السلام عليكم ورحمة الله وبركاته
اولا انا مالي خبره في هالامور , ثانيا السياره كابرس 2013
السياره فيها تموج يمين ويسار وفيه صوت طقطقه من جهة الكفر يمين (صوت حديد يضرب في حديد) او صوت مسمار مرتخي الصوت يطلع مع الطرق غير المستويه والحفر واذا جيت بديور , سبق وان غيرت المساعدات والميكانيكي يوم فك المساعدات ناداني ووراني جلده مقطوعه في المقص يمين
وبعدها ب ثلاث اسابيع بدا يطلع الصوت
رحت ليمزان اليرموك الي في شارع عنيزه , وقال تحتاج تغير 2 كرسي مساعد و2 جلدة عمود توازن ومقصات سفليه كامله
ورحت لميزان البلاد ورفع السياره وجلس يهز الكفر ويفحص الجلد وقال الموتر مافيه شي !
وميزان الدرع قالي كراسي مساعدات وان المقصات سليمه , وسبب التموج ممكن فضاوة في الدوده
وميكانيكي اخر نزل تحت السياره وقال نفس كلام ميزان اليرموك مقصات جلد عمود توازن وكراسي مساعدات, وقال ان الركب السفليه تحتاج تغيير وماتجي الا مع المقص كامل
مع الملاحظه الطاره وانا ماشي سيده تكون مايله بشكل بسيط سوا لليمين او لليسار بشكل خفيف وتتحرك احيان مع عيون القطط , وعيون القطط احسها قاسيه على السياره وتسبب لها رجه اذا وطيت عليها
مشورتكم جزاكم الله خير واسف على الاطاله
