ااااااسف ياأخوان على التأخر بالرد
ولكن مثل منتم عارفين قرب العيد وكثرة المشاوير
وكل عام وانتم بخير :)
---------------
MaX99999
موجود عندهم موزع بالحسا اسمه الخرس
والصيانه تكون بفرعهم الرئيسي بالخبر
كامري
تعجبني الاسئله الكثيره
اخوي انا فكرت بالسياره بس اخاف يصير الوكيل زي الاول الفاشل بكل معنى الكلمه
من ناحية الوكيل الجديد تطمن فهو معروف افضل وكيل بالعالم لآيسوزو
وكل اصحاب ايسوزو يمدحون خدمته واسعاره المعقوله
بالنسبه لليجاسي الاربعه سلندر
هل هي ثابته بالخط ولا تلعب زي سيارتي الكامري ؟
من هالناحيه تطمممممممن لأن عليها رساوه مهي طبيعيه في الخطوط
وانا اقارنها صراحه مثل قال اخوي الوافي بالسيارات الالمانيه
وازيدك من الشعر بيت جميع فئات الليجاسي فيها مثبت سرعه
واتوقع الثبات الي فيها من طريقة توزيع الوزن ووجود المكينه في المنتصف السفلي
وايضا وجود دفرنسين امامي وخلفي = ثبات مهو طبيعي |1|
2.0 = 165 حصان ينطح حصان
قطع الغيااااااااااااااااااااااااااااااااار اهم شيء عندي كيف هل هي اغلى من هوندا ؟
من ناحية قطع الغيار مهي رخيصه زي تويوتا ولا غاليه زي هوندا
اسعار معقوله وممتازه
المواصفات الي يجي فيها فتحه بالسقف ومثبت سرعه وقير اوتو وجنوط << على فكره كم مقاسهم ؟
الـ 4 سلندر جميعها مقاس جنوطها 16
والـ 6 سلندر مقاس 17
والقير الاوتو رياضي يعني هل هو عادي مع اوتو ولا قير اوتو مثل الاكورد؟
جميع انواع الليجاسي الاوتو يجي توب ترونيك (( قير عادي واوتو في نفس الوقت ))
ولاكن الفرق ان الـ 6 سلندر يجي 5 غيارات والـ 4 سلندر يجي 4 غيارات
وكيف قوتها اخوي بالنسبه للقير الاوتو تقدر تقوم وتروح خط على الاكورد والكامري والالتيما ؟
والله يا طويل العمر انا موتري قير اوتو 4 غيارات اتوقع انه اسرع سياره بفئتها بالنسبه للـ 4 غيارات
ضمان ممتاز
3 سنوات او 75 الف كيلو وليس 60 الف
نسيت اقولك وين تبي تفتح صالة عرض السوبارو بالرياض ؟؟
المبنى الجديد على طريق خريص بيكون خاص للسوبارو بس الى الان ماأنتهى
وبالاخير اسف جدا على كثرة الاسئله
خذ راحتك
حنا فاتحين الموضوع عشان الاسئله هذي
AL_wafi
مشكور على تعليقك للموضوع
وانشالله تروح وتجي بالسلامه
وأي استفسارات ثانيه حنا بالخدمه
