خايفة .. تكفون طمنوني !!

هيفاء احمد @user_21896 Banned · 02-09-2005

اشتريت التيما 2005 من الوكالة قبل اسبوع بالضبط !!

ولأني حديثة عهد بالقيادة , سألت صديقتي عن كيفية التعامل مع ( الجير الأوتوماتيك ) ..

فأجابتني استخدمي الوضعية ( D3 ) !!

انا سمعت النصيحة , وخلال فترة تليين المحرك في الألف كيلو متر الأولى , كنت ما اتجاوز

سرعة 100 كيلو متر في الساعة !!

كنت الاحظ ان السيارة مب مرتاحه , وان صوت المحرك مرتفع شوي !!

المهم , استمريت على الوضعية ( D3 ) اسبوع كامل , لين انتهت فترة ( التمرين ) !!

رحت الوكالة , فحصوا السيارة وبدلوا الزيوت وقالوا لي كل شيء تمام !!

ما صدقت خبر , ركبت السيارة , وقلت خلني اجرب السرعة شوي !!

طلعت من دبي ووصلت حتى العين ورجعت , يعني قطعت حوالي 300 كيلومتر !!

وانا على نفس الوضعية ( D3 ) , لكن المشكلة ان سرعتي وصلت 180 كيلو متر !!

لاحظت ان الـ ( Rbm ) وصل للرقم 6 على حدود المنطقة الحمراء ( لكن ما وصلها ) !!

حسيت ان القيادة مب انسيابية , بصرااحه خفت !!

رجعت البيت , وسألت اخوي !!

قال لي ( حررام عليج ) !!

السيارة جديدة , وانت ( خانقة ) السيارة على الغيار ( الثالث ) ؟ ولمدة اسبوع ؟

وخبرني ان وضعية القايدة هي ( D ) وليست ( D3 ) !!

بصرراحة , انصدمت !!

لكن اخوي ساق السيارة لمسافة طويلة , وقال لي اطمني السيارة ما تأثرت

لأن اغلب الوقت كانت سرعتي منخفضة ( تحت المائة كيلو في الساعة ) !!

بصرااحه انا خايفة على السيارة ؟

حررام يتلف المحرك والسيارة ما كملت 8 أيام , وما قطعت الا 1400 كيلو متر فقط !!

اختكم ( هيفاء )

mind655 @user_14007 · 03-09-2005

عفوا أعذروني , (( بعد التصحيح )) :

مثل ما قالوا الشباب لكن ودي أزيد :
D : للقيادة العادية
D3 : أنا أستخدمها للقيادة العادية إذا بغيت عزم قوي .
D2 : أثناء النزول من منطقة مرتفعة فهو يجعل السيارة ثقيلة ( نصيحة لا تسرعي بها فوق 100 )
D1 : أثناء النزول من منطقة مرتفعة تجعل السيارة ثقيلة جدا و صوت المحرك عالي و تطلع رائحة المحرك ( نصيحة لا تسرعي بها فوق 80 )

هيفاء احمد @user_21896 Banned صاحب الموضوع · 03-09-2005

الأخ الكريم mind655 ..

اعتقد ان اجابتك ( خاطئة ) !!

تأكد منها من فضلك !!

لأن الحد الأقصى للقيادة بالدي 3 اعاى من الدي 1 والدي 2

vAMP @user_12617 · 03-09-2005

سلام ..

انا معاي ألتيما قير عادي .. واخوياي بعد عندهم ..

اعرف من اخوياي ماكملت السيارة عنده 50 كيلو بس .. وطبق طبلونها !! حرق في أم السيارة حرق !! وسار يتقاوم ويتطارح فيها ولسه ماكمل ال 500 بعد !!

الحين منهم اللي كمل عشر آلاف ومنهم 15 ألف والسيارة أحلى مايكون ..

يعني تطمني إن شاء الله مافيه مشكلة :) وكل هالكلام من تجربة أقوله ..

وبعد سمعت الحين كل السيارات الجديدة سارت تجي ممرنة من بلدها .. يعني مافيه خوف إن شاء الله ..

المفروض الحين بسواقتك العادية تحطين على D

وال D3 تستخدمينه أوقات الأمطار بس :)

وال D2 وال D1 عند المرتفعات والمنخفضات بس ..

mind655 @user_14007 · 02-09-2005

مثل ما قالوا الشباب لكن ودي أزيد :
D : للقيادة العادية
D1 : أنا أستخدمها للقيادة العادية إذا بغيت عزم قوي .
D2 : أثناء النزول من منطقة مرتفعة فهو يجعل السيارة ثقيلة ( نصيحة لا تسرعي بها فوق 100 )
D3 : أثناء النزول من منطقة مرتفعة تجعل السيارة ثقيلة جدا و صوت المحرك عالي ( نصيحة لا تسرعي بها فوق 80 )

هيفاء احمد @user_21896 Banned صاحب الموضوع · 02-09-2005

يرفع لمزيد من الردود

waheeb @user_20070 · 02-09-2005

خلي القير D
وامشي على كيفيكي
والاحسن ما تسرعي أكثر من 150 لا ربعة سلندر
وال 200 لستة سلندر
القيادة من السرعة 100-150 لطريق عام
طريق داخل مدن 80 -100
وإذا حارة من 40-70

ابو راجين @user_18310 · 02-09-2005

لا تقلقي سوي زي جبت خبر الجير بوكس خلال ستة شهور وغيرته على الضمان ونا حاط رجل فوق رجل والشركه تقولي لو كل يوم تخربه هات نغير الجربكس لانه تحت الضمان ... ولا يهمك ما دام تحت الضمان والصيانه الدوريه موجوده دوت وري وبس.

Lumina2005 @user_13792 · 02-09-2005

ما قصروا الجماعة و لو انا مكانك اقوم بتغيير زيت و فاتر الجير في الوكالة

HONDA 4 EVER @user_1081 · 02-09-2005

أختي هيفاء بما أنه لايوجد حد أقصى للسرعه أطمئني إن شاء الله السيارة ما عليها شيء

أهم شي أنك لا تكرري الخطأ الذي وقعتي فيه

هيفاء احمد @user_21896 Banned صاحب الموضوع · 02-09-2005

اخوي ابو عبدالملك : مشكور على الرد , بس انت متأكد انه ما صار شيء ؟

أخوي هوند فور ايفر : مشكور على الرد , قريت الدليل , والحمد لله لا يوجد

حد اقصى للـ ( D3 ) , الحد الأقصى موجود للـ ( D1 + D2 )

أخوي ugn.r : السالفة اني خايفة على سيارتي من استخدامي الخاطئ للجير !!

ugn.r @user_14157 · 02-09-2005

الحين وش السالفه اختي هيفاء ما فهمت قصدك :D

بس اذا كنتي انصحك لاتمشين على D3 امشي على D |1|

D3 يفيد اذا كنت نازله من منحدر

تحياتي |3|

HONDA 4 EVER @user_1081 · 02-09-2005

أختي هيفاء في الغالب أن سيارتك لن تتأثر

وإذا حبيتي التأكد أكثر أفتحي دليل المستخدم حق السيارة

وأنظري للحد الأقصى للسرعه للوضعية D3

وهذه نصيحة لك في استخدام القير الأتوماتيك:
استخدمي D3 أو D2 إذا كنت نازلة من مرتفعات جبلية حتى تقلل سرعة السيارة أيضا استخدميهم أذا حسيت أن السيارة تريد عزم في طلوع المرتفعات

وعلى حسب علمي أن الأمارات لا يوجد فيها مرتفعات جبلية فلذلك استخدمي فقط D4

:)

أبو عبدالملك @user_18068 · 02-09-2005

ماصار شيء .
أهم شيء فهمت وضعية القيادة الصحيحة .