وش رايكم بـ: أكورد , كابرس LTZ , ألتيما
الاكورد سياره قويه ونعم فيها ولا احد يقدر يقول لها اي كلمة لا سيما 4 سلندر
لاكن عيب الهوندا القطع الغيار والله غالي بشكل خرافي يعني لا قدر الله جاك حادث لا قدر الله وان شاء الله يبعدك عن الحوادث بتكون التكلفه غاليه
بالنسبة للألتيما ابعــــــــــد عنها غاليه على غير سنع وقطع غيار النيسان غالي بعد وشبابيه اكثر وتجربة دادسن في البنزين يصرف بقوه
انصحك بكابرس او لومينا ltz فل ابشن قطع غيارها واقعي وقوي والدليل ماخذينه الدوريات وصرفيته واقعيه ومريح ودفع خلفي اقوى رساوه وفخمه وسعرها حلو
بس يبي لك تعتني فيها عشان يطول عمرها
وترا فيه ميزة حلوه بالكابرس واللومينا فيها تكييف خلفي :) يعني مستقبلا اذا تزوجت وجوك عيال ما يحترون ورا :)
لاكن القرار النهائي
ان كانك عادي الوضع مع قطع الغيار يعني بإمكانك تدفع الآلف لو خرب لا قدر الله فخذ الأكـــــــــــورد
ان كانك لا ما تبي يبهذلك قطع الغيار خذ الكـــابرس ltz او لومينا ltz
