المشكلة محصورة فقط على الالتيما موديلات 2013-2014 والباثفاندر 2015؟
الغريب ان المورانو اول مانزلت او طلعت هالسيارة من الوجود وحنا نسمع عن مشاكل القير وشكلنا نسينا سالفتها! ولا؟
مع أن أول جيل للمورانو كان 2002 مدري 2003 مو 2013!
نشوف مثل هذا الموقع
http://www.nissancvtproblems.com/
محاولة جيدة لتوضيح مدى أعتمادية القير ومدى أنه
حقيقة شفت موضوعين مؤخراً عن مشاكل القير CVT لسيارات نيسان هو الاول عن الالتيما 2013 مدري 2014 والثاني عن المكسيما 2010 الي ضربت وما استفادو من شغل الوكالة وضربت بوقت مبكر والحقيقة استغرب أشد الاستغراب ان فيه ردود هجومية على اصحاب هذي السيارات انهم مايعرفون يستخدمون القير! أو مايعرفون يحافظون عليه او ماقامو بالصيانات الدورية الخاصة بالقير والحقيقة حبيت أوضح شغلة مهمة جدا تراها مهي من أخلاق المسلم الحميدة اتهام شخص بدون معطيات! أسئلة بالاول بعدين أتهمه على كيفك بناءاً على عدم محافظته فقط للقير.
الاخ WZ1420 يوضح لنا مدى سوء السيارة لديه ولدى بعض الاعضاء بقروب الباثفاندر وقد ذكر سابقاً انهم رفعو قضية ومع متابعة وزارة التجارة للموضوع وماعندك أي رد! اشتري سيارة واعرف اني بسوقها لفترة من الزمن بمشكلة بدون حل لاجل انتظر احد يشوف لامري لين يضرب القير ثم اذا جاء الاستدعاء قالولي لا يشمل اصلاح عيب مو قير ضرب هنا وش تسوي؟! اذكر شخص شرى باثفاندر عام 2015 واذكر موضوع كتب بالمنتدى بتلك الفترة وجلس فترة يطارد ورى العيسى علشان يحل العيب المصنعي حتى قام بالتخلص من السيارة! الواحد يبي يشتري راحته مو يشتري شي يعله!
اذكر حطيت موضوع عن مشاكل قير CVT لنيسان
http://www.nissanproblems.com/trends/cvt/
المشكلة أن بنفس التاريخ الي حطيته بالمنتدى تم المقال بحذف ارقام الممشى الي تضرب فيها السيارة وكان مذكور لعدة سيارات لمختلف الموديلات من 2011 إلى 2015 ومعظمها تضرب القير بمتوسط 70 ألف ميل! وقليل جدا من يتجاوز 100 ألف ميل علشان تكتشف المشكلة! بحكم أن ضمان نيسان عندنا على ما اذكر ثلاث سنوات أو 100 ألف كيلو أجل 60 ألف ميل غير كافية كضمان واذا المتوسط الي ضرب فيه القير حول 70 ألف ميل أجل القير في الحالة الي بيضرب فيها بيكون موترك 95% خارج الضمان!
تابعت مواضيع عن قيور نيسان انها تضرب والي يشتكي يذكرون بعضهم انها تكلف مابين 4000 إلى 7000 دولار لموديلات قديمة تحت 2010 يعني مابين 15 ألف إلى 26 ألف ريال قيمة تغيير قير لأنصدمت بموضوع خوينا الي ضرب عليه قير مكسيما 2010 طلبو العيسى منه 38 ألف ريال سعودي!!!! لو يبيع السيارة ماجابت هالقيمة أو لو انا شخصياً بطلب قير دينالي من الخارج الي يتحمل قوة 420 حصان مع شحنه الجوي المكلف مايكلفني 25 ألف واصل لعندي! بس المشكلة مايتركب على المكسيما بحكم ان قيرها صغير وعرضي.
بخصوص استدعاءات العيوب المصنعية الخاصة بقير CVT
لنخذ سيارتين قريبتين في المبيعات وكلهم يمتلكون قير CVT علشان مايجي احد ينقز يقول هذي مبيعاتها أقل علشان كذا عيوبها أقل
نجيب هوندا أكورد ونيسان ألتيما وكلهم سيارتين سيدان متوسطة الحجم من نفس الفئة
(صحيح الاكورد 4 سلندر فقط CVT لكن مو كل مبيعاتها أو فوق النصف بتكون 6 سلندر)
مبيعات هوندا أكورد عام 2013 كانت 366,678
سيارة
مبيعات نيسان ألتيما عام 2013 كانت 320,723 سيارةومن تلك الفترة حتى الان ومبيعات هوندا متفوقة جدا على نيسان بهذي الفئة
المهم عدد استدعاءات أكورد من عام 2013 حتى الان 73 استدعاء للقير بشكل عام سواء التقليدي وCVT
بينما عدد استدعاءات ألتيما من عام 2013 حتى الأن 290 أستدعاء للقير CVT!
ملاحظين كم فرق العدد؟
للي يبي يتأكد
https://www.carcomplaints.com/Honda/Accord/
https://www.carcomplaints.com/Nissan/Altima/
انا عندي 5 شغلات قوية ماتخليني أفكر بأمتلاك أي سيارة من نيسان قيرها CVT:
1- واضح من الادارة الاقليمة غير مهتمة بمسألة توافق الضمان بيننا وبين ضمان أمريكا لذلك هذا أقوى سبب اني ما اضمن القير.
2- واضح ان الوكلاء مايبون يصلحون القير لو خرب كما قرأنا من سالفة أحدهم أن العيسى مارضى يشيك القير وقال لازم أستبداله بمبلغ 38 ألف! صدق حسيت الموتر بورش مو نيسان! ولما اشتكى للادارة الاقليمية أنه يبي تنحل مشكلته للأسف أكتشفنا أن الادارة الاقليمية واقفة مع الوكالة وان القير مايحتاج اصلاح وغيره القير ولا فيه خصم للمبلغ الخرافي الي طلبه العيسى ولا يحزنون كتوضيح قوي جدا أن الادارة الاقليمية غير مهتمة لسمعة الماركة ورضى العميل او الوقوف معه وهذا شيء طبيعي انه يجعل الناس تترك نيسان نتنة السمعة بخدمات مابعد البيع وتبحث عن ماركة أخرى اضمن منها!
3- نعرف جيداً لما الواحد يحتار مابين لاندكروزر وباترول فالامر مو معقد جدا أن الواحد ياخذ الباترول أن صار بالنسبة له افضل كاستخدام وسعر ومواصفات لكن متخوف من الوكالة فالامر مافيه عسر ففيه ممكن 4 ورش متخصصة في الباترول فقط على الاقل في الرياض يعرفون فيه تقريبا كل شيء حتى توضيب قيره او مكينته لكن هل سمعنا عن ورشة توضب قيور CVT؟! أذا فيه ياليت أحد يخبرنا! وأذا مافي؟ فالامر غير مطمئن أبدا بشراء سيارة بقير قد يمقلب بك وينتهي بك الأمر بالتشليح لانك تعرف جيداً انك ماراح تاخذ حقك لا من وكالة ولا من ادارة اقليمية.
4- عندك تاريخ طويل للماركة بكثرة مشاكلها وضعف مستواها والفضل يعود على JATCO في ضل خيارات البدائل أضمن بكثير وأن كانت أقل مستوى من نيسان حتى!
5- تسجيل قائمة الاعتمادية خارجياً لماركة نيسان للأسف متدني جداً أذا تم مقارنته ببقية الماركات الاسيوية! (ياباني وكوري) وليس اليابانية فقط! (على فكرة سيارتي الاساسية باترول الي بيجي يقولي اني متعصب!)
نيسان اخذت في موقع Consumer Reports ضمن ثاني أقل ماركة نسبة بالرضى! والظريف بالموضوع واحد رد على كلامي وقالي بسبب ان زبائنها شيبان وكبار مايحبون تصاميم نيسان؟! الحين تويوتا وسوبارو كسيارات تعتبر أكثر مللاً على المستوى الداخلي والخارجي أذا ماقورنت بنيسان ومستوى التصميم والشكل ومع ذلك تقييم نسبة الرضى أعلى بكثير ومن ضمن أعلى 5 ماركات فما القصة؟ بكل تأكيد الشغلة لها بمستوى استخدام الملاك لسياراتهم وكيف هل هي اراحتهم او اتعبتهم
https://www.consumerreports.org/car-reliability-owner-satisfaction/car-brands-ranked-by-satisfaction/
بمصدر من موقعين لخبر من Consumer Reports ان ضمن أقل 10 ماركات أعتمادية كانت نيسان ضمن هذه القائمة وللأسف انها الماركة اليابانية الوحيدة ضمن هذه القائمة بعد ماكانت يتشاجر فيها الماركات الامريكية وبعض الاوروبية في انها تكون الاسوء بالاعتمادية وكذلك بموقع auto express الاوروبي كانت مسجلة أيضا ضمن قائمة أسوء 10 ماركات بالاعتمادية ان نيسان كانت من ضمن القائمة!
https://www.cheatsheet.com/automobiles/10-worst-car-brands-from-consumer-reports-2016-annual-report-card.html/?a=viewall
http://www.autoguide.com/auto-news/2016/02/top-10-worst-automakers-of-2016-consumer-reports.html
http://www.autoexpress.co.uk/car-news/consumer-news/91220/the-most-and-least-reliable-car-manufacturers-2016
عن نفسي ثقتي معدومة جدا بقير CVT الخاصة بنيسان بالاخص لما اعرف ان ماعندك أدارة اقليمية صاحية مهتمة لسمعة نيسان أو وزارة تجارة تقدر تتخذ أجراءات صارمة بأسرع وقت ممكن واضافة لانخفاض العام لمستوى اعتمادية نيسان
ولا ألوم الناس ابدا تتجه تشتري سوناتا أو أوبتيما وتترك الالتيما!
الي معهم سيارات نيسان بقير CVT ولا اشتكو من شيء أحب اقولهم نهيئاً لكم وعسى الله يبارك لكم في سياراتكم ولا يوريكم مكروه
لن أقول لكن أن سياراتكم حالات استثنائية أو أقول عدد قليل الي امورهم سليمة ابدا لكن مشاكل الـCVT بشكل عام أنتشرت أكثر في نيسان من بقية الماركات الي تستخدم CVT فمن أحقيتي وأحقية غيري عدم الاقتناع به
