ريحة في مكيف الاكورد واستفسار خاص لاصحاب الاكورد

المفجر @user_14786 · 24-10-2004

السلام عليكم

الصيف اللي طاف زرت الرياض وقدر الله اني اغسل السيارة في احد المغاسل ( الله لايبارك فيهم ) المهم بعد الغسيل اضافوا spray داخل السيارة وبعد يومين تقريبا بدت ريحة خايسة تطلع اول مااشغل المكيف نظفت السيارة اكثر من مرة وغسلت الماكينة بخار وطيبت السيارة يعني ماخليت شي في النهاية وديتها للوكالة قالوا المشكلة في مادة spray المهم قلت الحل قالوا انك تروح لمركز الخدمة الرئيسي ويغيرون لك فلتر المكيف بعدها رحت للرئيسي قالوا اصلا الاكورد مافيها فلتر مكيف

والله الحين يااخواني متوهق فياليت اللي عنده علم لايبخل علينا مع العلم ان موديل السيارة 2004

-------------------

بالنسبة لاصحاب الاكورد مايزعجكم جرس الـ 120 لاني اعتقد انه مزعج بدرجة غير طبيعية ويسبب لي صداع وقلق ماادري عنكم نفس الشعور والا انا ابالغ

us2s2u @user_4553 · 22-02-2005

السلا م عليكم

بالنسبه للريحه صح فيه ريحه بس شي خفيف ويروح مايستاهل واللي اشوف انكم مكبرين الموضو ع

وصوت الجرس الحزام شوي مقلق بس معا التعود يصير عادي

يوسف 900 @user_8610 · 21-02-2005

يا شباب الريحة تجي من التدخين داخل السيارة وهذا سببها ريحة التبغ تعلق في المكيفة

جرب الطريقة هذي

1- شغل المكيف
2- اطفى زر تكرار الهواء
3- افتح الشبابيك
4- امشى في سرعة 100-120 وخل الشبابيك مفتوحة لمدة 10 دقايق او ربع ساعة
5-شغل تكرار الهواء
6-اغلق الشبابيك

وان شاء الله تروح الريحة

ودائما استعملوا معطرات الجو الي تتمتص راحة التبغ

وشكرا

arab sniper @user_16423 · 21-02-2005

أنا مع الأخ مستر نت

روح لمحل تلميع وصيانة وتنظيف مكيف

**الأكوردي** @user_5924 · 20-02-2005

غريب كلام الوكالة

المفروض يشيلوا الريحة بأي طريقة واضن لو غيروا الفريون وتم تنظيف مجرى الهواء تروح الريحة روح الوكالة وشوف

مسترنت @user_16834 · 13-01-2005

يا اخي بلنسبة للريحة الي تطلع مع المكيف هذي ممكن تعالجها عند محلات التلميع الكبيرة وما تكلف كثير
مثلا هنا في جدة فيه مركز تلميع اسمه الميرابي لتلميع السيارات في شارع الستين انا شفت عندهم اعلان يعالجو هذي الريحة ويتظفو المكيف من البكتيريا (على قولتهم ) وما ياخذ وقت خلال نص ساعة فقط
وشكرا

أكـ v4 ـورد @user_13397 · 08-11-2004

والله هذي مشكلة شوف روح للوكالة وأجلس على راسهم

أنا الحمدلله ماحصلت لي أي مشكلة في التكييف

تحياااااتي...

V6 Coupe @user_10828 · 08-11-2004

بعد السلام ...

والله يا شباب أنا عندي نفس الريحة ،، تقووول ككللبب ومات جوة في المكيف,؟؟!!!

وربي رييييحة لا تطااااق، حتى بعد ما تمشي .. من زمان لما كان يطلع معي احد في السيارة يقللي إيش الريحة الهبلة إلي في السيارة.؟؟؟ ما كنت أعرف إنها نفس ريحة المكيف ....

تكفا شباب إلي عنده حل لا يبخل علينا....

AF @user_15175 · 28-10-2004

الحل سلمك الله رح للي حطلك الماده هاذي واستلم شغلك معه

الـصـقـار @user_12505 · 27-10-2004

بالنسبه لريحه المكيف انا عندي بس اول ما اشغله شوي وتروح ....

وش الحل ؟؟

ACC-V6 @user_11861 · 24-10-2004

بالنسبة للريحة
فك الدرج ونظف الفلتر اللي في الدرج(صندوق القفازات)
وتلقا توضيح في دليل السيارة

بعد التنظيف
حط شي ريحته حلوة في السيارة
ولاتجعل الهواءء يدخل من الخارج
خل الهواء داخل السيارة فقط عشان تثبت الريحة الجديدة

صوت الجرس
لو افصله مااعيش
صحيح بيكون اهداء
لكنه مسلي ومتعود على الجرس من اول مرة سقت فيها فيها حياتي

لكن اللي لايطاق جرس الحزام |423|

Accord V6 @user_9634 · 24-10-2004

في حل ما ادري هل بيصلح معك وإلا لا

أفتح الهواية وأفتح القزاز وامشي على خط 120 وخل كل الدرايش مفتوحه وإنشاء الله تروح الريحه

وبنفس فتحات المكيف رش عطر

هذا مجرد إقتراح

وإنشاء الله تروح الريحه

تحياتي

المفجر @user_14786 صاحب الموضوع · 24-10-2004

هلا بك يالاكوردي

بالنسبة لمركز الخدمة الرئيسي قالوا لي الحل الوحيد انك تفتح ابواب السيارة في الشمس لمدة ساعتين خليتها ثلاث ساعات وماصار شي

اعتقد إنه يبغالها مجرد تنظيف للفلتر لا أكثر

طيب اخوي الوكالة يقولون الاكورد مافيها فلتر والله ماادري عن هالوكالة

و من ناحية الصوت تقدر تفصل السلك حقه بكل سهولة ..

اي سلك تكفى ياخوك انقذنا ابي الفكة من هالصوت ( هههههههههه )

تقبل تحياتي واحترامي لك اخوي الاكوردي

V6 الأكوردي V6 @user_15380 · 24-10-2004

هلا بيك اخوي ..

انته روح لمركز الخدمة الرئيسي و استفسر عن أحد المندوبين و قوله ايش الحل بالضبط ؟!؟

انا اعتقد إنه يبغالها مجرد تنظيف للفلتر لا أكثر ..

و بالنسبة للصوت انا من وجهة نظري ما أنصحك تزيد كثير عن ال120 ، و من ناحية الصوت تقدر تفصل السلك حقه بكل سهولة ..

و أي خدمة يا غالي تحت أمرك ..