الدينالي اليوكون كيفه بالبر شنب ولا ؟؟؟

ياهلا فيك اخوي يوكون دينالي..

والله يعطيك خير السياره ويكفيك شرها يارب...

وبالنسبه للحنه او الصوت اللي تسمعه انا عندي نفس الشي..

يوم ارفع رجلي عن دواسة البنزين اسمع الصوت واحس كانه جاي من الكفر الامامي.. انا شخصيا اعتقد انه بسبب الدفع الرباعي الدائم وفي البدايه كان شوي يضايقني.. بس الان تعودت عليه..

الصراحه.. الدينالي سياره مافي اخوها.. كل تجربه تمر علي تزيد قناعتي فيه.. وتزيد اعجابي فيه..

الاسبوع اللي فات.. طلعت فيه مناطق وعره وشبه صخريه.. وتعمدت اتسلق فيه من اماكن ماطبها موتر وبأقل سرعه ممكنه.. والله العظيم ان اكثر مااحب فيه انه يطلع على اقل من مهله.. ولا تفحيط ولا اي صعوبه في الطلوع..

هو صحيح مافيه اقفال تفاضليه.. بس في نظام توجيه قوة المحرك للكفر اللي بحاجه للقوه.. وكذلك ايقاف الكفر اللي يدور بلا فايده بإستخدام المكابح.. يعني نفس وظيفة القفل التفاضلي..

ان شاء الله بتجيني الفرصه لإختباره في حالات التثليث.. والظروف المشابهه لها..

جربت اقيس تسارعه من صفر الى 100 بإستخدام ساعه ايقاف بالجوال ومره ثانيه بإستخدام ساعه الايقاف اللي في السياره نفسها وفي المرتين كان الزمن مايتجاوز 7 ثوان..

وجربت اشوف السرعه القصوى واذا كان فيه قفل الكتروني.. الصراحه وصلت لسرعه 190 وبعده ماقفل.. وانا اعتبر 160 اكثر من كافيه وتهور بعد..

ياريت ياخوي نتبادل الخبرات حول الموتر.. لكي نفيد ونستفيد..

تحياتي لك