مراوح التبريد

.

طيب أعتقد والله العالم واحتمال أنه المشكلة تدور حول حساس الحرارة ولا أدري بالنسبة الى نوع وموديل سيارتك هل يجي حساس حرارة واحد بحيث يكون اعتماد تشغيل المراوح وكل أمور مراقبة حرارة المكينة عن طريقه والا فيها أكثر من حساس لأنه بعض السيارات للمراوح حساس خاص فيها cooling fans sensor وحساس آخر يقيس حرارة ماء تبريد المحرك وحساس ثالث خاص بحرارة المحرك ويكون راكب على السلندر وهو اللي يكون مرتبط بعداد الحرارة في الطبلون ,,,, وبعض السيارات تشغيل المراوح عن طريق كمبيوتر خاص فيها صغير حجمه حجم كف اليد cool fans control unit ويكون راكب على الكاور الخاص بالمراوح أو أي منطقة قريبه من المراوح أو المروحة اذا كانت السيارة لها مروحة تبريد واحدة فقط ذات سرعات متعددة

وبالنسبه لي فيها مروحتين كبيره وصغيره تشتغل مع بعض

في موضوع الحراره معاك حق .. لكن في موضوع المكيف مايكون حار الا بعد حراره 97 ولو افتح الكبوت القى المراوح الثنتين طافيه مجرد ماتشبك ثانيه يرجع بارد وممتاز

انا شيكت في سياره واحد من الشباب تشارجر 2017 لاحظت مع المكيف المراوح ماتطفى الا لثواني معدوده وترجع تشتغل عشان كدا المكيف مايفصل عكس عندي تطفى لمده طويله ممكن 4-5 دقايق عشان كذا يفصل المكيف ويحتر حتى تشبك المراوح


خصوصا الكمبريسر والفريون ممتازات

.
حياك الله أخوي

طبيعي يكون عمل المراوح عند هذي الدرجات من الحرارة خصوصا في سيارات الدوج وعمل المراوح وتشغيلها يختلف من سيارة الى سيارة أخرى وحتى سرعات المراوح تختلف تبعا لحساس الحرارة ونوع وموديل السيارة ,,,,,,, أما بالنسبة الى عمل واشتغال مراوح سيارتك في هذي الأيام طبيعي جدا لأنه أساسا حرارة الجو الخارجيه منخفضه والجو بارد فالمحرك مايحتاج الى تبريد كثير وهذا الشئ يشمل جميع السيارات ,,,, باقي شئ واحد وهو معرفة هل مراوح سيارتك لها عدة سرعات والا نظامها تزيد سرعة المراوح ويرتفع صوتها ومعدل دورانها حسب حاجة وحرارة المحرك لأنه بعض سيارات الدوج مروحة تبريد واحدة كبيره والمروحة تزيد سرعتها حسب حرارة وحاجة المحرك واللي يتحكم بها كمبيوتر خاص فيها وعالعموم حتى لو وصلت الحرارة في سيارات الدوج الى 104 درجة مئوية طبيعية جدا و ماراح يضر أبدا ولا راح يتأثر حتى المكيف او تقل برودته الا اذا المكيف بالأساس فيه مشكلة وكلامي هذا كلام مجرب للسيارة سابقة من سيارات دوج موديل 2012

كرايسلر 2015