هل تنصحوني بلومينا SS

أعزانسان @user_17279 · 14-03-2005

لاصحاب اللومينا ..
وخاصة الــ SS

السلام علكيم ورحمة الله وبركاته ..
بعد السلام ،،
اخواني اعضاء المنتدى قد قرت ان اشتري السيارة الجبارة موديل 2003 -2004 كوبية Or سيدان ..
جديدة او مستعمل ..كلها احتمالات ..
لكن كل ماسألت واحد يقول مافي وسال امان ..
ووسالها ضعيفة ولاتقارن بالسيارات الآخرى من وسائل الامان ..
وانها غير موجودة في امريكا وان وجدت لاتوجد الا قليل ..
فما رايكم في هذا الكلام اقنعوني ..
وتأكدوا السرعه مهمه لدي لكن ماهي الاهمية الي تخليني اضحي بحياتي ..:)
اخوكم اعز انسان ..

أعزانسان @user_17279 صاحب الموضوع · 18-03-2005

اعذروني ع التأخير
نسيت اكتبها في الرد السابق ..
اخواني كنت مسافر من يوم الثلاثاء ..
ورجعت اليوم الجمعة واعذروني مرة آخرى ..

أعزانسان @user_17279 صاحب الموضوع · 18-03-2005

مشكووورين حبايبي ..
الزاحف الدولي : الله يعوظك و حمد الله ع السلامة
المهنا بيك .. عاجبني اسلوبك ..
الصقار .. ليه ماسلمت عليه وانت تعرفه :@
TSS مشكووور حبيبي واكيد الواحد يهتم فيها .. وعلى فكرة قد رحت لوكاله هونداي قد شفت سيارتك ..

blue chevy @user_10595 · 15-03-2005

نسيت اقولك ان عيبها من البريكات تخلص بسرعه
يعني كل 6 شهور
مادري اذا 2005 غير
وبالنسبه للقير لاتهمل الدهن يعني 25 الف غيرها مع الفلتر

موفق

lkl @user_17858 · 15-03-2005

اللومينا سيارة حلوة وانا معاي ال تي زد موديل 2003 الحمدلله ماعانيت فيها من مشاكل بس حسب علمي ان ال6 سلندر اثبت من الاس اس

ومن ناحية انك اذا لفيت الدركسون تحس ان السيارة بتحذف هذا شي صحيح ماعليه خلاف لاكن السؤال هنا هل السيارة تحذف اذا لفيت ؟؟

انا مني واحد جربت اعكس الطارة بقوة في السرعات العالية احس ان السيارة بتحذف لاكن ماااااتتحرك من محلها اببببد

مع العلم اني هاوي سرعة ومطارحات

وسلامتكم

TSS @user_5129 · 15-03-2005

الومينا 2005 فيها وسائل الامان القياسيه موجوده في اي سياره اخرى ايرباق ونظام فرامل جيد جدا
انا طلعت وحده والحمدالله ماشفت منها الا الخير ..بس يبغالها معامله خاصه واهتمام واي سياره لو تهملها راح تخرب وتعبك.
كثرت حوادث الومينا والسبب انها سياره سرعه والاغلبيه يسرعون فيها ويقاومون والمقاومات تعدم الكفرات فيمشي
بطريق سريع الا الكفر منفجر وعاد صعبه يسمكها الا من رحم ربي.

لكن سياره روعه ..اذا كنت تحب السرعه والمقاومات على اقل شي تغير كفراتك كل 6 شهور لان اغلبيه الحوادث من الكفرات,

بالتوفيق.

شخاط @user_15906 · 15-03-2005

حتى أنا بعد لفيت الدركسون بسرعة على سرعة 150 كلم صحيح انك حسيت بالزحفة حقتها لكنها بسيطة لدرجة ان الرديف والي ورى ما حسوا فيها بس السواق الي هو أنا حسيت

المهنا بيك @user_16176 · 15-03-2005

الزاحف الدولي
غريبه والله
انا ماشي فيها مره 140 ولفيت الدركسون بقوه ولا زحفت ولا هجت :) شكل موترك فيه خلل فني

ثاني شئ
لا تسأل اي شخص نصيحه اسئل فقط اللي معه لومينا :) وانا معي لومينا وعسل

المهنا بيك @user_16176 · 15-03-2005

اللومينا سياره شبابيه 100 % بحته مره
واي شاب سعودي خليجي يتمناها :)
بالنسبة للومينا اس اس ما عليها كلام
وبالنسبة انها مو موجوده بأمريكا لانها مصممة للخليج
احصنتها توصل 350 حصان
5,7 cc
دفع خلفي يعني بأذن الله ما فيه اي زحف
نظام عدم الانزلاق
نظام abs
وانظمة امااااااان قويه
وكمبيوتر قوي قوي قوي قوي قوي
ان كانك تبي تشتري لومينا قابلني بالرياض اعطيك كتلوج اقراه يا شيخ والله بتنهبل بالمميزات اللي فيها
تخيل اذا اللمبه قل نورها يعلمك لازم تغير نورك الخلفي او الامامي :)
عازل قوي مره
يا شيخ اشترها لا اشوتك :) هههههههههههههههههههههههه

كابـــSSـــرس @user_6060 · 15-03-2005

توكل على الله

سياره جدا رائع وشكلها راهابي جدا

يعني الكل يتحرمها

تحياتي لك

الزاحف الدولي @user_13468 · 15-03-2005

هلا وغلا أخوي .....

والله هذا أنا قدااااامك شريت لومينا 2005 SS وصار علي حادث وضربت في عمود كهرب

وأنقسمت نصفييين ... لاكن الحمد لله طلعت سالم ... بــنسبة حياة 1 % ... لاكن السيارة ما يحتاج

لاكن لو تمشي 140 وتبي تتحكم ..... في مواقف إذا قدرت تعال كلمني

ـخوك الزاحف الدولي

راعي الكراون @user_5039 · 15-03-2005

اللومينا سياره ماتحتاج
بس مشكلتها الرسااااااوه رساوتها سيئه جدآ و اقل من سيارات فئتها هذا مو كلامي هذا كلام واحد معاه لومينا اس اس وقلي هيا بنفسه

SaDSmiLe @user_15904 · 15-03-2005

و الله لومينا سياره حلوه مره و انا ما اتوقع ان ما فيها وسائل امان

و الي يقول لك الكلام اكيد منقهر منها

و مثل ما قال لك اخوي التيما 4 ايفر لا تهملها و و تمشي معك زي العسل

و كل سياره اذا هملتها تخرب معاك و لا تعمر

و انا اقول لك من الان اختيار موفق و لو كانت 2005 كان احسن و احسن

انا افكر ابدل سيارتي من 2004 ب 2005

الـصـقـار @user_12505 · 15-03-2005

موتر حلو

الا وش صار على الكوبيه الهونداي

افا سحبت عليها

الا سلم لي على اخوك شفته اليوم بالقياس خخخخخخخخخخخخخخخخ

blue chevy @user_10595 · 15-03-2005

كلام الشباب على العين والراس
وهذي إلي تنزل بأمريكا

ادخل هالموقع
http://www.pontiac.com/gto/index.jsp?cmp=gtocom

انا عندي كابريس اس اس واي سؤال انا حاضر
واسمع كلام الناس إلي عندهم اس اس

Altima4ever @user_17589 · 15-03-2005

كثير يتكلمون علي الومينا والامان وكلام كثير

بس لو تريد تتأكد اسأل اصحابها

انا واحد من ربعي عنده لومينا اس اس 2003 سيدان يقول ماشيه زي العسل بس لاتهملها ولا بتهملك

وبالتوفيق

Caprice @user_9992 · 14-03-2005

وانها غير موجودة في امريكا

وش اللي ميب في امريكا
عاد الكوبيه بالذات هي اللي نازلة بامريكا لكن باسم بونتياك gto بدون اي تغيير عن مواصفات الخليج اللهم المكينة غيروها عندهم واصلا ماتفرق في الجودة

شف حبيبي
انا تاكدت مليون بالمية ان اللي يسب باللومينا ماقد جربها او انه منقهر ماقدر يشتريها وقال خلني اخرب على الباقين ولايشترون

الكوبيه ارسى من السيدان لانها ببساطة اثقل وزن ومهيئة للاداء الرياضي بشكل افضل

من ناحية الرساوة قووووية
كثار مرة انفقعت عليهم الكفرات (ومنهم اعضاء بالمنتدى) وعلى سرعات عالية ولاحسو حتى بالصوت

ومن ناحية العملية فهي من افضل مايكون وقطع غيارها متوفرة بكل مكان وباسعار حلوة
وانت رح للوكالة وجربها عشان يرتاح بالك