الأحد 7 يونيو 2026
عاجل

افكر اشتري بليزر 82 .. وش رايكم يا اهل الخبرة

نادي سيارات ال SUV و العائلية والنقل مغلق
7 رد 4,340 مشاهدة 6 مشارك الأقدم أولاً
س
سعد20 @user_26798 · 15-02-2006
بسم الله الحمن الرحيم

؟
؟
؟
؟
؟
؟
؟
؟
؟


افكر اشتري بليزر م 82

وش رايكم فية... انا راح اخصصة للتطعيس ,,

الموتر نظيف ما شاء الله لكن اتمنى النصايح . للي عندة خلفية عن البليزر القديم والدفع الرباعي وماشكة واللي احذر منه او

انتبه له اتمنى تفيدوني بقدر المستطاع وانا بالعربي شبة صامل على السيارة
أ
أبـوأسـد @user_15810 · 25-02-2006
مرحبا بك أخوي سعد20

بنسبة لهذي الموديلات قوية جدا وصلبة وتتحمل أقوى من الموديلات الجديدة الحالية
بس تخبر قليل ما تلقى شيء ما كرف يعني يكون جاه حقه من الكرف :D

المهم

شف أخوي

الموتر قوي

بس له بعض العيوب بذكرها لك

في المراقي ترى القير الأتماتيك يطيح عزمة والجمس كذا عموما بسبب أنه لازم تنزل القير وترى تنزيل القير تضر على ما سمعت

يعني القير العادي مافيه أن شاء الله مشاكل في المراقي أبدا

بس فيه مشكلة فيه

أنه أذا جيت ترقى تحس أنه يطامر بقوة من قوت أنطلاقته قبل لا يرقى وأيضا أذا جاء يدق ريوس وأنت تنزل من الطعس تحس الموتر يطامر وهذي حلها تحط مساعدات أسترالية على كلام واحد من ربعي

وبنسبة للكفرات شاهين أرى أنك تركب شيء غيره مثلا برجستون ولا دنلوب ولا ميشلان

لأن أحس أن الشاهين صغيرة على حجمة لأن الشاهين عريضة بس دعستها في الأرض نحيفة يعني أرى أنك تركب كفرات عرضها لا يقل عن 275 بيطلع موترك بطل |1|

وموضوع الكفرات الأمر فيه راجع لك :rolleyes:

أخوك أبـــــوأســــــــد|3|
أ
أبـوأسـد @user_15810 · 25-02-2006
لي بعض الأسئلة أتمنى الأجابة عليها ولي عودة بأذن الله

قير عادي ولا تماتيك

نوع المحرك ما هو بالضبط 350 أو 400 أو 454

ومعليش أني ماراح أفيدك الأن بس أن شاء الله راجع

أخوك أبــــــــــــوأســـــــــــــــد|3|
N
Night @user_14595 · 25-02-2006
عزيزي سعد بالنسبه للبليزر

قوي وتحمل ويشفط بانزين لانه مكينته جباره وتتحمل جدا


وبالنسبه للبر حلو ، بس مو طعوس طعوس لانه ماتحمل الاماكن العاليه جدا


وبالنسبه للداخليه فمريحه وواسعه



تحياتي
ا
الشمري @user_2215 · 18-02-2006

بسم الله الرحمن الرحيم





السلام عليكم ورحمة الله وبركاته وبعد،،




[COLOR=Red]
أقتباس من الرسالة الأصلية سعد 20
افكر اشتري بليزر م 82
وش رايكم فية... انا راح اخصصة للتطعيس ,,
الموتر نظيف ما شاء الله لكن اتمنى النصايح . للي عندة خلفية عن البليزر القديم والدفع الرباعي وماشكة واللي احذر منه او
انتبه له اتمنى تفيدوني بقدر المستطاع وانا بالعربي شبة صامل على السيارة

اخي الفاضل سعد 20 لقد اشتريت أنذاك بليزر طراز 82 خلال عزه، وفي سنته، والسيارة لم ارى أي عيوب تذكر، واسعة من الداخل، ومريحة، ويعتمد عليها، لكن هناك امراً اود ان اخبرك به، عيب السيارة امرين الأول وبالعامية " شفطه للبنزين " وذلك لقوة مكينته، اما الثاني السيارة ليست لتطعيس بمعنى ان تصعد بها كما يفعل الشباب في الثمامة او اماكن آخرى، لكن حينما تدخل نفوذ كـ الصمان او اماكن اخرى رملية تجد السيارة لا يعيقها التراب حتى لو لم تستبدل اطاراته الى نوع شاهين او بالون اي اطارات رملية .


أقتباس من الرسالة الأصلية سعد 20
بس فية مشكلة بسيطة زيت الدركسون يهرب ولا ادري وش المشكلة ....

احذر من التهريب بصفة عامه فإن لم تجد حلاً له وليس مؤقت دعك من السيارة، كما احرص ان تفحص كافة المكينة، لكي لا تأكل عليك مالك وتخرج خاسراً السيارة والكثير من المال . هناك مراكز كثيره يمكنك ان تأخذ السيارة اليهم ليفحصون كافة الاجزاء بدقه لتطمئن، ولتشاهد ان كان هناك عيوب لا ترى بالعين المجردة من الوهلة الأولى، فحينما يدقق الميكانيكي، والكهربائي خلال فحصه سيشاهد عيوب ان وجدت ظاهرة لها بعد الفحص . بالطبع ما خاب من استخار ولا ندم من استشار . راجياً من الله عز وجل ان يكتب لك خير .


أقتباس من الرسالة الأصلية سعد 20
لكن كفرات شاهين الجديدةبكم ؟؟؟؟

احرص على شراء النوع الطيب وبالنسبة لسعرها لا تقل عن 350 ريال حسب النوع





مع فائق احترامنا لشخصكم الكريم - الشمري
[/color]



.
س
سعد20 @user_26798 صاحب الموضوع · 18-02-2006
الله يعطيكم الف الف عافية .... بس فية مشكلة بسيطة زيت الدركسون يهرب ولا ادري وش المشكلة ....


ثاني شئ .. بصراحة الموتر خش مزاجي ..

لكن كفرات شاهين الجديدةبكم ؟؟؟؟
ا
ابو نوال @user_19436 · 17-02-2006
الحقيقه الامريكي القديم ما منه خوف قطعه متوفره ورخيصه رخص التراب والكل يفهم فيه خاصه انه نفس السوبربان القديم بس باب واحد من ناحية التطعيس ليس لدي الكثير لكن في خواجه كان جارنا وعنده واحد وراح وجاء به حتى قال بس لكنه الامريكي معرف انه ثقيل شوي لكن مع الممارسه اعتقد انه سوف تكون احسن من الياباني خاصه اان كنا ندخل البر بالجمس وبدون دبل وكان ميه ميه فمابال والحقيقه انه مجرد اقتنائه شئ رائع ولكن يرجع كله للسعر والله يقدملك الي فيه الخيره ولاتنسى الاستخاره
s
salehhd @user_17805 · 15-02-2006
السلام عليكم

بصراحه ماعندي خبرة كبيرة بهذي السيارة لاكن الي اعرفة ان موتر قوي وفي التطعيس عزم لاكن يشرب بنزين كثير

والاخ ابو اسد والشباب راح يفيدونك اكثر

في الاخير انصحك بالاستخارة قبل كل شي

بس ما قلت كم السعر