ادخل وشوف اسعار سيارات انفينيتي بامريكا

الف شكر لكل من رد

في بعض الموديلات متقاربه مثل Q45 والـ QX56

لكن فرق كبير في الإف اكس والجي 35

حلو
كأن الأسعار متقاربة من الي عندنا |1|

شكرا على الموضوع

أخوك أبوأسد|3|

اتوقع اي واحد منكم عاش في امريكا كم سنة وشرى سيارة بيعرف ليش ارخص
تروح ويقولون لن هالسعر بس بعد ما تجلس مع البائع في المعرض يجلس يحسب ويضرب وتصير السيارة ناااااااااااار عندهم شي تعرفونه اسمه ضرائب تاكلك اكل تروح تشتري فورد اصرف يعني لا تتوقعون انا ملعوب علينا الحمد الله ما عندنا شي اسمه ضرائب

للعلم ، الوكيل يشتري السيارة من المصنع رخيصه حيل ((حتى ارخص من اسعارها في بلاد المنشا)) ، وبمواصفات طبعا اقل.

بالنسبه لنقل السياره من امريكا ما تكلف اكثر من 4500 ريال ، وسالفة التامين البحري اول مره اسمع عنها.

اعرف كثير ناس لو بغوا يشترون سيارة يسافرون لبلد المنشا ويشترونها رخيصه كثير.

وحبيت اضيف بالنسبه لــFX45 عندنا بالمعارض 218000 ، يعني شوفو الفرق.

انزين اخوي ليش كل هذه التكاليف الي قلتها صارت على الـFX ليش سعر الـ Q45 ليش مقارب للسعر الي عندنا مع انهم بنفس المواصفات تقريباً في هذه السياره فالمفروض يكون الفرق اكبر من الـ FX واكبر من 37000 ريال سعودي
مثل ماعلى الـ FX مصاريف توصيل كذلك على Q45 مصاريف ايضاً ! فلماذا الفرق في البعض ؟

شلون يصرفهم يبيعون الكيو 2005 بخسارة مصاريف التوصيل؟؟؟؟

واما عن الانظمه الي ناقصه فيالـ FX فهي كثيره والجاي على بالي هو:

نظام الستلايت
دي في دي
نظام الملاحه

اولا تكلف اكثر من 10000 ريال؟؟؟

وللعلم السياره تباع لدينا 169000 ريال تقريباً

ولا تنسى انه بيشتري بكميه تجاريه فالسعر الي يشتري به اقل بعد من كذا

نتكلم عن الـ FX35

خلنا نفرض ان الوكيل ياخذ السياره بسعر 120000 ريال <--- لان السيارات المصدره للخارج لا تاخذ عليها ضريبه

زيد عليها 10000 ريال <--- تامين بحري <--- التامين البحري مرتفع و السبب الاوضاع العالميه

زيد عليها 10000 ريال <--- تكلفه النقل البحري و البري

و زيد عليها الجمارك <--- لا اعلم كم النسبه الجمرك عندكم بس اعتقد انها 2.5% يعني على كل سياره 3000 ريال

و الوكيل يبي يعوض خسارته
عن التامين البحري 10000 و النقل 10000و الجمارك 300 يعني كل سياره بتطلع عليه 156000 ريال و احسب انه بسجل الاستماره و الوح و التامين في حدود 3000 ريال
يعني المجموع 160000 ريال <--- و هذا تقريبا سعر السياره
( ملاحظه الاسعار ليست دقيقه يمكن تكون اكثر او يمكن تكون اقل ! )

و عن الانظمه الناقصه ممكن تقولي شنو هذي الانظمه الي ناقصه ؟؟

خلنا نقول التكاليف والربحيه لكن هل الى حد 37000 ريال على كل سياره وانظمه ناقصه نقدرها على اقل تقدير 10000 ريال يعني فرق اكثر من 47000 ريال

ماادري الى متى بتستمر مهازل الوكلاء

الله يعطيك الف عافيه اخوي نيساني موضوع حلو ومرتب وانيق ,

مشكور أخوي على الموضوع ..

بصراحة موضوع مرتب .. بس ليه الأسعار عندنا مرتفعة مع إنها تفرق في المواصفات فرق السماء و الأرض ..

تحياتي .. محب المنتدى و محبكم ..
.... Octavia 2002 ....

اخوي نيساني

صحيح ان بعض المواصفات مانتزل عندنا مثل نظام الملاحه و الراديو بالستلايت
بس باقي المواصفات مثل الي عندنا بالضبط !

تسلم يالغالي على اسعار الانفنتي الرائعه..........


والصراحه موضوع مرتب تشكر عليه ...

واوافق اخوي LAMBORGHINI في الاسباب اللي ذكرها,,,

بالإضافة الى ان الفرق كبير التقنيه الي عندهم لا تقارن بالي عندنا فالي عندهم مميزاته اكثر من الي عندنا بكثير

اخوي لا تنسى الجمارك / و لا تنسى التامين البحري / و لاتنسى تكلفه التوصيل بالبحر / و لاتنسى ان الوكيل تاجر و يبغي يربح من بيع سياراته !

يعني لو انت بتطلبها من امريكا جديده بتطلع عليك مثل سعر الوكاله !

و صحيح ان الفرق كبير و لكن هذا الواقع و مانقدر نسوي شي !

مشكور اخوي CAM717 وبالنسبة للأسعار هناك فرق كبير على بعض الموديلات

كـ FX35 هنا عندنا 169000 ريال تقريباً وبامريكا 131,660 ريال الفرق شاسع جداً وهو اكثر من 30000 ريال ؟؟؟

والكوبيه عندنا بـ 160000 ريال تقريباً وبأمريكا 122,845 ريال والفرق كبير جداً

وسعر G35 كوبيه القير العادي 125,079 ريال للتعديل فقط لأن بقية الرقم لم يظهر اعلاه ونأسف للخطأ

وتقبل تحياتي الحاره مشرفنا الكريم