استفسار عن الكزس 470 LX

والله غريبه ... اجل شكل خالك ماخذه من تالي ... او ان الفتره يوم اسالهم كان عليه خصم .... لانه كان الفل مع مراتب البي ام بـ250 الف وبدون تقسيط .....

بالنسبه للكاميرا هي تجي مع طراز فوج ... وتختلف عن باقي الكاميرات لانها متحركه ولها قاعده وتكشف لك كل الي حولك حتى الجوانب وتقدر تتحكم فيها ...

اما عن القيمة بعد الشراء هذي عاد مافيها كلام ..معروف اللكزس شيك بيد الواحد ... عشان كذا الرجال الي اقولك كل الرانجات الي عنده ماباعهن ..قال استفيد منهن ابرك خصوصا انه كارفهن بمزرعته :D

والوكاله يوم اروح لهم قلت لهم اني مالك لكزس واني شراي ..بس مع ذلك تاسف .... لكن بروح لهم ثانيه واشوف وش سالفتهم واذا ماصار شي ارسلتلك على الخاص ... :)

انا خالي مطلع موديل 2004 فل كامل مراتب بي ام ب 285 الف بعد الخصم :)

وبالنسبه للكمرا يا ليت توضح لي طريقة عملها لاني اشوف كمرة اللكزس الافضل ( تقيس لك المسافات بين العوائق وتغير لون العائق اذا كنت متجه له)

وبالنسبه للرانج ما عليه كلام بس وانا اخوك 300 الف مو بسيطه واخرتها ما يجيب لك 100 الف بعد كم سنه

اما الدي في دي فالظاهر اني بروح اتفاهم معهم انا <-- وش عنده العصبي
شف دام معكم لكزس رح للمهندس حقك وقل له ابغى ولا رسم ورح لهم وعلى انك بتشتري الموتر وقل ما عندكم كتلوجات ولا فديو عنها طبعا خل صوتك خشن شوي عشان تصير طال عمرك لوووووووووووول وصدقني بتطلع الديفيديات من تحت الارض
واذا ما نجحت هالخطه فمالك الا اني اعطيك هاللي عندي بس انت قل لي وينك في اي حي

في انتظار ردك على الخاص

هلا اخوي Nick

مادري انا اي موديل رانج تقصد بالنسبه للسعر 290 ؟

ان كان سعره ارتفع بدون سبب فهذي مشكله ....

انا اتكلم عن 2004 تقريبا قبل 4 اشهر ... مواصفات كامله وبـ250 الف ريال اما الي اقل اذكر انه اقل يمكن تقريبا بثلاثين الف او اكثر ..

ومريتهم كم مره ونفس الشي والي سالتهم عندك واحد سعودي ماذكر اسمه والثاني سوري اسمه حزم صلاحيه على ماعتقد ... الوكاله في امام لكزس ....

اما الجديد صراحه مميزاته قويه وترى حتى الكاميرا الي فيه جديده ومبتكره .. وهي اول مرة تستخدم في السيارات كاميرا مثل هالنوع .... وفي رأيي انا ان السعر جدا مناسب ... .

ثم على طاري وكالة لكزس :D

ياخي رحت لهم باخذ الـ DVD جحدوا وقالوا اصلا ماعندنا ولا حتى كتالوج ؟؟؟؟؟؟

لوول
لا ما تكلمت بس اوضح الامور من بدايتها

اما سعر الرانج 2004 فهو 290 الف تقريبا للفل كامل اللي يجي مراتب بي ام

اما العادي ب 255 لاني كنت اسأل عنه هذيك الفتره وتحطمت صراحه من مواصفاته القليله ذاك الوقت على سياره مثله

اما الكمرا انا ما ذكرتها بوجه خصوص لكن قلت نفس الاشياء اللي وضعتها لكزس في جيبها
شاشة لمس وكمرا وبلوتوث وبنفس القنية المستخدمه

والرانج الحالي 2005 ما عليه كلام لكن 300 الف كثيره عليه والله وعلى باقي الجيوب اللي بهالسعر

طيب انا الحين تكلمت :D ؟

انا واضعها للعضو اصلا ليستفيد ,, ولا قصدت الردود

وعلى فكره الرانج 2004 سعره 250 الف مع مراتب البي أم .....

وبالنسبه للكاميرا الخلفيه مستخدمه من زمان ماعتقد انها خاصه بجيب اللكزس :)

وعلى العموم سواء الشخص معه جيب لكزس او رانج مو خسران لانه معه سيارة يعتمد عليها وتكون له ولعياله ولاحفاده بعد :D

هذا الموضوع كان قبل ما ينزل الرانج الجديد :) نتكلم عن 2004

مو 2005 اللي صار من جوا جيب لكزس (شاشة باللمس وبلوتوث وكمرا خلفيه) وزيادات اكثر

عموما الله يوفق اي شخص بيشتري اي سياره

http://www.assayyarat.com/forums/showthread.php?t=57743

:)

لا والله اخوي ما عندي صور

لكن عندي معلومات مأخوذه من منتديات لكزس واذا لغتك كويسه ادخل واقرا
www.clublexus.com

والموقع ما يتعارض مع قوانين المنتدى لانه مدعوم من شركة لكزس

وشكرا

8
8
8
8

عندك صور او معلومات عن اللكزس الجديد

او متى بينزل ؟

اخوي رح مر عبدالطيف جميل وقل له بجرب السيارتين عشان اشوف الفرق طبعا اقصد الفي اكس ار وجيب اللكزس

وانت بتعرف وش الفرق بينهم

اما الفرق في الرنج فيكون في الجنوط والمراتب الاماميه تجي مراتب بي ام وبعض الاشياء العاديه

بس بالله عليك 300 الف في سياره مافيها نظام ملاحه ولا بصمه ولا مكيف خلفي ولا اي شي مميز من الداخل مجرد شكل خارجي مو مبالغ فيها جدا؟

واذا الدعوه على الاسعار فمافيه سياره في السعوديه تستاهل سعرها اذا جينا للواقع والاماني ما يستاهل اكثر من اللكزس وسعره عندنا اغلى من برى بكثيررررررررررررررررررر
اجل الاودي a8 l 4.2 فل اوبشن عندنا ب 340 الف وفي امريكا ب 270 الف؟ شف الفرق المجنون وكل السيارات الباقيه نفس هالحاله

مافيه الا سياره وحده بس تستاهل سعرها

السكودا سوبريب مدري وش اسمها المهم افخم انواع السكودا هي الوحيده اللي اشوفها تستاهل سعرها وبقوووه

وبالنسب لتطليعت جيب اللكزس انتظر لانه بيتغير قريب واهم عنصر عندك وهو القوه يتوقع انه بيكون خرافي

وشكرا

اخوووي nick

انا معاك تماما في موضوع الجيب اللكزس انه فخم وانه من اقل الجيوب اعطال وهذي الاخيرة وحدها تكفي .

بس المشكلة سعره اللي مبالغ فيه جداجدا 210 او 220 الف حقه بالكثييير ليش هالغلا كله؟ وش الفرق بين وبين الفي اكس ار؟؟

وبعدين الرنج روفر سيارة مشهورة من ايام جدي وجدك ومايبيلها كلام هذا اولا .

ثانيا : سعر الرنج مو 300 الف في نوع HSEوهو الفخم طبعا سعره 270 الف وسعر SEتقريبا 235 الف ومايفرق عن الاول الا في

نوع الجلد المستخدم بس والجنوط مقاس 18 بسسس وبعدين في نوع اسمه vouge هذا افخم رنج على االاطلاق ومدري صراحة سعره كم ؟

على العموم انا افكر اني اطلع جيب لكزس بس مو هالسعر يعني يكون معقول .

وسلامتكم .

انصحك لا تستعجل

الشكل بيتغير قريب

8
8
8
صح كلامك

^
^

مشكلتك ما تدري عنه شي وتتكلم

يا عزيزي افخم موتر في فئته هو واللي عنده غير هالكلام يثبت لي

وشو الرانج روفر وش فيه بالله عليكم؟ اذا حتى نظام ملاحه مافيه وعزم فاشل وفوق كذا 300 الف عشان منظر بس
والكاين نفس الحكايه مكينه واسمه بورش وحطوه بقيمة هبال

يا اخوان اللي بيتفلسف يمر الوكالات ويشوف لاني اعرف شخص جلس يدور على سيارة دفع رباعي فخم وانصدم بالرانج والكاين
مبالغ جداا في اسعارهم وبمواصفات ما تستحق هالاسعار

عموما انا اشوف انك تنتظر لان شكله الجديد ما بقي عليه شي كانك ما بعد شريت

والله يوفقك

عموما عيب جيب اللكزس انه بيتغير قريب

وش ذا الهبال
والله الموتر مافيه اي زود
شكل قديييييم وراحت هيبته مرة
وعزم طايح وفخامة هي الاقل في فئتها

زي ماقالو الشباب
خذ رانج روفر والا بورش كايينs
ولايهون الانفنتي qx 56

الله واكبر سعره صار بـ 270 الف وش ذا الجنوووون ؟؟

اشتري لي رنج روفر اتش اس اي افخم نوع اطلق لي منه .

عبداللطيف جميل صراحة مهو بصاحي هالايام اذا الجي اس 430 قيمتها 220 الف خخخخخخخخخخخخخخ.

عنداليحيى 235000ريال

أخوي قد رحت لوكالة عبداللطيف جميل بالرياض ويقول سعرة 270 ألف ريال سعودي طبعا هذا الكلام من شهرين على الأقل لموديل 2005 عاد مدري غلاهه أو رخصة بس معروف أبوجميل ما يعرف إلا رفع السعر