حصرياً بالصور .. تجربتي المختصرة لفورد F150 موديل 2015 ومقارنة مع الرام والسييرا

انا وسيارتي @user_181125 · 15-02-2016

حياكم الله :smile:

انا أحب الونيتات الامريكية بس السكن بالرياض وزحماته يخليك تفكر كثير قبل ما تشتريه .. لذلك أصرف النظر عنه لكني سبق وأن شريت سيلفرادو 2012 و 2013 وأيضاً لي تجربة للسييرا 2014 الجديد كلياً وجربت الرام 2010 اللي من عام 2009 إلى يومك ما تغير كثير وكل منافسينه تغيروا وصدرت لهم أجيال جديدة ... وآخر وحش أمريكي جربته هو الفورد F150 موديل 2015 الجديد كلياً ...

السيارة المجربة شبه جديدة وكانت ماشية تقريباً 8 آلاف كيلو ... فئة XLT اللي تجي بجنط كبير نيكل وداخلي بيج مع شاشة كبيرة وقير علاقي ... ثمانية سلندر 5.0

كنت أبطرح تجربتي له بشكل منفصل لكن قلت خلني أعمل مقارنة بينه وبين السييرا والرام تفيد القراء ...

تجربتي ما تختلف عن التجارب السابقة كثير .. أتحدث ببساطة وبدون مصطلحات معقدة ولا أجامل وكيل أو شركة حتى لو كانت السيارة معشوقتي وتظل آرائي شخصية ولا يهمني ما يقال عن السيارة من تقارير وتجارب أخرى !

بسم الله

أببدأ بالراحة والسبب أن الجمس السييرا هو المتفوق بين المنافسين من ناحية راحة المقعد والجلوس فيه وكعادة جنرال موتورز متميزة بهالشي ... بعد الراحة ... يطلع الجمس من المنافسة وتبقى المنافسة شرسة بين الفورد والرام وهذا يمكن يزعل عشاق الجمس والسيلفرادو لكن عادي تحملوني شوي أنا أقول الحق ولست مكلف بعمل دعاية :)

الثبات والرساوة يتفوق الرام خاصة بالسرعات العالية ... تحس ان الموتر جامد ثقيل أما الفورد فهو ممتاز والفارق بينهم قد لا تحتاجه كثيرا ...

خفة النفس واستجابة المحرك والفزة من صالح الفورد ... يعطيك إحساس بالقوة وكأنه يقول عطني دعسة أعطيك نشوة :D ... وعلى الطاري ... الجمس فعلاً كريه وثقيل دم وأحذر المهتمين بهالناحية منه ... لذلك أنصح اللي يبي موتر عائلي يشتري اكسبديشن أو باترول او أرمادا ...

متعة القيادة للرام .. فعلاً قيادته جميلة ... والفورد أيضاً جميل ومميز ...

خفة دركسون الفورد يحسسك انك تسوق تورس ...

الفورد أنعم من الرام .. بينما الرام ألين مطب وأكثر راحة من الفورد وهذا غريب شوي لأن فورد مشهور بالراحة لكن ممكن حجم جنط الفورد الكبير له دور ..

والعجيب ان الفورد بالنفود وانا منسم الكفرات تقريباً إلى 18 كان يطامر مطامر مزعج للغاية !! أما الرام بالنفود فرائع وجداً رائع وأفضل المنافسين على الإطلاق !

فيه شي بالفورد حيرني ... جربت أطلع عليه نفود عالي اللي هو الاستعراض الثاني بالثمامة ..حسيت أن السيارة يموت عزمها بالطلعة مع العلم إني حطيت القير بـ 2 وهذا شي ما تلاحظه أبد بالرام ! وأعتقد ان الجمس جيد بهالناحية ..

بالديرة الفورد عزمه جبار لكن بطلعات النفود العالية !!!
تذكرت الفكتوريا ... 8 سلندر بس مافيها عزم تحسه ضايع !

العزل الأرضي متقارب والهوائي من صالح الرام فهو أفضل من الفورد ... وأما صوت المحرك فغير مزعج البتة .. أحياناً إذا دعست بالفورد يطلع صوت طرب وقوة يهيضك شوي :D

حجم الفورد تحسه كبير أما الرام فهو على كبره تحسه متناسق أكثر والقيادة فيه أسهل ...
ومع كبر حجم الفورد يظل ماتع ...

السعة الداخلية من صالح الفورد ... فيه رحابة مميزة ..

وهاذي صور الفورد وبعض التعليقات ...

مقدمة متوحشة :xyxthumbs: خاصة مع اللوحة ... :a1120(86):

الانحناء من الجانب جميل وأفضل من الجيل السابق اللي كنه جدار !

السعة الخلفية للرجلين رائعة وكذلك انحناءة الظهر ..

مكيف خلفي ... وللمعلومية الجمس السييرا الدينالي اللي سعره تعدى 200 ألف إلى يومك مافيه مكيف خلفي .!!!

سماكة الدركسون ممتازة وتناسب حجم السيارة :bigggrin: .. بس ما أعجبني السواد الكالح للدركسون ... لو طعموه بتخشيبة أو بلون أفتح شوي ..

الشاشة كبيرة بس مافيها خرايط :confused1: ... أو ممكن فيها بس انا ما عرفت لها ...

مساكة الباب من الداخل تصميمها غريب... أشوفه زين من ناحية انه كبير ... وسيء من ناحية انك اذا جيت تصك الباب ممكن تكون ضاغط على اللي تفتحه لأن المسافة بينهم قصيرة مرة !

وأذكر اني قابلت شاب لطيف بوكالة فورد ودار بيننا حديث عن المساكة ... يقول الشاب انه قرأ ان سبب حجم كبر حجم المساكة ان كثير من مستخدمينه للأعمال الشاقة والتحميل يكونون لابسين قفازات والجيل السابق كانت مساكة صغيرة ومزعجة اذا جيت تسكر الباب لذلك فورد كبرتها .. ولا ادري عن صحة المعلومة !

لوحة العدادات جميلة ليلا ...

ونختم بهالصورة

xda ll @user_15895 · 31-03-2016

L

Laramie

RAM وارفع يدك

بالنسبة للرام احد اقاربي كان عندهم عمل في راس الخير ( راس الزور ) واثنى على الرام ويقول احسن من الجمس ويفكر فيه بجديه لانه يقول نجلده جلد في ظل ظروف وطرق غير ممهده ويتحمل كثر بينما السييرا بنفس المشروع على كلامه انه 2014 يقول صار كانه 2008 من كثر الاصوات اللي دخل واصوات المساعدات
عاد هو جرب انواع السيارات في اغلب المشاريع ومره معجب بالرام

Shayb @user_314184 · 31-03-2016

F150 2015 fx4
غمارتين ب 170

فيه بلاتينيوم مستعمل ماشي 8000 ونظيف جدا ب 185 الف

وش رايكم ياجماعة الخير

لانه العادي ب 170 الصراحه غالي جدا لكن البلاتينيوم على الاقل فيه مواصفات تستاهل
بس اظنه اثقل بالوزن من العادي

انا وسيارتي @user_181125 صاحب الموضوع · 31-03-2016

S

Shayb

يالغالي انا ان شاء الله ابي اشتري اليومين ذي f150

ممكن طريقة اتواصل معك لاني محتار شوي ببعض الانواع f150

وشكرا

أنا والأخوة الزملاء في المنتدى يسرنا خدمة الجميع ...

اطرح ما يدور في بالك هنا ...

Shayb @user_314184 · 31-03-2016

يالغالي انا ان شاء الله ابي اشتري اليومين ذي f150

ممكن طريقة اتواصل معك لاني محتار شوي ببعض الانواع f150

وشكرا

انا وسيارتي @user_181125 صاحب الموضوع · 30-03-2016

M

MAGNUM_62

شكلي قاري الموضوع ونصي نوم :smilie16:

نسيت اعقب على شغلة مهمة بخصوص اختلاف شكل الرام,موديلات 2009 تختلف جذريآ من الداخل عن 2011 بطريقة العزل والطبلون والعدادات وغيرها والديكور له عدة ألوان-عنابي-بيج-رصاصي-اسود

و14 فئة تقريبآ على 1500-2500 مثل Express-Lone star-Sport-Power wagon وغيرهم,غير فئات الـ3500 وفوق والـCassi

الإختلافات الخارجية بسيطة مثل الصدام والشبك والأنوار(حسب المواصفات والفئة),والموديل القادم كله بيتوحد على الشبك الجديد الخايس ابتدائآ في البور واجن

وماتجينا إلا 9 انواع وفئتين فقط وكلها تجي بالقير الجديد ذو الثمان سرعات

الي يميز الرام صدق هي المواصفات والمحرك والسعر بغض النظر عن قدم الشكل ولاتبيهم يلعبون فيه مثل السييرا وأخوه ويصير دلوع :mad1: والفورد لو تلاحظ فيه من التسعينات ماتغير إلى 2014 كل الي يشوفون الي معي مايصدقون انه 2014 :blue: على عكس الرام الـ95 على وقت 2008 كل من يسأل كم الموديل مايصدق إلا من الاستمارة يحسبونه حديث 2005-3

الرام من طلع الجيل الجديد وهو الوحيد: الي عنده شاشة 8.5 انش -تدفئة-تبريد المقاعد الأمامية وتسخين المقود وتسخين المراتب الخلفية-شاشة وسطية وش باقي :c0214:

بخصوص مساحة الأرجل الخلفية(أعزكم الله) ملاحظتك دقيقة اخوي عبدالله

والمعذرة على الموضوع,,,أقصد المشاركة المطولة :bigggrin:

تحياتي

حياك الله ياماجنوم .. ونورت الموضوع بمشاركاتك...

اختلاف الديكورات لا يوثر غالباً في القيادة ... نعم أنا اخطأت بقولي ان الرام لم تتغير محركاته ولم أذكر تغيير القير ...

لعل الله ييسر لي تجربة رام جديد :)

بورك قلمك ..

Laramie @user_283130 · 23-03-2016

ا

انا وسيارتي

راعي النيترو

الرام موتر شيخ .. وعزمه قوي ..
قيادته تهيضك :D

شرّفت موضوعي ..

أبو مؤيد

سعرها بحدود 155 ألف ريال

عطل طارئ

سرّني استفادتك من تجربتي ..

اللارمي 155 الى 2012
في 2013 نقز الى 175

انا وسيارتي @user_181125 صاحب الموضوع · 23-03-2016

راعي النيترو

الرام موتر شيخ .. وعزمه قوي ..
قيادته تهيضك :D

شرّفت موضوعي ..

أبو مؤيد

سعرها بحدود 155 ألف ريال

عطل طارئ

سرّني استفادتك من تجربتي ..

لحن المشاعر @user_126547 · 15-03-2016

A

AGENT_63

أضف على ذلك سبب إنتشار و معرفة الـ F-150 بسبب الرابتر
هذا بالنسبة لمنطقتنا الشرقية و الله أعلم عن باقي المناطق
و على كلام ميكانيكي معنا يقول الجموس أسهل صيانة من الفورد

والتيربو زادها تعقيدا .. الفورد الحوض برايي مناسب لكبار السن فقط .. اللي سواقته هادئه وطلعات بر خفيفه ويحمل عليه .. اما امور شبابيه تعديل تطعيس وغيره ماينفع .. وزي ماذكرت اني تأكدت اكثر انه ثقيل دم بالبر من هالتجربه المحاايده : )

+KoRn @user_19776 · 15-03-2016

ف150 اكثر بك اب أمريكي اقدره

LANCHER_Z71 @user_295682 · 15-03-2016

ل

لحن المشاعر

ماهمني شيك بالجيب .. الاهم انك تشتري سياره تبيها

واللي يبي يشتري بيك اب

ماظن راح يفكر بمتعه القياده والرفاهيه فيها :p

هذي لها مواترها

عموما الجمس يميزه عن غيره اشياء كثيره .. خصوصا ان الفورد اصبح تيربو .. والميزه الاهم هي الاستخدام بالبر الجمس افضل بكثير ، واستجابه الدعسه بالجمس اشوفك تذمها كثير .. وانا معك .. وهذا بسبب نظام توفير الوقود v4 يسبب بطئ باستجابه الدعسه .. وبشكل عام اساسا مواتر شفر ملاحظ عليها تجي بسفتي عالي جدا ..

بعد البرمجه تشوف موتر ثاني ! واقلها اللي يفصل نظام dod ببرمجه
بالنسبه لمتذوق السيارات .. اتوقع انه من شله اللي يقول فورد "فورت" ماعمري شفت فورد الا معاهم
نادرا اشوفها مع شباب
جدا نادر .. وبالاشياء الدقيقه للافضليه بين المواتر الشباب هم اللي يلاحظونها اكثر باستخدامهم .. سواء تعديل ومطارح او تطعيس وبر .. الجمس افضل من الناحيه وتأكدت اكثر عقب تجربتك ان الفورد بالبر ثقيل دم ! وفعلا اللي شفت صار مب بس هو بل غيره يصيير له

أضف على ذلك سبب إنتشار و معرفة الـ F-150 بسبب الرابتر
هذا بالنسبة لمنطقتنا الشرقية و الله أعلم عن باقي المناطق
و على كلام ميكانيكي معنا يقول الجموس أسهل صيانة من الفورد

Laramie @user_283130 · 15-03-2016

RAM وارفع يدك

لحن المشاعر @user_126547 · 15-03-2016

ا

انا وسيارتي

هلا لحن ...

احترم رأيك ورأي الاخ حياة التميز ....

الفرق الكبير بين الرام والفورد من ناحية
والجمس من ناحية أخرى ..

هو أن الجمس غثيث وسواقته كريهة وهذا فرق مهوب بسيط ... وسبب لعزوف كثيرين عن شراء الجمس وهذا مهوب كلامي أنا الحالي ... !

اترك عنك شلة شيك بالجيب واذا دخلت السوق تناقزوا على موترك !

و اسأل متخصص ومتذوق للسيارات .. ماذا لو خيروك بين الجمس أو الفورد ..

حتماً بتكون إجابته الفورد ...

ماهمني شيك بالجيب .. الاهم انك تشتري سياره تبيها

واللي يبي يشتري بيك اب

ماظن راح يفكر بمتعه القياده والرفاهيه فيها :p

هذي لها مواترها

عموما الجمس يميزه عن غيره اشياء كثيره .. خصوصا ان الفورد اصبح تيربو .. والميزه الاهم هي الاستخدام بالبر الجمس افضل بكثير ، واستجابه الدعسه بالجمس اشوفك تذمها كثير .. وانا معك .. وهذا بسبب نظام توفير الوقود v4 يسبب بطئ باستجابه الدعسه .. وبشكل عام اساسا مواتر شفر ملاحظ عليها تجي بسفتي عالي جدا ..

بعد البرمجه تشوف موتر ثاني ! واقلها اللي يفصل نظام dod ببرمجه
بالنسبه لمتذوق السيارات .. اتوقع انه من شله اللي يقول فورد "فورت" ماعمري شفت فورد الا معاهم
نادرا اشوفها مع شباب
جدا نادر .. وبالاشياء الدقيقه للافضليه بين المواتر الشباب هم اللي يلاحظونها اكثر باستخدامهم .. سواء تعديل ومطارح او تطعيس وبر .. الجمس افضل من الناحيه وتأكدت اكثر عقب تجربتك ان الفورد بالبر ثقيل دم ! وفعلا اللي شفت صار مب بس هو بل غيره يصيير له

انا وسيارتي @user_181125 صاحب الموضوع · 15-03-2016

ل

لحن المشاعر

افضل رد بنظري .. المنافسين بالموضوع متقاربين جدا
وبالنهايه راح تكون الاختيار بنظري من ناحيه السعر + الميول
فقط لاغير .. وماشوف ان الواحد بيحس بنقص وهو معاه ترك ويشوف انه يحتاج شي ماهو موجود عنده
كلها قويه + كلها مريحه لحد مقبول جدا + كلها تناسب التحميل بالنسبه لنا
و الخ

بالنسبه لضعف العزم بالفورد .. اضف لذلك
صاحب لي معاه فورد مكينه رابتر .. ثقيل جدا واذا وقف بهيار بدبل وجاء يمشي
مستحيل يمشي بسهوله ! يغرز .. ويجلس يسوي حركات الهايلوكسات دق ريوس وقدم
لين يطلع .. واحيانا يحتاج سحب .. لدرجه يوكن 2002 بنفس مكانه يتمشى براحه !
الفزه وخفه الدم لم تكتمل بالفورد بالاماكن اللي صنعت لها :smile:

شكرا لك لتجربتك للسياره القريبه لقلبك :wink:

هلا لحن ...

احترم رأيك ورأي الاخ حياة التميز ....

الفرق الكبير بين الرام والفورد من ناحية
والجمس من ناحية أخرى ..

هو أن الجمس غثيث وسواقته كريهة وهذا فرق مهوب بسيط ... وسبب لعزوف كثيرين عن شراء الجمس وهذا مهوب كلامي أنا الحالي ... !

اترك عنك شلة شيك بالجيب واذا دخلت السوق تناقزوا على موترك !

و اسأل متخصص ومتذوق للسيارات .. ماذا لو خيروك بين الجمس أو الفورد ..

حتماً بتكون إجابته الفورد ...

عطل طارئ @user_50537 · 12-03-2016

تقرير مميز
ومحايد وصريح

أعجبتني من جد

وإن كنت بالسابق أميل للسيرا
وتقريرك وضح لي أشياء كنت اجهلها

وجزاك الله خير

انا وسيارتي @user_181125 صاحب الموضوع · 09-03-2016

A

AR_REEM

[COLOR="DarkRed"]تجربه تفصيليه ومميزه ...

باقي تجرب التندرا وتعطينا أنطباعك عنه ومكانته بين منافسينه ..

لو حصل لي أجربه ماراح أتردد ...
بارك الله فيك ...

Q

Qassim Land

الف شكر أخ عبدالله على التقرير التفصيلي والحيادي ايضا من شخص مبدع مثلك

تمنيت لو تجري تجربة أخرى لنفس السيارة ولكن بمحرك ال 6سرندل ايكو بوست لانه اغلب التجارب لهذة السيارة
تكون لفئة ال 8سرندل
او تعمل تجربة اخرى للاكسبدشن الجديد وتقارنه بالمنافس تاهو 2015 الذي سبق وان اتحفتنا بتجربة اول ما نزل

مشكلة الفورد ما تلقاه الا نادر بمحلات التأجير .. وحصل لي تجربة الايكوبيست بالوكالة لكن ما احب اجرب مع مندوب .. ما آخذ راحتي !

K

KAMAL HEMI

مشكوووووور الف الف شكر على هذه التجربة الجميلة أخي :xyxthumbs:

الاحظ ان أغلب التجارب في المنتديات وفي اليوتيوب للـ F-150 المحرك يكون 5 لتر V8 !!!:a1120(121):

شايف سحبة كبيرة على المحرك الأفضل 3.5 لتر V6 إيكوبوست سوبر شارجد ، ماشفت اي تجربة عربية لهذا المحرك على الـ F-150 وكل التجارب على محرك الـ 8 سلندر ، المحرك الـ V6 أفضل بالعزم 569 نيوتن/متر مقابل 529 نيوتن/متر للمحرك 5 لتر ، أعتقد انه في الرمال سيكون الأداء أفضل لمحرك الستة سلندر

والأفضل في فئتة بـ أقتصادية الوقود ، وايضاً صوت السوبر شارجد سيكون مميز عند الدعسة

بالنسبة لي لو كنت ساشتري سيارة F-150 كنت سأختار محرك الايكوبوست بدون تردد

تحياتي :ch19:

الموجود كان ثمانية سلندر ..
وشخصياً لو ابشتري أخذت الثمانية سلندر لأنه أحب لي من التيربو ..

S

SHERLOCK H

ابو فوزان لو تسويها وتجيب لنا تجربة
للاكسبيدشن الايكو بوست
بيكون شي جبار

عاد لي فترة ادور محل ياجره ما حصلت

إن حصل لي فأبشر من عيوني :)[/COLOR]

xda ll @user_15895 · 08-03-2016

الفورد اف ابداع واكيد لو لا عملانيتها ماكانت منتشرة بهذا الشكل ولكن انا شخصيا بديت اميل للكبش الامريكي في هذة الفئة

أبو مؤيد @user_128009 · 07-03-2016

تجربة مميزة

كم سعر الفئة المجربة ؟

راعي النيترو @user_83791 · 07-03-2016

ماشاء الله تجربة جميلة وطيبة وملخصة بشكل قصير ومفيد
وفعلا الرام من السيارات الجميلة وكنت اعتقد انه الافضل عزما بين المنافسين
الا ان الاف150 هو متسيد الفئة

بالنهاية احيانا نشوف انتشار سيارات وهي مابذاك الزود واحيانا العكس وتستاهل

انا لو احترت لـ اخترت الرام لانه يوفر المتطلبات وبسعر اقل بكثير من المنافسين

بوركت

يا رب رحمتك @user_303478 · 07-03-2016

M

MAGNUM_62

شكلي قاري الموضوع ونصي نوم :smilie16:

نسيت اعقب على شغلة مهمة بخصوص اختلاف شكل الرام,موديلات 2009 تختلف جذريآ من الداخل عن 2011 بطريقة العزل والطبلون والعدادات وغيرها والديكور له عدة ألوان-عنابي-بيج-رصاصي-اسود

و14 فئة تقريبآ على 1500-2500 مثل Express-Lone star-Sport-Power wagon وغيرهم,غير فئات الـ3500 وفوق والـCassi

الإختلافات الخارجية بسيطة مثل الصدام والشبك والأنوار(حسب المواصفات والفئة),والموديل القادم كله بيتوحد على الشبك الجديد الخايس ابتدائآ في البور واجن

وماتجينا إلا 9 انواع وفئتين فقط وكلها تجي بالقير الجديد ذو الثمان سرعات

الي يميز الرام صدق هي المواصفات والمحرك والسعر بغض النظر عن قدم الشكل ولاتبيهم يلعبون فيه مثل السييرا وأخوه ويصير دلوع :mad1: والفورد لو تلاحظ فيه من التسعينات ماتغير إلى 2014 كل الي يشوفون الي معي مايصدقون انه 2014 :blue: على عكس الرام الـ95 على وقت 2008 كل من يسأل كم الموديل مايصدق إلا من الاستمارة يحسبونه حديث 2005-3

الرام من طلع الجيل الجديد وهو الوحيد: الي عنده شاشة 8.5 انش -تدفئة-تبريد المقاعد الأمامية وتسخين المقود وتسخين المراتب الخلفية-شاشة وسطية وش باقي :c0214:

بخصوص مساحة الأرجل الخلفية(أعزكم الله) ملاحظتك دقيقة اخوي عبدالله

والمعذرة على الموضوع,,,أقصد المشاركة المطولة :bigggrin:

اجل يسوي حركات هايلوكس :bigggrin: ويمر على نفس مكانه يوكن وبنفس وزنه واضعف منه بـ100 حصان و100 تورك!! وكارونه اصغر من الفورد -وريشو- اصغر ومتواضعه مقابل قير الـ6.2

هذا يبيلة درس خصوصي :smilie16: الهيار مايمزح معه كل السيارات تعلق فيه حتى الربع بس يبيله دبره فقط لاغير

صحيح ثقيل وزن الغمارة ونص 3400 كيلو تقريبآ(وزن الرام غمارة 3 طن)

وصحيح الفورد الـ5.0 عزمه ضعيف بس دمه ماهو اثقل من الجمس :tongue:

يبيلك تجرب مكينة الرابتر :xyxthumbs: وشرط ان الجمس مايرده إلا المعارض بهوائياته

تحياتي

ل

لحن المشاعر

^

خل شروطك لك :p
مكينه 6.2 بفورد حوض عادي جربت معه
ومافيه الا مغط وصرت ماجرب معه تفاديا لخساير البنزين ع الفاضي ..
اقوى بيك اب التندرا غيره لاتكلمني ..
ومع ذلك قدمنا مستوا قوي بنفس التعديل
ومكينه الجمس 5.3 القديمه مو الجديده : )

اقول لا تخلوني اجي اكسر خشومكم بالتاهو :a120(115):