سيارتي الأكورد 2005 ماتشتغل.....وينكم ياخبراء ووين الفني

i-VTEC 2005 @user_12864 · 28-12-2005

السلام عليكم ورحمة الله وبركاته
...
سيارتي الأكورد 2005 ماشية 40000 بالظبط وصار لها سنة وشهر وألحين ماتشتغل..
...
شكلها البطارية لأنه لما أدق سلف فيه كهرباء بس المكينة ماتشتغل ....
...
سوينا اشتراك مع سيارة ثانية واشتغلت ومشيت بها من الجبيل الى الدمام وماصار شي ولله الحمد....
...
المشكلة هي لما اسوي اشتراك مع سيارة تشتغل ولما أطفيها وأرجع أشغلها ماتشتغل علما بأن البطارية ماتغيرت من أول ماأخذتها والبطارية هذي داخلها أسيد ...
...
هل هذا شي عادي انه البطارية تفضي بعد سنة من الإستخدام ؟
...
ايش تنصحوني أركب بطارية؟وكم حجم البطارية حق الأكورد( 50/55/60/65أمبير)؟وايش أحسن نوع ؟

مجنون المحركات @user_25816 · 02-01-2006

السلام عليكم
أخوك بو يوسف من البحرين طبعاً جديد في المنتدى

بس حبيت أنبه للأخو العزيز أنه في احتمالات كثيره لضعف البطاريه ومن بعض أسبابه نسيان الأضاءه لوقت طويل
ولا مثل ما ذكر أخوي الصقار سستم الصوت والزنون و غيره من الأكسسوارات .
بس اذا حبيبت تختار بطاريه أفضل أنه أتكون AC Delco لئنه هذي البطاريه تعتني بنفسه لا تحتاج لتزويده بالحمض
وتتم لوقت طويل و أنه أمجرب

~^~<(البرتقالة)>~^~ @user_17648 · 01-01-2006

غير البطاريه واذا هي باقي على الضمان روح الوكالة

نيسان للأبد @user_17211 · 01-01-2006

الاعضاء افادوك ماقصروا

الـصـقـار @user_12505 · 30-12-2005

انت معدل شي بالكهرباء ؟؟

زنون ولا سستم صوتي ؟؟

حاول تغير البطاريه

MECHANIC @user_25706 · 29-12-2005

المشكله عندك السلف اذا كانت البطاريه سليمه .

السلف ثقيل في الدوران يحتاج الي مايقارب 15 فولت حتى يدور الترس وهذي المشكله تحتاج انك تغير سلف

واقصى جهد للبطاريه 12/13 فولت

بس قبل هذا كله تأكد من اقطاب الاصابع البطاريه. هل هي مشدودوه ونظيفه

وشي طبيعي ان البطاريه تنعدم بعد سنه اذا كان استهلاكهااااا عالي

تشغيل المسجل او الانوار والمحرك واقف

في هذي الحاله يكون الستهلاك من البطاريه مو من الدينمو

وبعد تشغيل المحرك يرجع الشحن للبطاريه من الدينمو

بس اذا تكررت هذي الحاله يكون عمر البطريه من سنه الي سنه ونصف

ملاحضه/
مع البرد يقل جهد البطاريه.

فني سيارات @user_8460 · 28-12-2005

البطارية ممكن تمشي اكثر من هذا العمر افحص مستوى الماء في البطارية

انت تقول انك شحنت البطارية بالاشتراك
المفروض انها تكون مشحونه خلاص بهذا الوقت الطويل من الجبيل الى الدمام
وما اخشاه ان تكون سيارتك تحتاج الى اصلاح دينمو الشاحن (دينموا الجارج ) لربما تحتاج فحمات او غيرها

ولتاكد من كل هذا دع السيارة شغاله ثم افصل اصبع البطارية اذا توقفت الكامينة عن الدوران فهذا يعني ان الشاحن لايعمل بشكل صحيح
اما اذا تمت بعد فصل الاصبع شغاله فهذا يعني ان البطارية تحتاج تبديل و الدينمو مافيه شي

وعند تشغيل السيارة تاكد من ان كل شئ مقفل مثل الراديو المكيف الانارة

ضابط الايقاع @user_25217 · 28-12-2005

غير بطارية

بالنسبة للحجم روح محل بطاريات بيقولك مقاسها

need_for_speed @user_24217 · 28-12-2005

نظف اقطاب البطاريه ممكن تكون مأكسده و احتمال البطاريه تكون ميته احسنلك انك تغيرها