فين ممكن احصل خدمة تلميع الماكينة

تصدق انك :D تقرى افكاري
انا شفت هالدعايه يوم ينضفون فيها قارب صيد وقلت شكلي راح اطلب الجهاز بس اذا سعره 500 ريال هونا

ومحل التلميع لابد منه عشان تلميع البودي ولا الداخليه مقدور عليها ..

بس بالفعل تجربتك ممتازة وكنت ناوي اجربها ووفرت علي المجهود الله يجزاك خير

سلامي

انا ملمع سيارتي تلميع شامل في الميل الاحمر وممتازين انصحك تسوي البرنامج عندنهم لاني بسويه

اخوي المارودر 2004 .. ترى التنظيف بالبخـار يؤثر على الربلات والقطع البلاستيكية أيضـاً .. أغلب مراكز التلميـع بدولة الإمـارات تركت هذه الطريقة في التليمـع بعد ثبوت فشلهـا الذريـع وتسببهـا بمشاكل طويلة مـع عملائهم .. أمـا شركات التسويق ( إنتروود وغيرهـا من شركات التسويق الأمريكية ) اللي تعتمد على الإبهـار والتسـارع في طرح مميزات الصنف على شكل إعلان تلفزيوني فهذي طريقة نصبهم الفخ للزبون .. على العموم دامك دافع مبلغ محترم على مثل هالمكنسة .. خلهـا لإستخدام البيت .. وانا اليوم بجيبلك أنت وأخونـا camSHAFT البديل الأمثل والأحسن .. تحياتي

في طريقه حلوه
وراح تضحكون علي لو اقولها
بس مو مشكله
طبعا كنت اتابع قناة اي ون هوم شوب a1 homeshop
حقت الدعايات وجابو جهاز تنضيف للمنازل اسمه ستيم ماكس قيمته490ريال
طبعا تتصل عليهم وتطلبه ويجيك المندوب بنفس اليوم
طبعا الجهاز عباره عن منضف بالبخار
تعبيها مويه وتنضف لك كل شي بالبخار وحجمها صغير
طلبت الجهاز
المهم فكرت اسويها بسيارتي
فكيت الكبوت ونضفت المكينه ونضفت كل شي حولها والزيوت اللي عليها
ومسحتها بمنشفه ورجعت زي الوكاله ولانقطة غبار ولا نقطة زيت
ونضفت السياره من الداخل فيها ونضفتتها بنفس الجهاز
حتى الغبار اللي على فتحات المكيف راح تماما

وافضل شي بالطريقه انها متى مابغيت تلمع تلمعها انت على كيفك وبأي وقت تبي
ومجانا
فقط تشتري الجهاز وخلاص
بدال ماتدفع قيمته بالتلميع تدفعها بالجهاز

اهم شي لاتضحكون على تجربتي


تقبل مروري

مثل مـاقال اخونـا first2002 الديزل يعدم الجلب والربلات .. نصيحتي فيه ملمـع خاص للمكينة ( وهو بالأساس مزيل صدأ ) يبـاع بساكو .. هذا سلمك الله اول شي تجيب خرقه عادية وتمسح المكينة بيدك الكريمـة .. تزيل الشحوم والأتربة .. ثم ترش هالعلبة ( بس على شرط المكينة تكون باردة وطافية ) .. وبتصير لك المكينة كنهـا وكالة .. وبنفس الوقت مافيه منهـا ضرر .. ابجيب صورة العلبة وابحطهـا هنا .. مـع تحياتي

انتبة من الديزل ونا اخوك ترى يعدم الجلد والوايرات والبلاستك

السلام عليكم .................. انا جربت التلميع في كذا محل بس فية محل ممتاز لمعت فية سيارتي وسيارات اخوياي وشغلهم ممتاز ومايستخدمون ديزل في تنظيف المكينة بس هذا المحل في الرياض مادري كانك في الرياض ولا لا على االعموم اسم المحل الميل الاحمر للعناية بالسيارة طريق الملك عبدالعزيز حي المروج في محطة لتر.

تبغى تلمع المكينه وتصير مثل الوكالة

مالك إلا محلات التلميع الساطع ودها وقلهم يلمعون المكينة


وراح تصير جديدة




تحياتي

عند اي مغسلة قله يلمع المكينة بالديزل... بعد ماتغسلها السيارة بيطلع منها دخان عشان الحرارة والديزل بس عادي.. تمشي بها ساعة وتروح