قناة السيارات
السلام عليكم
الجميع يتفق على ان ما يعيب السوبارو ليجاسي هو غلاء سعر قطع غياره
ولكني لا اعلم هل هي كثيرة المشاكل و الخرابات ام لا ؟
فمن لديه اي معلومة من هذه الناحية(كثيرة المشاكل و الخرابات ام لا ) يفيدني بذلك.
سوبارو ليجاسي سيدان
2000 او 2001
و من لديه ايضا خبره في اسعاره بالمعارض يقول .
من ليس لديه خبرة يلزم الصمت
مع تحيات ابوعلي
السلام عليكم
حياك الله يا أخ HUSSAi
انا واحد من مالكين سوربارو موديل 98 وبما انك ذكرت واحد من أهم عيوب السوبارو وهي غلاء قطع الغيار ضيف لها
عدم توفرها بالكميات الكبيرة حتى من قبل الوكيل نفسه تخيل ابي اشتري اصطب ايمن للسوبارو انتظرت اسبوع حتى وصل من اليابان والمشكلة الكبيرة في السوبارو هو وكيلها بالبيد الله (...........) وقوة السيارة الضعيفة والمكيف التعبان لو تحطه على اعلى درجة مايبرد فقط هذي العيوب . لكن من ناحية اخرى السيارة في الكثير من الميزات اللي تغطي على عيوبها وهي اانها سيارة عملية من الدرجة الأولىوقليلة الأعطال بشكل كبير ورساوتها في في الخط تقدر تقول 10 على 10 وااقتصادية في البنزين ومن ناحية السعر ترى السيارة ما تجيب قيمة انا بعت سوبارو امبريزا موديل 2001 فل كامل جديدة 30000 ريال وهي قيمتها من الوكالة 53000 شفت الفرق .
آخر الكلام انصحك بأن لا تستعجل في قرارك ودور على مهلك وانشالله اكون قد افدتك ونأسف اذا كان فيه أي اطالة في الكلام
أخوك عاشق الطعوس
عاشق الطعوس
تسلم على الرد في البداية وهذي تعقيباتي على بعض من كلامك :
مافهمت معناها ؟؟؟!!!بالبيد الله
بس انا 2000 و انا اتوقع انها تختلف لان شكلها و غيره يختلف انت ماتتوقع او ماعندك معلومة عن2000 من هالناحية (قوة المكينة و المكيف )؟؟؟وقوة السيارة الضعيفة والمكيف التعبان لو تحطه على اعلى درجة مايبرد فقط هذي العيوب
يعني ماتنصحنى بالسوبارو؟؟؟بأن لا تستعجل في قرارك ودور على مهلك
نعم افدتنيوانشالله اكون قد افدتك
انا حصلت سوبارو موديل 2000 صاحبها يريدها بـ16.5 ألف ريال وهي بديها خالي من الصدمات و محركاتها تمام العيب الوحيد هو انها ماشية واجد300ألف كم .
و انا ماريد هونداي او سيارة مثلها اريد سيارة علشان خط كل يوم30كم رايح و راجع30كم يعني 60كم على الخط السريع ؟
وش رايك بعد تعليقي و ماهو ردك ؟
هلا بالغالي
بالبيد هذا وكيلها في السعودية وترى يا عزيزي
الموتر زين وخدوم من الدرجة الأولى ومافي أي فرق بين 98 و2000 سوى في الشكل زيادة بسيطة في القوة بس اللي مخرب سمعة السوبارو هو وكيلها الحرامي
لاتستجعل دور على وحدة ماشية أقل من كذا بكثير
ومبروك لك مقدما
انتظر ردك
اخوك عاشق الطعوس
التعديل الأخير تم بواسطة بندر آل ابراهيم ; 23-08-2004 الساعة 07:32 AM
السلام عليكم
عزيزي السيارة ماشاء الله مايعيبها شي
وانا الان معاي ليجاسي موديل 2003 ماشي عليها 20000
ماشاء الله ماشية زي الحلاوة
اقتصادية في البنزين رساوة غير طبيعية ماشاء الله على الخط
والمكيف مايحتاج بنسبة للي انا اشوفة معاي المروحة على درجة وحدة واحس اني بتجمد
لاكن المشكلة الوحيدة هي الوكيل لدرجة اني انتظرت عشرة ايام عشان بس استنى غطى كشاف
وبخصوص اسعار قطع الغيار متوسطة ارخص من كثير شركات سيارات
عزيزي اتوكل على الله ولا تتردد بس 300 الف كثيرة حاول تشوف كل وحدة اقل من المية او اكثر بقليل
ومثل ماذكر اخوي عاشق قيمتها تطيح كثير في السوق
على العموم بتوفيق اخوي وانشالله تتوفق بسيارة زينة ونظيفة
عاشق الطعوس:
انا ادور بس ماحصلت درت في الحراج بالدمام و مالقيت الا وحده اللي قلت لكم بهالاتستجعل دور على وحدة ماشية أقل من كذا بكثير
اللي يعرف معارض بالشرقية تبيع سوبارو مستعمل يقول لي
الله يبارك :dومبروك لك مقدما
مازال البحث جاري ....عزيزي اتوكل على الله ولا تتردد بس 300 الف كثيرة حاول تشوف كل وحدة اقل من المية او اكثر بقليل
هذا الشئ سيئ بالنسبة الى اللي بيخذها من الوكالة وجميل لمن سيشتريها مستعمل و بالنسبة لي بكون شئ جميل لاني بأخذها مستعمل و لمدة من الزمنومثل ماذكر اخوي عاشق قيمتها تطيح كثير في السوق
انشاء اللهعلى العموم بتوفيق اخوي وانشالله تتوفق بسيارة زينة ونظيفة
و اذا تعرف معارض بالشرقية تبيع سوبارو مستعمل أخبرني
حبيت اسئل عن سرع الجنوط الواحد بكم للسوبارو ليجاسي2000
