مو حكايه انا ليتنا نسوي مثلهم بس من حق الواحد ينتقد أو يمدح جميع السلع سيارات جوالات ... الخ ، عندك الكوري قبله اثبت نفسه بعد سنوات طويله من بدايتهم وكل جيل يتحسن عن اللي قبله والياباني قبلهم نفس الشي ، الصيني بعد يبي له وقت عشان يثبت نفسه اما حاليا غير معروف خيره من شره واشكال السيارات الصينيه لك عليها ( من وجهة نظري ) وأشوفها غير منتشرة بكثره بالشوارع يمكن بس شركة جيلي وماهي ذاك الانتشار ،،. وشكرا ع الموضوع.
.اثبات نفسه هذي كلمة تحتاج شرح !
ايش متطلبات اثبات الوجود حسب منطقك ؟ الأنتشار ؟ اذا عن مفهومك شركة جيلي اثبتت نفسها وهي اجود من
مازدا وافضل من سوبارو وافضل من مستوبيشي وافضل من سوزوكي كونها منتشره اكثر منهم بكثير
عا التجارب والجودة الفعلية ؟ الأنترنت مليان تجارب منها من يثني ويمتدح ومنها من يعيب حالها حال الشركات الأخرى
ماراح تلقى شركة الأراء 100% تتفق حولها ولكن على صعيد اخر هناك شيى يمكن ان استند عليه فعليا وهو الضمان ! ضمان الشركات الصينية مثل جيلي اطول من ضمان معظم الشركات اليابانية ان لم تكن جميعها وقتها لاصار شي لسيارتي الضمان هو الا بيصلحها ماراح تفيدك جملة صنع باليابان او جملة صنع بكوريا !
https://www.assayyarat.com/forums/t303225.html
^^^
هذا الأخ عنده التيما حسب كلامه صيانات السيارة جميعها بالوكالة من 0 حتى 100 الف كيلو وخلال 3 سنوات فقط فرط القير وهو الأن مطالب بمبلغ 27 الف ريال تكلفة تبديل الجير ! وللأسف الاخ طلع برى الضمان كون ضمان نيسان 3 سنوات او 100 كم
بأيش فادته كلمة نيسان يابانية واصلي !؟
النقطة الأخرى سيكون كلامك صحيح بحال ان الشركات هي الا تصنع قطع سياراتها بالكامل هنا ممكن ندرس الوضع ونتأنى حتى نعرف مستواها لكن بحال الشركات الحالية كل الشركات بلا استثناء معظم اجزاء سياراتها هي مصنوعة بواسطة اطراف ثالثة خارج الشركة
والشركات الصينية ليست اسثناء فهي تتعامل مع نفس مزودي الــ OEM Part زيها زي غيرها ولو بحثت عن مصدر اجزاء السيارات الصينية راح تحصل معظمها مصدرها شركات اروبية وامريكية
محدثك الأن وانا امتلك احدى سيارات جيلي والحمدلله ماشفت الا كل خير عنها اضف عليها قروب كامل واكثر من 200 شخص يملكون السيارة ولا واحد واجه مشكلة نذكر معها !
هونداي مثلا عندها مشاكل قديمة لم تحل للأن
كمبرسور سريع العطب والتعطل
مكينة السوناتا فيها عيب مصنعي تحديدا MPI يؤدي لتخبيطها والمشكله لها سنين والشركة مازالت تورد لنا نفس المكينة المعيوبة !
وفيه حالات تخبيط لموديلات 2016 و 2015 حتى ولو قلنا انها سوء استخدام مهما سويت بالسيارة مستحيل بسنة تخبط ! ومنتدى حراج قدامك ! لكن هل معنى ذالك ان احكم على هونداي بالفشل ؟ بالطبع لا حالها كحال غيرها تواجه عيوب مصنعية
ولكن بحالة هونداي مثلا نجد تبرير بأنها عيب مصنعي !
ولكن لو صار نفس السيناريو مع اي شركة صينية قلتو ردائة بالجودة وسيارة ابو ريالين ! قليل من العدل والمنطق !
واذا على صعيد العيوب المصنعية شركة جيلي مثلا من اقل الشركات الا حصلت استدعاء للعيوب المصنعية وكلها عيوب بسيطة
لكن فيه شركات ((
يابانية)) كل يوم والثاني بالعة استدعاء للعيوب المصنعية ! الماكسيما الجديدة وحدها بلعت اكثر من 3 استدعائات بالعيوب المصنعية ومعظمها خطير خلل في ABS و خلل قد يؤدي لأحتراق السيارة !
وهوندا بكبرها سوت استدعاء لعيب مصنعي لتبدل المكينة بكبرها اول مره بتاريخ السيارات تصير !!؟
هونداي قبل فتره بسيطة كان فيه استدعاء لعيب مصنعي قد يؤدي لأنفصال سقف السيارة بالسوناتا !!!!!!؟
وكيا سوت استدعاء لعيب مصنعي للأوبتيما 2016 خلل قد يؤدي لأنفصال العكس !!!!؟
حتى الشركات الصينية الرديئة ومنخفضة الجودة ماسمعنا بهذي الأستدعائات لها
