الكابريس8سلندر والكابريس6سلندر؟؟؟

[شفروليه]

مساء الخير؛؛ تعرفون ان شركة شفروليه نزّلت السنة الماضية على مااعتقد ولأول مرة الكابريس 6سلندر وأنا للحين ماجربتها بس أسمع عنها تساؤلي لمن يملكها أوجربها هل تختلف من ناحية الأداء والتجاوب عن الكابريس 8سلندر أو ان ادائها وقوتها مشابهة للثمانية سلندر لأني ناوي على كابريس 6سلندرLS فل كامل(ماأدري عن سعرها) ولأن ميزانيتي لاتسمح اني آخذ الثمانية سلندر انصحوني اتوكل وآخذها ولا عندكم راي ثاني لأني صراحة أحب الأداء الرياضيTHANKS..............

[VIPER LoVeR]

ابعد ابعد تره قسم بالله مافيه ريحه اداء رياضي


الشايب عنده ال تي زد 2005 فل كامل


قسم بالله اكورد 4 سلندر ما جبتها الا على ال 200




برغم من اني اعرف شلون انزل القير مضبوط


باختصار الكابرس 6 سلندر وحتى اللومينا 6 سلندر مافيها عزم


تحياتي:محب الفايبر

[كابـــSSـــرس]

8
8


ماجبته الى على 200

والله وانا جاي من الدمام انا ويا راعي اكورد ابيض قسم بالله رحمته

اتعداه وافرمل واذا وصل عند الشنطه دعست ثم فرملت وخليته يروح وبعد مسافة سقطت عليه

ثم طفاء لمبات سيارته ( طبعا الي معي فسروها انها علامة انسحاب لانه هو هدء مره )
طبعا انا الكابرس حقي مايفصل علما بأنه 2004

اما بنسبه للكامري منتهين منها

وبالنسبه للكابرس جدا رائع ومريح في الخط مره مره وصرفيه الثمانية والله ماكنت متوقعها ابدا

يعني يوصلني للدمام وباقي في الربع تقريبا علمني باني مثبت على 180 اوحيانا

اوصل ل230 مثل ماحدث مع راعي الاكورد

وموتري هو 8 سلندر فيكف السته ؟

بس عيبه وبكل امانة العزل شوي تعبان وخصوصا اذا كان الهواء ضدك واعتقد العزل

جميع السيارات الي تحت 100 ماراح تلاقي عزل فيها محترم مثل الالماني والكزس430

وبنسبه للعزم انا معي الكابرس ماشاء الله فزته حلوه مره بس السته ما ادري عنه ؟

مع اني اعرف كم واحد معهم لومينا 6سلندر مرتاحين مره فيها

تحياتي لك

[VIPER LoVeR]

والله يا خوي كلامي مني قاله عن تجربه كابرس واحد


انا سامع من كم واحد معاه كابرس 6 سلندر يقول مافيه عزم


وحتى اللومينا اقسم بالله سيارت 4 سلندر كثيييييييييره تقوم عليها وانا شايف بعيوني




تحياتي:محب الفايبر

[الكويتي17]

مساء الخير؛؛ تعرفون ان شركة شفروليه نزّلت السنة الماضية على مااعتقد ولأول مرة الكابريس 6سلندر وأنا للحين ماجربتها بس أسمع عنها تساؤلي لمن يملكها أوجربها هل تختلف من ناحية الأداء والتجاوب عن الكابريس 8سلندر أو ان ادائها وقوتها مشابهة للثمانية سلندر لأني ناوي على كابريس 6سلندرLS فل كامل(ماأدري عن سعرها) ولأن ميزانيتي لاتسمح اني آخذ الثمانية سلندر انصحوني اتوكل وآخذها ولا عندكم راي ثاني لأني صراحة أحب الأداء الرياضيTHANKS..............

لا تخاف السيارة عزمها ممتاز وأسمع نصيحة مجرب

كان عندي لومينا ls 6 سلندر موديل 2004 طايف فيها سيارات ما تنعد !! (مكسيمات (اوتو) وكامريات والاكورد طبعاً مافي مقياس معاها ههههه (ال 4 سلندر لانه ال6 نادر بالشوارع) , وايضا طايف سيارات 8 سلندر مثل المركيز والكراون وايضا جربت مع جيبات وطفت باثفايندر ملغوم وشوركي وايضا يوكن موديل التسعينات .

يعني باختصار السيارة وحش كل هذا صار وهي بمكينة 205 حصان !!

طبعاً بتسأل "أنت كل شي تطرحه طيب شنو يطوفك ؟"

أنا اقولك

طافتني لومينا ls موديل 2005 وكابريس 6 سلندر أيضاً موديل 2005


ومن بعدها صرت ارتجف كل ما مر جنبي لومينا ولا كابريس 2005 لأنه فيها عزم مو طبيعي ...

ولهذا وقبل اسبوعين ونص طلعتلي لومينا S ولله الحمد (للحين هي في طور التمرين) ومبدئياً اقولك السيارة صاروخ


فاتوكل على الله وخذ الكابريس 6 سلندر 2005 لانه مكينتها عذاااب فعلاً...... وللمعلومية قوتها 230 حصان (235 حسب موقع هولدن)


ومبرووووووووووك مقدماً ولا تعطي هم لكلام الحاقدين على الشفر المنتشرين بكثرة في قسم السيارات الامريكية

[صاحب المعالي]

طيب .. عندي سؤال ياليت تجاوبوني عليه ...

وش الفرق بين الكابريس الفل LTZ V6 والكابريس الفل LTZ V8 كلهم موديل 2006 ?? غير المكينة طبعا ..

يعني اقصد بالمواصفات والراحة وغيره ..

.
.

وانا بصراحة لو خيروني بين V6 و V8 وكلهم نفس الواصفات >>> كان اخترت V6 اوفر للبنزين ..

>>>>>>>> معه لومينا SS حاليا

ومشكورين على كل حال ..

[شفروليه]

أشكر الأخوان:
1-VIPER LOVE R
2-كابريس SS
3-الكويتي 17
4-صاحب المعالي
على مشاركتهم موضوعي وننتظر المزيد

[GoldMan]

يا هلا فيك أخوي شفروليه ,,انا قاعد اتفرج على المواضيع ولقيت موضوعك قلنا نرد عليه
انا عندي كابريس 2004 LTZ V6 للأسف صراحة لأنه من ناحية العزم من جنبها 204 حصان بس ,, والله اني ما احاول اتحرش
بالسيارات لا يفشلنا بعدين ,,,هههههه
واذا تبي اداء رياضي خذ لك 8 سلندر وشوف مكينة البوينج وش تسوي اما السته ما عليك منه اذا 2004 اما اذا 2005 فيمكن لأن المكينه بكاملها تغير المحرك الجديد ALLOYTIC 3.6 والعزم 320 نيوتن على 2800 دورة بالدقية لأاحظ العزم على دورات منخفضة
وهذا يعطي السيارة استجابة قويه ,,


من رأي الشخصي اذا بتاخذ 6 سلندر 2004 ما انصحك فيه اما 2005 فاعتقد افضل بمراحل من 2004
لكن من ناحية السواقة فترى 6 سلندر انعم شوي في السواقة والمكيف ابرد لأن الكمبروسر نفس اللومينا ,,,

لأكن ما دري عن القير والدفرنش ترى الستة مهو زي الثمانية ,,
وشي اخير ترى الثمانية اريح من السته وانا مجرب الأثنين لأن الثمانية اثقل بعدين اعتقد الدفرنش يختلف عشان كذا تلاحظ
الثمانيه اريح شوي من السته هذا الكلام على 2004 لأني مجربة

واي سؤال حاضرين وآسفين على الأطالة