روابط قد تهمك :
اسعار السيارات | حراج السيارات | عروض السيارات | اخبار السيارات | youtube قناة السيارات


النتائج 1 إلى 2 من 2

الموضوع: اصحابك رينج روڤر ممكن تفبدوني

  1. #1
    عضو جديد
    تاريخ التسجيل
    03-03-2017
    المشاركات
    7
    معدل تقييم المستوى
    0

    اصحابك رينج روڤر ممكن تفبدوني



    السلام عليكم ورحمة الله وبركاتة
    مقبل على شراء سيارة جديدة من ضمن خياراتي ديسكفري سبورت
    سؤالي
    هل تكاليف صيانتها غاليه مكلفه بالمقارنه من مثيلاتها السيارات الاوروبية .
    لا تبخلوا عليه من اي نصائح او خيارات اخرى .



  2. #2
    سهيل بن عبدالله الصورة الرمزية ..][ ح ــياة التــم ــيز ][..
    تاريخ التسجيل
    07-09-2008
    الدولة
    عرعر
    المشاركات
    12,584
    معدل تقييم المستوى
    100

    رد: اصحابك رينج روڤر ممكن تفبدوني

    عليكم السلام و الرحمة

    انا عندي رنج روفر سبورت 2007 , بكل صراحة جداً جميل و قيادته مريحة و سهلة , و حقيقة اقدر اعتبره انه سيارة عملية, مو مثل اللكزس اكيد و لكن افضل من BMW و أودي على سبيل المثال و عن تجربة كلامي هذا لكل هذه السيارات.
    رغم اني سمعت كلام الناس ان BMW و أودي أفضل من الرنج روفر من ناحية العملانية, و لكني شفت العكس.
    أقدر اصنف لك ان اللكزس الافضل من ناحية الجودة و العملية, و الرنج روفر يستحق جيد جداً الى ممتاز مني.

    قطع الغيار تعتبر غالية مقارنة بالسيارات الثانية..

    الديسكفري سبورت الجديد اشوفه جميل و جيد و الضمان راح يفيدك كثير, و لا ادري كم الضمان المقدم هنا, لكن اتوقع 3 سنوات اساسية, و يمكن تمديده لـ 5 سنوات مع مبلغ اضافي. و السنتين هذه مثل ما قلت تقدر تشتريها و يتمدد الضمان

    نصيحتي لك, اذا انت معجب في السيارة و مقتنع فيها و الاهم انها تسد الحاجات الي ترغبها في سيارة, لا تتردد في الشراء..

    اهم شي شوف انت وش تحتاج من السيارة؟ و على اساسها اختار.. لا تختار سيارة و تلغي اشياء كثيرة من اجل اسمها او شكلها..

    مثلاً واحد يحب البر و يحب يطلع كل اسبوع و لا يحب يصلح كثير, فهذا يشتري نيسان باترول فتك جديد مثلاً , و خلي الناس تقول الي تبي تقوله, اهم شي راحة البال و الاشياء الي انت ترغبها في سيارتك الجديدة تكون السيارة قدها و تقدمها لك بسهولة..

    طبعاً ما اقصد انك تهتم للكلام, لا والله لا تفهمني غلط.. لكن والله انا يومياً أشوف ناس و اراء ناس عن السيارات لمدة حول 10 سنوات, اقدر اقول لك شفت كثير يختار سيارته لأجل شكلها و يضحي و يحرم نفسه من اشياء كثيرة جداً و هذا غلط لانه ما راح يرتاح مع سيارته..

    فيه عندك خيارات ثانية لو تحب .. رغم اني ما ذميت الديسكفري سبورت و لكن شوفها و فكر فيها

    من الجديد عندك
    لكزس RX الجديد
    مرسيدس بنز GLE
    نيسان باترول/ انفينتي QX80

    بالنسبة لي لو بغيت اغير سيارتي, راح أضع شروط معينة واولها ما ابي سيارة حساسة, ولا ابي سيارة تخرب كثير, و لا ابي سيارة معقدة, في الوقت الحالي افضل الخيارات بالنسبة لي لاندكروزر GXR موديل 2014 - 2017 مثلاً , و لو الميزانية عندي عالية اضيف لهم لكزس LX570 أو G63 أو كايين GTS مثلاً.
    و لكن هذا في حالة كانت المزانية عالية و في حالة رغبت بتغيير سيارتي..

    رغم اني اعزب و شاب لسى في مقتبل العشرينات و لكن شفت هذه الانسب لي في الوقت الحالي ..
    خصوصاً لاندكروزر و جيب اللكزس , بسبب انها تخدم متطلباتي في السيارة .. عملي و قليل خرابات و غير حساس.
    يعني تشتري قطعة من العقل مثل ما يقولون

    فنصيحتي لك , قبل لا تقرر شراء سيارة فكر وش انت تبي من السيارة ( مو الي انت تعمله الآن ) فكر في الي تبيه في السيارة الجديدة اضافة للي تعمله في سيارتك الحالية كل يوم, يعني يمكن ترغب في اشياء اضافية..

    من ثم شوف من السيارات الموجودة في السوق وش الي تقدم لك هذه الاحتياجات.. بعدها ضعها قدامك و اختار الي يناسبك منها من ناحية السعر و الشكل و المواصفات ..

    بكذا راح تطلع بأفضل قرار ممكن في شراء سيارة تناسب احتياجاتك تماماً

    و تذكر مو دايماً الغالي هو الأفضل.. ابداً غير صحيح.

    و لكن على حسب الجودة, الجودة العالية لازم تكون غالية, و لكن مو دايماً.. مثلاً GXR 2016 جودته مثل جودة لكزس LS و أقصد من ناحية المواد المتسخدمة, و هذه انا مجربها و شايفها بعيني ما احد قالي, يعني مو شرط يكون VXR عشان يكون بجودة عالية مثل ماهو شائع عند كثير
    التعديل الأخير تم بواسطة ..][ ح ــياة التــم ــيز ][.. ; 06-03-2017 الساعة 02:56 PM

المواضيع المتشابهه

  1. هل ممكن تصليح الزجاج الامامي
    بواسطة ناجز في المنتدى نادي سيارات الدفع الرباعي والعائلية والنقل
    مشاركات: 8
    آخر مشاركة: 05-02-2017, 09:52 PM
  2. حادث تصادم بسيط بين رينج روفر إيفوك واختها التوأم Landwind X7 في احدشوارع الصين
    بواسطة SAHERR في المنتدى نادي السيارات الكورية والصينية
    مشاركات: 9
    آخر مشاركة: 02-01-2017, 07:52 PM
  3. هاي شباب انا جديد هنا كيف الحال ممكن اطلب منكم طلب
    بواسطة ليدو الحبوب في المنتدى نادي السيارات الأمريكية
    مشاركات: 8
    آخر مشاركة: 22-05-2006, 11:50 AM
  4. ممكن طلـــــــــــــــــــــــــــب
    بواسطة ابو سعيد في المنتدى نادي السيارات اليابانية
    مشاركات: 3
    آخر مشاركة: 04-02-2002, 10:02 PM
  5. رينج روفر الجديد روووووووووووووووعة
    بواسطة sambos في المنتدى منتدى السيارات العام
    مشاركات: 2
    آخر مشاركة: 24-01-2002, 02:33 PM
X