الموتر ماعليه كلام وعندنا واحد ماشي تمااااااااام
الفورد كراون فكتوريا من 2003 وفوق تغير نظام التعليق فيها بحيث صارت ارسى من أول واثقل دركسون واقوى شي بسيط
وتشطيبات بسيطه تغيرت بالسياره بحيث الفل كامل تحكم كامل من الدركسون للمكيف والمسجل وغير كذا السياره ثقيله لكن عزمها بالخط تماااام تمشي مشي حلو ومبروك مقدما
أما الجمس ماعليه كلام ايضا لكنه جرجره
ارجوا اني افدتك تحيات مسار
مونديو_2004 .. الله يهديك أنا أملك مونديو 2003 .. مع اني موضح لك ان السياره للوالد ..
..
ولكن أبشرك الوالد قال بلا كراون فكتوريا بلا سياره سيدان .. قال ماألك الأ تصبر لرمضان الكريم وقت العروض ونزول الأسعار وتاخذ لك داك الموتر السنع الي هو ( سوبر بان 2005 ) .. موتر لك وللزمن
..
تحياتي
BAssAM ss ..
الف شكر لك على النصائح .. والتوضيح .. بس لاتخاف السياره للوالد الله يحفظه المونديو ماشية معي تمام التمام ولا أفكر في بيعها لمدة سنتين لقدام .. تحياتي لك مشرفنا ..
..
دحوومي98
الف شكر لك على الأجابة بكل نقطه عن السياره وترى قوة المحرك مو مهمة لن السياره بتصير عند الوالد ..
..
الرائد ..
وين نطلع من جزاك يالغالي .. بس الوالد ناوي على جديد 2005 وعلى حسب كلام مندوب المبيعات أن التعليق تغير في 2003 ..
..
معروف السياره كل ما صارت خشنة على الطريق والدركسون ثقيل زاد الثبات وقلة الراحة حتى على الطرق المستوية بعكس التعليق الناعم يكون مريح لأخر حد ولكن ينقصه الشيء الكثير من الثبات .. والدركسون حتى لو خفيف مايهم السياره للوالد مو بتاع منعطفات :D أهم شيء الراحة
الوالد الله يحفظه يملك سياره من نوع شفروليه كابريس 94 LTZ السياره بدأت تتعب بشكل كبير بحكم أنها ماشية 338665 الف كيلو ماشاء الموتر من وكالته وكان كد مشاوير يومياً .. ولكن في اخر السنتين له بدأ يخرف .. الوالد قال خليها حق مشاوير خفيفة .. فكر الوالد مع انه مو بتاع مشاويرفي الأصل .. راح شاف أكثر اليبانيات .. ركب المتسوبيشي باجيرو والمتسوبيشي غرانديس والمازدا MPV والكيا كرنفال .. وبعض السيارات السيدان قال : الياباني ممتاز ويخدم ولكن انا ماعندي مشكلة أدفع فلوس صيانة لأجل الأمريكي يقول مقاعد اليابانية ضيقة وفي نفس الوقت خشنة خشنة ..
معدومة الراحة .. ( متعود على كابريس مقاعد تجيب النعاس ) قال : احنا من أولنا مانركب الأ أمريكي خلنا على الأمريكي .. شاف الكابريس الجديد وركبه قال فرق 100% بينه وبين القديم قال مافيه التراث الأمريكي .. راح للفكتوريا ركب الموتر قال هذا أكيد كابريس مكتوب عليه فورد لأنه المقاعد والتصميم البسيط الكلاسيكي من الداخل يوحي بالأصالة الأمريكي |1| ودخل الموتر في البال قال راح نتوكل على الله في رمضان من شأن العروض المقبلة ..
..
تحياتي للجميع وأنتظر الردود :)
أنا عندي قراند ماركيز (أخو الفيكتوريا) موديل 98... السيارة ماشية أكثر من 180 ألف كيلو... وما شاء الله إلى الآن ماسكة نفسها...
في الفحص الدوري للاستمارة السيارة أخذت "اجتياز" في كل الأختبارات... وما فيه أي شي اخذت فيه "كن حذر"....
لكن يعيب السيارة ضعف إنارتها الأمامية... لكن ممكن تلقى حل غير مكلف لهذه المشكلة...
كذلك احس أنها بعض الأحيان لينة وناعمة زيادة عن اللزوم (التعليق لين - الدركسون لين وخفيف).... مما يؤثر على الثبات....
أخوي عنده كرايسلر 300M ... نظام تعليقها قاسي مقارنة بالفورد... ودركسونها أيضاً خشن وقوي... واحس أنها أحيانا (حسب حالة الطريق وحالة الجو) ارسى من الفورد في الخطوط السرعة... لكن ما فيه مقارنة من حيث الراحة والهدوء بالفورد... الفورد أريح بكثير...
والسيارة صحيح أنها ثقيلة نوعاً ما في القومة من 0 - 100 كم في الساعة.... لكن عزمها جيد في الخطوط السريعة... حتى مع وجود أمتعة كثيرة و 5 أشخاص في السيارة... ما احس أن العزم يقل مثل بعض السيارات....
والله الفكتوريا سياره رائعه لخدمه خمس سنوات واكثر وهي مريحه في الخطوط اكثر من غيرها
وتتحمل وتكرف وقطع غيارها معقوله وفخامتها جيده واستهلاكها للبنزين اقتصادي نوعا ما وسعرها مناسب
لكن يعيبها محركها الذي يعد من اضعف المحركات في فئه الثمانيه سلندر
