من عشره

http://www.edmunds.com/new/2006/landrover/rangerover/index.html?

اخوكم

عبدالعزيز

هذولي شكلهم مسوقين للسيارات اللي يقال لها دفع رباعي وضاغطهم اللاند وحاقدين علية .. قال احدهم بأن ال JEEP هو مخترع الدفع الرباعي .. وش يفيدة هالشيء ؟؟ معروف ان سيارات جيب حدها في الكرف سنة او سنتين وبعدين صرفها عشان لاتتعبك .. واكثر خراب من غيرها ..

اللاند روفر .. ياشباب .. مايحتاج اقولكم ابوي يقول وجدي يقول .. السوق يقولكم ويقول للكل .. في السابق كانت تلك السيارات متفوقة والان ظهر من تفوق عليهم بقوة الانتاجية والمليارات اللي تصرف للتطوير في تويوتا تشتري مصنع لاند روفر وطقتها من سيارات الاستخدام الناعم ..

كل مازاد الانتقاد للاسطورة لاند كروزر جعلهم يقولون التايواني وان بغيتوا التجميع فلبيني .. المهم الدور اللي يقوم فيه وغرض الشراء والجودة اللي ماعرفت ايش يعني تحط فلوسك في شي يعطيك ولا يطلب غير الركادة والرمال والسفاري اجمل الجميع في الرملة خصوصا السلق ..

الهدد يكفيك مواصفاتة وسعرة معقول .. لايتجاوز 140 الف .. ويعطيك عمر طويل مقارنة بالباقي ...

عزيزي دودج لوفر
كيف تهمش دور شركة كبيرة مثل تويوتا و تقول ملابس و ما ملابس حرام عليك يا اخي
بعدين شركة تويوتا ثاني اكبر صانع في العالم و قريبا ستحتل الصدارة
صدقني يا اخي انا لست من المتعصبين لشركة تويوتا و لست حتى من محبين الشركة لكن ارى الواقع امامي
انهم يصنعون سيارات اعتامادية كثيرا و خاصة سيارات الدفع الرباعي
و هل تستطيع انكار قوة و تحمل و اعتمادية الاندكروزر الشاص او سمه ما شئت

تحياتي لك

يا شباب شوي شوي,,
السيارات الأمريكية والألمانية رباعية الدفع فاشلة تماما مقارنة بالياباني,,
ولد عمي مهندس في أرامكو السعودية, وعمله ميداني,, عمل لفترة طويلة في حقل الشيبة بالربع الخالي وهي اقسى ظروف مناخية في العالم, وانتم تعرفون هذا,
يقول لي انه في الربع الخالي فشلت جميع السيارات الأمريكية في اداء المهمات,,
ما صمل الا اللاند كروزر والباترول بنسبة اقل,,
جميع سيارات ارامكو في الشيبة GXR وباترول احيانا,
وأهل مكة ادرى بشعابها, وأرامكو ادرى بالربع الخالي واللي يتحمل فيه
حتى ولد عمي نفسه معه جراند شيروكي,, بعد عمله بالشيبة عرف وش هو من لحية, عندما انتهى من الشيبة انتقل الى ينبع,,
ووقتها باع الجراند واشترى VX-R خليجي,,
وقال كنت طول فترة استخدامي للجراند غلطان!!

السلام عليكم
إلى أخوي وعزيزي (القديم مره ) أولا شركة تويوتا تم تأسيسها في أواخر الخمسينيات بعد ماكانت شركة ملابس ثانيا كان من المفروض انك ماتذكر الدروب الوعرة والجبال اللي عندكم في الجنوب لأنك بكذا بتحرج شركات jeep ولاندروفر وغيرها من الشركات لأن سياراتها لاتستطيع السير على الدروب اللي عندكم أو كان من المفترض أنك تبلغهم عشان يضعون الدروب اللي عندكم في الأعتبار كدروب إختبارية لسياراتهم ,ياحبيبي لا أختلف معاك على اعجابك باللاند كروزر لكن مو معناها إنك تهمش أساتذة الدفع الرباعي واللي التايوتا تعلم منهم وحط في الإعتبار أن تلك الشركات لا تنتج سياراتها ذات الدفع الرباعي ألا بعد إختبارات قاسية جدا وقادرة على تجاوز كل المعوقات ,وأبغاك تذكرلي أي استفتاء أو تقييم عالمي من أي مكان لو من بنغلاديش يذكر فيه سيارة اللاندكروزر أنها كسبت أي جائزة تذكر ,بالنسبة لي لم أسمع سوى عن الباجيرو والبقية سيارات دفع رباعي أمريكية وأوروبية ,وإلا تبي تقولي ان اللي يعملون المسابقات ماعندهم جبال ووديان زي اللي عندكم في الجنوب وشكرا للجميع .

اللاند سيارة ممتازة و جديره بالاحترام
و لكن الناس هنا مزودينها حبتين و اعطوها اكثر مما تستحق

شاكرلك اخوي بكل عنف اخيرا احس اني حصلت شخص فاهم وكما اشكر باقي الاخوه وبالنسبة لعشاق اللاند فلك انسان مايحب وما يريد لكن للاسف لا زالو يكابرون وينكرون امكانيات السيارات الاخرى لكن مهما حاول اقناعي بالاند فلن اقتنع به الا اذا اصبح فعلا يستحق ذلك

مشكورين علي هاذا الموضوع الحلو ولله تعليقك صحيح 100%

معليش يا اخي اللاندكروزر من الخمسينات وهو عندنا في الديره ومن يومها لا أعطال و تحمل و قوه ولو تجي الجنوب تحصل سيارات التايوتا اللاند و الشاص تلقاها من موديلات الستينات و يحملونها حجر و يطلعون فيها عقاب وعره وقد تصل مستوى الإنحدرات إلا أكثر من 50 درجه ووعوره و لفه وإذا ما تطلع و الله ما يحصلونك إلا شاورما و والله مايطلعها لا الشيروكي ولا الرانج ولا أي سياره أمريكيه أو إنجليزيه أو ألمانيه أو حتى ياباني غير اللاند و يمكن النيسان

لا تشيل هم رحت سألت أبوي وجدي بعد وقالولي بالنسبة لجدي قالي وقتنا سياراتنا أمريكية الفورد والدوج وأبوي بعد أضاف السيارات الألمانية ,اللاند ماطلع ألا قريب .سيارات الأمم المتحدة حقة المفتشين مع احترامي لك مقياس غير منطقي ولا ليش ماتقول سيارات الدوريات عندنا وشي وأمن الطرق والدفاع المدني وسيارات الأستخبارات الأردنية والشرطة العراقية فالغالب سيارات أمريكية .السوق عندنا باختصار لا يعبر ابد عن أفضلية السيارات يعني الكامري مرغوبة أكثر مع أن هوندا أكورد افضل بكثيروهلم جر .

حبيبي أنا ما جربت الرنج ولا أبي أحربيه بس من واقع الحياه في مجتمعنا الخليجي معروف أنه السيارة الأولى هي اللاند مإذا منت مصدقني إسأل جدك ولا أبوك .....
ومن ناحيه المقارنه يكون في علمك إنه هناك يسارات ما هي حول الرنج والاند .....
وبعدين يمكن صاحب المقارنه معدل على الاند ومركب له كم دبه غاااااز (( |6| |6| )) وبعدين شوف سيارات الأمم المتحده حقة المفتشين ;) ;)
على العموم أنا أقلك إنزل السوق وإسأل الناس وألي يسأل ما يتووووه

لا أريد أن أدخل بجدل وعارف انو مافي فائدة بحكم عقولنا متنكة على (التايوتا ) ,المهم الشيروكي هم من اخترع الدفع الرباعي ومن بعده جاء البريطانيين لأمريكا واقتبسوا النظام من (jeep) ,قائد جيوش الحلفاء مونتغمري بعد انتصارهم على الألمان أوضح أن سيارة (jeep هي من أسباب كسب الحرب لقدراتها الخارقة , الشيروكي هم أول من ابتكر الدفع الرباعي مع القير الأوتوماتيك ,الشيروكي أذا رحت للوكالة بتحصل شعار trail rated على جانب سيارات الجيب الشيروكي ويعني تمتع سياراتها بقدرات استثنائية في الطرقات الوعرة ,اللاند اللي فرحان فيه اقتبس كل شئ من الشيروكي والرنج روفر ومايساعد الاند في التطعيص هو فقط خفة الوزن لأن البدي عندك قرطاس ولا يوجد أي أنظمة أو تقنيات بالسيارة لذا السيارة مافي أسرع من انقلابها وأنا أتكلم عن تجربة بالربع التايوتا المضحك ,ولا تنسى أن التطعيص ومواجهة الدروب الوعرة يحتاج للسائق الماهر قبل كل شئ .الشيروكي ورغم وكالته السيئة على كلام الناس ألا ان الناس لا زال يبحثون عنه ليش عشان القوة المرعبة والخيالية اللي شافوها فيه وانا واحد منهم وشكرا

أخيdodge lover
الشيروكي اللي تتكلم عنه والله اعظيم انه جراند شيروكي في الهافمون يبغى يسحب لومينا مغرزه, والله إنه صاف وملصق صدامه بصدام اللومينا ويرص يبغى ينتعهى بس والله مايحركها اكثر من 10 سم, وصخن ملك الدفع الرباعي هههههاااااااااااههههههه!!! ما عليه شرهه له أكثر من نص ساعه على هالحال و الله راعيه صخن, جانا واحد مطيري من أهل القصيم ومعاه باترول سفاري 99 شافنا وقعد يضحك , تعرف وش قال لصاحب اللومينا؟!! قاله عشق الD و إكسر الطاره ورص الموتر للصاجه , والله انها كلمته وراعي ملك الدفع الرباعي جالس يبرد سياته ويتفرج , والله العظيم انه سحبه زي ما تسحب سياره قيرها على الفاضي في الإسفلت وراعي اللومينا مو داخل السياره و مطفيهاااا تصدق الحين . اللاند أخو السفاري
بعدين ياخي إذا كان الرانج ملك الدفع الرباعي في تحدي بسيط في الهافمون على الطعس التحدي دايما تسويه اللاندكروزر الكبسوله والباثفايندر و الباترولات الربع وبعض الشيروكيات المصندقه(الملغومه)لاحظ كلمه الملغومه وإلا معصي يسوي زيهم

ولد جده ينصر دينك كلامك 100% ولكن وين اللي يفهم وانا حاولت قبلك بأكثر من موضوع بخصوص (المنكح ) اللاندكروزر وسعره المبالغ فيه وعدم التفات الناس للسيارات الأخرى ولكن اتهموني بالتعصب ونسيوا أنفسهم انهم متعصبين على عماها ,قاعدين يقارنون ملك الدفع الرباعي الرنج روفر بجانب الشيروكي طبعا بسيارة معدومة التكلفة التصنيعية وتجميع تايواني وسعودي وهي اللندكروزر ياناس عيب عليكم كلموني عن تقنيات الدفع الرباعي في اللاند ووسائل السلامة فيه طبعا شبه معدومة والناس هنا همها الشكل والأسطبات البراقة والشريط الجديد على جانب البدي الناس هنا على السمعة بس واذا حبيت تشتري قالولك مالك الا تايوتا وأغلبهم مايدور السيارة المناسبة له ولمزاجه ولاينظرون للجودة ولا السلامة ولا الأمان ولكن النظرة بس هي وشو الناس ماشية عليه اشتريه وخلاص يعني مافي ذوق ومافي نظرة تفحصية للسيارة ,وسبق وقلت مبيعات اللاند بس عند ربعنا ولكن بالخارج المنتشر الرنج روفر والشيروكي ومثيلاتها واللي هم اخترعوا الدفع الرباعي وطوروه ولازالو يطورون لكن طبعا مش لينا لأننا لانستحق هذه التقنيات للأسف النظرة هنا محدودة وضيقة .ولا ويقولون اللاند أجود في التصنيع من الرنج ,ياناس ياعالم ياهوه اعتماد اللاند فقط على افتقاره للتقنيات زائد دعمه بوكيل قوي فقط ولكن كسيارة دفع رباعي فهي بالمؤخرة بعد الرنج والشيروكي فهما الأفضل عالميا ولاوجود للاندكروزر الا عندنا .المهم انا آسف على الأطالة ولكن من جد حاجة تقهر .

أخي العزيز JEDDAHBOY

انا بأقلك حاجه وحده قصدي حاجات 1- السيارات اللي ذكرتها كلها سراحه عيب نسميها سيارات دفع رباعي بمعنى جيوب ليه أقولك ليه (شوف كفراتها تحصلها إرتفاع 35 و عرض جنط 18 و20 , وشوف إرتفاعها عن الأرض تلاقيها أنزل من كابرس أو ماكسيما أكامري, شوف قيورها تلاقيها قيور ناعمه وحقت سرعه مي قيور سيارات دفع رباعي) إذا مقارنتها بالvx-r غلط xغلط ومع هذا فإن الvx-r يجاريهم في المواصفات والتقنيات بل و يتفوق عليهم في ناحيه العرض و التوزيع الداخلي للمقصوره ومع هذا فإن سعر الVX-R في اقصى حالاته لا يتجاوز ال210000 كما ذكرت أنت

2- الناس اللي تقول عنهم مايشتروا إلا هذه السيارات هم ناس عيال دلع وفلوس كل واحد مين سيارتي أغلى ومين سياته أحلى و طبعا ما يدفعون إلا من300000 وفوق والسياره ما تقعد إلا سنه و باعها بتراب الفلوس عشان تعرف قيمتها الحقيقيه والله ماعمرهم طبو البر ولا يعرفونه واللي منهم اهل بر شوفه وش السيارات اللي يروح بها تلقاها ليكسيز470 و إلا VX-R وإلا صالون البر الأقوى باترول سفاري وإلا إنت تقولي بورش وإنفنيتي والثانيه والثالثه...

3-ياخي انا بالمكسيما حقتي 2002 في عز الحر في الشرقيه عند نقطة تفتيش مرتاح ومشغل المكيف على أضعف شئ ومثلجني وجنبي BMW-X5 فاتح الشباك ليه صخن الموتر!!! الله يلعنه من موتر أشتريه ب300000 ويقعدني في الحر ابكشختي وهندي مروح قاعد في هايلوكس 90 مستانس في البراد!!!!!!!!1 لاتقولي موديلات قديمه بلا هم السياره قراطيسها عليها ولو تبي أعطيك لوحتها مستعد بس ما أبغى أفضح راعيها

4- بالنسبه للرانج و إختبارات الوعوره وإلا آخره فأرجوك إنسى الكلام هذا والله اللي شاف إختبارات الH2قال هذا أطلق من الشاص
و شوفه يغرز جنب الأسفلت خلك من الطعوس إنزل بالرنج مع لاندكروزر والله لتتفشل يا رجال إنزل مع هايلكس خلك من اللاند
الرانجروفر اللي تتكلم عنه زمان ترى 180 درجه عن اللي الحين

Need_ 4_ Speed

اولا مشكور على الرد

انت تقول ان اللاند مثل اللكزس او هو للكزس اوكية اتفق معاك وهذا الشئ عيب اللكزس ان مشابه للاند وعشان كذا انا اكره سيارة عندي اللكزس ال اكس 470 لانك تحس مافيه اي فرق بينه وبين اللند اللهم مغيرين الشعار
بعدين انت تقول عشان كذا هوه افضل من اليوكون والارمادا بالله بايش افضل بمراتبه الي كانها مراتب كامري والا عشان فيه شوية فورميكا في التابلوه قلتو فخم بعدين مستحيل يكون ارقى من الارمادا او الدينالي
س؟ هل قد رايت مقصورة اللنكولن نافقيتور من الداخل عشان تعرف ان جيب اللكزس ماعنده سالفه في عام 1998 عملو مقارنه بي اللكزس 470 النكولن نافقيتور وحصلت تلك السنة نافقيتور على لقب افخم مقصورة في عالم السيارات وفي السنة الماضية مع الشكل الجديد للنفاقيتور حصل على نفس اللقب
مشكلتكم يامحبين اللاندكروز تبغونه بطل الابطال قوي وسريع مثل الفراي وفخم مثل الفانتوم وميرح مثل الكدلك وثابت على الطريق مثل الاودي اوكيه لو قلتو انه يتحمل وحق بر اوكية لكن حتى الفخامه منتو راضين تعترفون بمستواه الحقيقي
بعدين تعال اخوي انت تكلمت عن نظرة فخامة ما ذكرت الاشياء الاخرى اذا عن الاشياء هذي بسالك سوالك ليه عيال النعمة الي في درة العروس او شارع التحلية بجدة اوفي الرياض في شارع التحلية ايضا مايشترون لانكروزر كلها سيارات الدفع الرباعي الي معاهم بورش كاين رنج روفر سبورت او فوج طوارق انفنيتي اسكاليد BMW X5 بالله قدشفت VIP او امير راكب في اكس ار جمس قد شفنا امراء واميرات معاهم جموس لكن بالله في اكس ار قد شفت


الفاروق

مشكور اخوي على الرد وانا اايد كلامك ان الباترول افضل


fddo777

مشكور اخوي على الرد بالله من جدك تنكر اداء الرنج
سؤال صريح قد جربت سواقته وتاكدت بنفسك طبعا الاجابة
لا لوجربته ماقلت هالكلام
انا معاك سيارة مثل الرنج بخاف عليها ماراح اطعس فيها لانها سيارة ثمينة مو اي كلام عشان اعبث فيها
لاكن لو مافكرت فيها وطعست والله غير تشوف قوة لا اتحدى اللند يجي شئ جنبها
حبيبي جيوب لاندرفر الاسطورية معروفه عند الناس من زمان بقوتها تجي انت وتقولي ماعندها سالفة
شفت اليوم قناة (جير ون) البرنامج الي يتكلم عن سيارات لاندروفر منذ ولادتها حتى هذة السنة لو تشوف التجارب التي تخضع لها في طرق شديدة الوعورة وفي مستنقعات وحل ومائية وفي الادغال وطرق جبلية وعرة وحادة الانحدار
شوف حبيبي محد يقدر ينكر قوة الرنج او اي سيارة من سيارات لاندروفر

السلام عليكم ..


اشكرك اخوي .. ياولد جده .. على طرح مثل هذا الموضوع...

صحيح كلامك .. ان الرنج روفور مايتقارن مع VX-R من ناحية الفخامة وقوة المكينة..

وايضا لا يقارن VX- R بالرنج روفو من ناحية التطعيس .. وجودة الصناعة .. وعيوبه قليلة ..


واخيرا اقول ... اتحدا واحد تلقى واحد يشتري له رنج روفور على شان يطعس به ... كل اللي يشترونه .. يبون فخامته .. بس ... والا بالطعووووس ماراح ينفعك ... واذا تبي تعرف الفرق .. جرب السيارتين ..في .. البر ..



وهذا ماهوب كلامي ... انا ... هذا كلام ناس من واقع خبرتهم في السيارات ...

مع العلم ان VX-R مبالغ في سعره ... والحق ينقال ..

...
...
..

وياخي .. ولد جده ... انت تقول ان هناك بديل .. للـ VX-R ..

جب لي سيارة ... متوافقه .. مع الفكس ار .. من ناحية الجودة والقوة في الرمال .. وفخامة .. وثبوته في السوق من ناحية السعر..


..
..
..


ابن مشيب