هل CVT نيسان مثل الجحة أنت وحظك؟

السلام عليكم

نقاش جميل ودائماً افتخر بوجود اعضاء واسعي الاطلاع في عالم السيارات

كانت مشكلة قير الس في تي من نيسان هي التسخين بسبب مبرد القير الصغير وتم حل الاشكال (حسب كلام الشركة ) في الموديلات الحديثة

شخصياً رغم تجربتي لعدد كبير من السيارات ارى ان الس في تي قير ممتاز للاستخدام المدني وللسيارات الصغيرة لكن للسيارات الكبيرة ومن يرغب بالاستمتاع فالقير التقليدي افضل خيار وبصراحة لست من عشاقة
قبل عدة اشهر نيسان احتفلت ببيع 7 ملايين سيارة تحتوي على قير CVT

تعجبني برمجة قير الس في تي في سوبارو وكذلك هوندا لاتشعرك انه قير سي في تي

وانا من الاشخاص الذين يرون ان نيسان فقدت سحرها السابق في تقديم سيارات مرغوبة لعشاقها رغم ذلك
فانها على مايبدو تسير في الطريق الصحيح والدليل وصول تحالف رينو نيسان هذا العام الي تصنيف اكبر مصنع سيارات في العالم متجاوزة تويوتا ومجموعة فلكس واجن وجي ام

عليك من المكتوب في الكاتالوج,
أما الوكالة ودهم تغيره كل 40 ألف!
الأكورد مكتوب في الكاتالوج أول مرة تغيره على 120 ألف
وبعدبن تصير تغيره على 80 وما أعتقد فيه قير تروس يتغير عند أقل من 80!
الألتيما 2006 تروس غيرته على 150 وأموره زينه!
وناس كثيرة مرو علي معهم لاندات وصلوا 500 ألف ما غيروا الزيت بس يزيدونه
هذا يعني انه لو يغيرونه بوقته كان مشى فوق المليون بالراحة.

هي مواقع وليس موقع واحد المصدر الي جبته ويوم دورت بتلك الفترة ماشفت موقع واحد أمتدح CVT أنه أطول عمر من التماتيك التقليدي, نعم CVT أفضل اقتصاد من التماتيك التقليدي وكثير من المصادر ذكرت أنه أفضل اقتصاد من التماتيك الدبل كلتش مثل الموجود بسيارات فولكسواجن وماشابه ... الخ رغم أن بعض المواقع تقول ان صرفية تماتيك الدبل كلتش افضل من CVT لكن قليلة

وبخصوص تغيير زيت التماتيك التقليدي انا اول مرة اسمع بها من 40 إلى 60 ألف! الحمراني يوم جيت اشتري الباترول قالولي بصيانتهم تغير الزيت من 80 ألف وأقصى شيء 100 ألف ونفس الشيء ون ستوب وكذلك نفس الشغلة عند وكالة هوندا وتويوتا تغيير الزيت عندهم ومعظم المقالات الي بحثت عنها ينصح بتغيير زيت القير التماتيك التقليدي مابين 30 ألف ميل إلى 60 ألف ميل وهو مايقارب 50 ألف كيلو إلى 96 ألف كيلو حتى بعض المواقع ذكرت عادي تمشي عليه 100 ألف ميل! (166 ألف كيلو) لكن لا ينصح به لأن الفترة كافية ان الزيت يفقد يلزوجته ويخرب عليك القير بسبب أن استخدام الناس مو متساوي

وشغلة كويسة موضوع قير الالتيما ارخص من قير المازدا ولو اني ودي بمصادر الاساسية للنيسان والمازدا مثل مصدر تويوتا الي جبته
لكن الحقيقة عندي اضمن قير مازدا يعيش اطول من قير الالتيما بدون مشاكل وان كان فعلا قير الالتيما أرخص والمازدا اغلى فانا استبعد تغييره بالمازدا لكن ما استبعد تغييره بالالتيما وطبعا هذي وجهة نظر شخصية

.مع احترامي معلومات الموقع مغلوطة
اولا تكلفة صيانة الcvt اقل من الاوتو التقليدي
الاوتو التقليدي يتغير زيته كل 40 الى 60 الف والcvt كل 80 -100 الف
وسعر التغيير ب600 ريال تقريبا 300 شغل يد في بترومين مع جالون الزيت اخوي شرا علبه الزيت من محلات القطع الغيار حول ال200 ريال وغيره عن البنشري ب30 ريال
ايضا سعر الcvt في الالتيما ارخص من الكامري والمازدا
هذا من موقع امريكي سعر الجير اصلي جديد
https://www.quirkparts.com/oem-parts/nissan-trans-axle-310203vx0c/?c=Zz1hdXRvbWF0aWMtdHJhbnNtaXNzaW9uJnM9YXV0b21hdGljLXRyYW5zbWlzc2lvbiZpPSZyPSZhPW5pc3NhbiZvPWFsdGltYSZ5PTIwMTcmdD1zJmU9Mi01bC1sNC1nYXM%3D
2,642.86 دولار واصل الي بيتك يشحن مباشر هذا الموقع

سعر جربوكس المازدا المشهورة برخص قطع الغيار
https://www.quirkparts.com/oem-parts/mazda-trans-axle-fwh303000rv0/?c=Zz1hdXRvbWF0aWMtdHJhbnNtaXNzaW9uJnM9YXV0b21hdGljLXRyYW5zbWlzc2lvbiZpPSZyPSZhPW1hemRhJm89NiZ5PTIwMTQmdD10b3VyaW5nJmU9Mi01bC1sNC1nYXM%3D

3,917.45 دولار

الكامري من موقع اخر
https://www.toyotapartsdeal.com/oem/toyota~transaxle~assy~auto~30500-06061.html
3752.52 دولار !!
واكيد قيور ال8 نمر راح يكون سعرها فلكي
ايضا الموقع لم يعطيني سبب علمي لتخبيط القير او اعطاني احصائيةعدد القيور المخبطة
بالمختصر دليل على صحة معلومة ان القير يخبط اسرع من الاوتو القليدي
الموقع الاخر موقع محاماة صح فيه قضايا رفعت على قيور الالتيمات والباثفندر 2013 و2014 الي فيها عيوب تصنيعه فعلا
لكن تم اصلاح الخلل في المودلات التالية من واقع تملك لباثفندر 2015 عندنا في البيت
والمحاماة مهنه رابحة في امريكا من اتفه سبب يطلعون تعويضات

بالنسبة للملل للقير القير يثبت الاربي ام على اقوى نقطة يطلع فيها احصنة
يعني لو شدت النمرة لا قير DSG ولا اوتو وعادي يجاريه في الاداء تابع الفديو
https://www.youtube.com/watch?v=cb6rIZfCuHI&t=51s

يعني توفير وقود واستجابة افضل وجودة من واقع تجربة واقل فترات صيانة من واقع تجربة
باقي السباكين حقين الورش يتعلمون اصلاحه فقط لاغير ...

الله يعطيك خيرها ويكفيك شرها
السيارة اهتم فيها سوائل وفلاتر وتجنب الحفر والمطبات قد ما تقدر
وما يمنع من الدعس بين فترة وفترة

.


الله يجزاك الف خير ..

والله يالغالي لو سمعنا فلان وعلان .. ماشترينا سياره كان جلسنا على سياكل

الواحد يتوكل على الله .. اما اذا جلس يسمع هذا وهذا الله يعينه على الوسوسه ..

وثانيا الوكيل العيسى معطيني ضمان خمس سنوات كيالو مفتوحه .. وان حصل شي ولا حاجه وديها على الضمان وان شاء الله يصلحونها ..

وحبيت اذكر حاجه .. قبل لا انهي كلامي ..

بالنسبه للحنه الي يتكلمو عنها بعض الشباب .,, تصدقون اني انبسط فيها هههههههه .. اي والله اقولها وانا صادق .. لا مجامله ولا شي .. الفلوس فلوسي والسياره سيارتي .. وانتم فلوسكم عندكم والسيارات الي تمتلكونها عندكم .. يعني ماحد دفع من جيب الاخر شي ...

مره قلت اجرب اعزمها بعد مامشيت في السياره تقريبا 9 الاف كيلو .. وكنت حاط الوضع عادي مو السبورت ..
ودست لها من قلب هههههه نجرب عزم الماكسيما الجديده ..
طااااارت بسم الله ماشاء الله والضغط على 6 تقريبا والعداد حق السياره ناظرت فيه لقيته عن 130 مادري 120 في ثواني ماشاء الله .. قلت يعني لو كان احد جنبي في هذيك اللحظه ماتوقع بيجاريني لانها ماخذه عزما بدون تبديل بعدها ريح القير ..
واحيانا اذا ماشديت عليها واجد اشوفها تبدل عادي .. . بس اتوقع اذا تعطيها ريس جامد يعلق الضغط على 6

قلت بجرب الان نظام السبورت واشوف بدون استخدام التبديل الرياضي الي خلف المقود ,,

ماشاء الله تبارك الله .. تبديلاته سريعه بدون ماتحس ان السياره تاخذ عزمها ثم ترجع مره ثانيه تاخذ عزم مثل قير التروس .. هذا تبديلاته ورى بعض .. يعطيك قوة وسرعه اكثر .. وماتشوف نفسك الى واصل 180 ههههههههه .. لاحول ولا قوة الا بالله .. والله مالي في السرعه
لاني ادري انها هلاك .. بس قلت اجرب هالسياره واجرب نظام القير .. اكتشفت انه جميل ماشاء الله

والله يبارك لنا فيما شرينا وشريتو ..

بالتوفيق للجميع

ماشاء الله تبارك الله

الله يطعمك من خيرها ويكفيك شرها


رسالة من الأشخاص اللي يتهمني انا وغير بالمطبلين بسيارات نيسان هذا الرجل قال اول مرة يجربها واعجبه النظام


موفقك الله يبارك لك في سيارتك

السلام عليكم

موضوع طيب ان شاء الله

بالنسبه لي انا شخصيا .. بصراحه ماقد جربت هالقير من عرفت اسوق هالسيارات ..

كل السيارات الي كنت امتلكها كانت امريكي الصنع .. وبعدها كوري وبعدها نيسان
بالمختصر المفيد ...

الي خلاني اشتري نيسان ماكسيما .. 2017 كثر ماسمع الشعب يقولون القير حق الماكسيما يحتر وفيه حنه بالمكينه ويخرب ومادري ايش .. قلت اطب في النيسان
لاني اثق بالصانع الياباني .. سواء كان فيه مشاكل او لا .. لاني قد شفت التيما 2011 كانت تعاني من قير السي في تي لان المبرد حقها كان صغير.. وركب لها صديق مقرب لي مبرد كبير والان ماشيه 380 الف تقريبا وماعندها اي مشكله .. طبعا الموديلات السابقه كانت فيها مشاكل .. علما اني وقتها ماكنت امتلك اي سياره من نيسان

جربتها في الماكسيما و لاول مره استمتع بهالنظام الممتاز .. جدا مريح في تبديلاته .. واحسه يعطيني افضل عزم من القير العادي نظام التروس .. وايضا لاحظت انه موفر للبنزين بحاجه بسيطه .. قير السي في تي ممتاز .. واذا بتستخدم السياره مثل خلق الله وتحافظ بتعييش معك سواء كان قير تروس ولا سي في تي ولا قير بطيخ ..

اي سياره بتجلدها بتجلد وجهك وجيبك .. حديد الكترونيات كهرباء لازم يخرب .. بني ادم وهو بني ادم اذا ماتحافظ على صحتك الله يعينك .. بتحافظ على نفسك بتعيش سليم باذن الله

فما بالكم بالحديد ..

في النهايه حبيت الماكسيما اكثر عشان هالقير الجميل والله يكتب الي فيه الخير لي ولكم يارب

.كذلك نيسان كان بدايتها بدفع خلفي

والناقل مايفقد عزم دوران المحرك مقارنة بالمنافسين فيه لاق بناقل cvt


https://www.youtube.com/watch?v=_mzjBKOssJY

بالنسبة للي تكلموا عن السي في تي في الفولفو في السبعينات كان مبدأ عملها كما هو ادناه


https://www.youtube.com/watch?v=YHlGM6P8IA8

شكيك على السيارات اللي نفس نظام اكسترونك علشان تنصح بها الناس لا يشترونها :0:

ولا يهمك وخلك على قناعاتك ولا تشغلنا بها :47:

اللهم صل وسلم عليه

لكن اضحكتني

خلك على




ونظام ABLS اللي يحفر افضلك :1::





كذلك انا لست مهتم لقناعتك لاني مرات احس انها تكيس من راسك

شاكر لك

لست مهتماً بماقلت ولن أخذه كمعلومة!

ومازلت غير مهتم بالرد على ماقلته

عارف ما السبب؟

لاني قد تناقشت معك أكثر من 3 مرات نقاشات مطولة

اتضح معي اني لاحظت ساعات (وليس دائما) النقاش معك ماله نتيجة ومضيعة من الوقت ومن غير الحكمة أيضا فتح نقاش نتيجته معروفة وبنفس الوقت ماراح تخلص!

ولو انك تعرف بعض الاسباب مثل تبي غصب إلا تغيير وجهة نظري أو وجهة نظر غيري وتعطيلي تبريرات وأنت مستحيل تغير وجهة نظرك! نادر جدا تعترف بأمتيازات الأخرين أذا كانت ضد نيسان مباشرة! ساعات توضح أن ردائة بعض الاشياء في نيسان على أنه شيء عادي وطبيعي! ساعات تكثر الكلام بشيء لافائدة منه وغير مهتم به أصلا! وهنا لو تعلق شيء ماله فايدة او ارتباط مباشر بالنقاش راح يتشعب النقاش اكثر مما يجب! أو تحاول تلف وتدور ولا تظهر حقيقة الامر إلا متأخر جداً! ساعات تجيب لي قناعات غريبة وغير منطقية وليست حتى قريبية من الواقع وللأسف ساعات تناقض نفسك بكلامك بعد كم رد!!! فشيء طبيعي ما افتح نقاش مع واحد تضرب معه الحَمية النيسانية

لان بهذي الحالة فعلاً يكون السكوت أرحم!

وسأطبق مقولة الرسول صلى الله عليه وسلم:
في سنن أبي داود هو: عن أبي أمامة قال: قال رسول الله صلى الله عليه وسلم: أنا زعيم ببيت في ربض الجنة لمن ترك المراء وإن كان محقاً.

:47:

ممتار افضل سؤال تم توجيه وانا بجاوبك بحكم بحثي واهتمامي بهندسة السيارات بشكل عام سأذكر نيسان ورينو وكذلك الشركات اللي تستخدم نفس النواقل



شركة جاتكو تعد من أقوى الشركات العالمية بنواقل الحركة CVT و اوتوماتك و مانول وحصلت جوائز الشركة بنواقل CVT

جاتكو سنويا تنتج 10 مليون ناقل CVT فقط هذا غير المانول وغير اوتوماتك وهذا غير ترخيص خارج المصنع لمحركات نيسان 6 سلندر يصنع خارج اليابان وتشمل سيارات غير نيسان ولا تستطيع تغطي جميع الدول المصنعة للسيارات


نبدا

ناقل CVT-7 :

هذا يخص سيارات الغرانيق الصغار يعني سيارات متوسطة الحجم المدمجة وصغيرة الحجم

رموز النواقل JF015E -JF020E اللي نيسان بتعديلها اسم اكسترونك المحركات تشمل هذه الرموز سعة المحرك 1.0 لتر لين محرك 1.8 لتر


السيارات :

نيسان سنترا




شيفروليه سبارك




شيفروليه سونك




سوزوكي سويفت





سوزوكي اجنس




سيارة سامسونج تباع في كوريا الجنوبية باسم سامسونج رينو SM3




طبعا سامسونج MS3 كانت سابقا تباع بشكل نيسان صني 2010 وكان في منها نسخة اسمها سكالا





نيسان جوك





ونختمها بنيسان كيكس بناقل CVT-7 برمجة W / R التعشيق الوهمي استيب




وباقي السيارات اليابانية المربعة سوزوكي وسيارات ميتسوبيشيونيسان





نجي لناقل CVT-8

هذا الناقل لمحركات السيارات 2.0 لتر الى حصريا لسيارات نيسان 6 سلندر 3.5 لتر رموز النواقل JF016E-JF017E


نيسان اكس تريل




رينو كوريوس




رينو تاليسمان في الفئات اقل من الفل بنواقل CVT الفل كامل بمحرك نيسان جوك 1.6 توربو بناقل 6 سرعات




ميتسوبيشي RVR




ميتسوبيشي اوتلاندر ناقل CVT فقط بمحركات 4 سلندر





هذه السيارات يبو اسد لا تشتريهم لان نواقلهم اكسترونك


الشركات اللي الغتها لان محد قدر يقدم محرك كبير وعزم دوران عالي مثل نيسان

هوندا كانت تحب تختبر ناقلهم على محرك 2.4 لتر نوع من الاختبارات شافت ان الناقل يقدم شى رائع حولت محرك الأكورد الى 1.5 لتر توربو بناقل CVT حتى سوبارو تصنع الناقل بمحرك 6 سلندر بعزم دوران 335 نيوتن بقوة 257 حصان والان راح تلغي المحرك وبتعتمد على 2.0 لتر توربو



نيسان هي الوحيدة الى الأن تقدم لك CVT وبعزم 355 نيوتن متر وبقوة 300 حصان تنفس طبيعي وهم اللي راح يستمرون بهذا الشى وهي فرض عضلاتهم


بحكم اني امتلاكت 3 سيارات CVT مع الان وصول 10 سنوات وشفت وحضرت موضوع الاستدعاء الالتيما والباث

وناقل نيسان CVT لمحركات 6 سلندر كان له ترخيص امريكي والان دخل ترخيص مكسيكي من جاتكو بعد مشاكل 13-14 ومستحيل جاتكو ترسل نواقل 6 سلندر من اليابان الى امريكا ومستحيل جاتكو تغطي السوق الأمريكي كامل لسيارات نيسان

والدول اللي يباع فيها محركات 6 سلندر CVT واللي تضررت من الالتيما والباثفايندر


1- قارة امريكا الشمالية ( امريكا - كندا - المكسيك )
2- استراليا
3- الشرق الأوسط ( دول الخليج وبعض الدول العربية )


اضبت صور من مواقع عربية علشان تكون واضحة الصورة

هههههههههه لست مثلك احاول اقناع الناس لا تاخذ امريكي ولا كوري ونيسان فاشلة في CVT

ماعمري قلت لشخص اشتر هذه واترك عنك هذه مشاكل وغيرها مثلا تفضل الأفالون على الأزيرا او تحاول تبعد الناس عن الأمريكي

انا بنصحك نصيحة أخوية

اسم الناقل CVT-7 و CVT-8 وليس اكسترونك اسم اكسترونك يمد لبرمجية خاصة لنيسان اذا عندك قناعة بعدم امتلاكهم فانا بنصحك بالسيارات والشركات اللي تستخدم هذا الناقل علشان ماتشتريهم تابع للأخير علشان تعرف وش السيارات

ياهلا حياك ربي

في موضوع قسم الصيانة في الصفحة 4 رقم الرد 27 بتاريخ 6-6-2017 قبل 3 شهور تقريبا كتبت عنها ان شركة بترومين شرت الشركة بمبلغ 80 مليون

https://www.assayyarat.com/forums/thread303014-4.html


الى الأن محد قدر يوضبه حتر شركة ترايستار نيسان بترومين كان اشتر العيسى يوضب جيور سيارات نيسان لكن CVT قالها ماتتوضب بالرياض بمركز مخرج 18

أعتذر لك للتأخير بسبب تحديث نظام الويندوز 10

عندي عشق للشركات اليابانية لكن حط في بالك جيدا جميع الشركات يهمها الربح وتحط تارقت لرقم معين تحققه


رد على كلامك الأول

هل شاهدت مني اني امدح نيسان مثل الأخ /اوتشيها مادارا في السيارات الكورية ولا مثل الأخ/ ماضي يمدح بشركة تويوتا وتقنياتها
او مثل الاخ/ كومبو اركز على مبيعات تويوتا وامدح قسم الصيانة بعبداللطيف جميل علشان صيانة ةتغير بطارية ولا مثل الأخ ابو اسد اجلس امجد في سوبارو حتى بنظام CVT الخاص بهم أو الاخ / ماتسودا مدح في مازدا وانظمة براءة الأختراع هل وجدت احد من عشاق نيسان جلس يمدح بتقنية محركاتهم CVTCS ولا نظام الحقن المباشر او نظام التعليق في سيارات SUV انها تدخل المنعطفات مثل السيدان


اسمح لي اصحح معلوماتك اذكر جيدا الماكسيما واذكر جيدا جلوريا ونسختها انفينيتي Q45 كانت نيسان محركاتها قوية بالسابق مثلا 1.6 لتر كان ينتج على 170 حصان الأن هذا المحرك اذا قوى وصارت زحمة 113-120 حصان نيسان كانت افضل من تويوتا بالمبيعات نيسان كانت من السبعينيات حتى اواخر التسعينيات تبيع افضل لكن عام 1998 انقلت لصالح تويوتا اشاعة نيسان تخبطط ونيسان تتفك من ذيك السنة

لكن احب اقول لك ان الالتيما كانت زفت موديل 2005 في المواد المصنة كانت الاكورد والكامري افضل منها لكن الأن نيسان المواد المصنعة افضل خامات من تويوتا واجود المواد واقل سعر


كاانت زفت من 2002 الى 2006 الالتيما بالمواد واذكرها جيدا





كانت اللي معي الألتيما 2008 افضل منها مواد وخامت وتقنيات



حتى نزلت التيما 2013 برضوا شريتها وكانت كوالتي عااالي مافيه سيارة في فئتها كانت تحديد مسار ونقط عمياء وتشغيل عن بعد حتى شاشتين LCD لا كوري ولا امريكي ولا ياباني كان بنفس مواصفاتها حتى الفئات اللي اعلى منها معدى مازدا تتفوق بالرادار والتفاف العدسات فقط




هذا هو معنى تقنيات عالية ومواد افضل بسعر اقل وليس تقليل مواد الخام نيسان قبل 2007 كانت زفت موادها الأن غير


لان عندنا عادات وتقاليد وعباطة CVT مهب زين مثل سالفة لا تشتري كيا تخبط خذ هيونداي افضل نفس سالفة الكوري حده 5 سنوات ويخبط نفس سالفة لا تشتي امريكي كهرب ويخبط هذه عاداتنا وتقليدنا نشتري تويوتا لانها شيك بالمخبات !!!




الرد الثاني :

مرسيدس استخدمته في زمن الالفية 2004 -2005
فورد رجعت تستخدمه 2006 والغته في النسخ الأوروبية

بي ام دبليو في سيارات ميني كوبر 2001

فيات 2007

كثير اخوي لايف والسبب الغائهم محد قدر يتعدى سعة المحرك 1.5 معدى أودي وصلت لها محرك 2.0 بتوربو وشركة ZF اعلنت فشلها لهذا الناقل بحكم هي تمد للشركات الأوروبية ككل




اختمها معك كقصة لي مع CVT


انا كنت مثلك ومثل الاخوان المعارضين ماتوقت اني بشتري التيما CVT موديلها 2008 مثل السوق الأمريكي وكانوا العالم مستغربين وقتها و اضافه لها قالوا لي كثير ليه تشتري نيسان تراها تتفكك وتطلع حرارة وتخبط المكينة كنت كارها وقتها لين وصلت 50 الف كيلو بدت نظريتي تتغير ليه لان مافيه نتعات مافيه نفضة للسيارة المكينة هادية وخذ اكبر تغيرة للنظرة سافرت بها دول ومناطق عندك مثلا على خط القصيم تطلع طلعة الغاط بشكل سلس وكنت اتعدى السيارات بفارق كبير حتى سيارات 6 سلندر في وقتها وجربتها بطريق مكة طلعة ونزلت الجدية وفعلا ملاحظ فرق كبير بالسيارة خذ اخر طلعة طلعت فيها وهي في سوريا الزبداني وبلودان كنت اطلع قمة الجبل من طريق الشام الى المحافظتين هذه وانا بكل ارتياح حسيت معي سيارة SUV مهب سيدان لكن كان عيب الالتيما 2008 تحك بالمطبات بعد مامشت 100 الف لازالت السيارة هادية ومحركها مريح ولا فيها نتعات لذلك انا حبيت CVT

سبق وقلت لك يوم اتهمتني اني ابو رويشد في موضوع CVT وقلت لك انا يعجبني سلاسة تبديلات جيور ZF وتسارع جيور نيسان CVT


اعتذر على الآطالة